Bjarmi - 01.04.2018, Blaðsíða 37

liill Hjbels stigiim til
hliðar íVrr en áætlað var
Bill Hybels, aðalprestur og stofnandi Willow
Creek kirkjunnar í BNA hefur stigið til hliðar
hálfu ári fyrr en ætlað var vegna ásakana
um ósæmilega hegðun. CT (Christianity
Today) birti frétt um málið 10. apríl sl. Willow
kirkjan telur tugþúsundir manna og samtök
nátengd henni standa fyrir GLS sem haldin
er m.a. ár hvert hér. Ásakanirnar koma
í kjölfar svonefndrar metoo-hreyfingar
á liðnu ári þar sem ótalinn fjöldi kvenna
hefur stigið fram og lýst því sem þær
hafa mætt allt frá ósæmilegri hegðun yfir í
kynferðislega áreitni og ofbeldi.
Öldungar eða stjórn kirkjunnar
viðurkenna að hafa ekki tekið fyllilega
eða vel á ásökunum sem borist hafi en
úr því verði bætt. Eins segist stjórnin hafa
brugðist í því að kalla hann til ábyrgðar á
þessu sviði og að hafa ekki sett honum
skýr mörk. Sjálfur hefur Hybels viðurkennt
að hafa komið sér í aðstæður sem viturlegt
hefði verið að forðast. Stjórn kirkjunnar
segist ætla að læra af reynslunni og vinna
að verklagsreglum og venjum sem laða
fram heilbrigð samskipti milli kynjanna.
Þessar vikurnar skoðar stjórnin skýrslur
og frásögur með ásökunum, svo sem
kynferðislegar og óæskilegar athugasemdir
og tilburði og ætli að hlusta með virðingu á
hverja þá konu sem eitthvað hefur að segja
um þessi mál. Jafnframt ætlar stjórnin að
ræða við Hybels um næstu skref. Konurnar
segja hann hafa misnotað stöðu sína og
vald - einkum til að nota tíma með sér í
einrúmi. Ekki er um að ræða ásakanir um
framhjáhald.
Hybels sjálfur lauk störfum fyrr en
ætlað var til að draga úr líkum á því að
umræðan og umfjöllunin myndi móta
starfið um of. Hann hefur beðist afsökunar
á því að hafa hitt konur einsamall á heimili
sínu eða hótelherbergjum. Hann hafi verið
barnalegur að gera sér ekki grein fyrir því
sem gerst getur eða fólk hugsar við slíkar
aðstæður.
Ekki er um að ræða konur sem
leituðu til hans, heldur leitaði hann til
þeirra og dæmi eru um að hann hafi
beitt konur þrýstingi til að hitta sig einan
utan þess eðlilega samhengis sem þau
störfuðu í. Samræðurnar urðu stundum
mjög persónulegar og óviðeigandi. Hann
kom með athugasemdir um klæðaburð
sem voru kynferðislegar, og snerti konur
óumbeðinn á óþægilegan hátt.
Ein kona lýsir persónulegum
upplýsingum um erfiðleika heima fyrir hjá
Hybels, sem gengu of langt, fyrir utan
daður. Hún og eiginmaður hennar komu
í kirkjuna og eignuðust þar andlegt heimili
og lifandi trú - en fannst eitthvað ekki í
lagi. Hún segir Hybels hafa farið yfir strikið
þegar hann fór óbeðinn að aðstoða hana
við æfingar í líkamsræktarstöðinni þar sem
þau höfðu upphaflega kynnst. Hún talaði
við umsjónarmann biblíuleshópsins síns
sem jafnframt var öldungur kirkjunnar.
Hún fór fram á algjöra þagnarskyldu hans,
en segir það hafa verið mikil mistök. Hún
sagði jafnframt við Hybels að þau gætu
ekki lengur verið vinir. Hún upplifði ekki
neina eftirsjá frá honum og henni finnst
enn, þrem áratugum síðar, erfitt að ræða
reynslu sína. Kirkjan sé henni mikils virði
og það er þjáningarfullt að efast um breytni
prestsins.
Kristilega tímaritið CT hafði samband
við Ross Peterson, ráðgjafa sem unnið
hefur með prestum um langt skeið, en
hann sagði ekki eðlilegt fyrir prest að
hitta einhvern einsamall í hótelherbergi
eða heimili sínu. Það eigi ekki heldur
við á hinu veraldlega sviði. í kirkjulegu
samhengi verða tengsl fólks oft dýpri en
milli yfirmanns og starfsmanns.
Prestar og forstöðumenn verða oft
einmana í sínu starfi og eiga trúnað fárra.
Hugsunin getur orðið „Ég hef fórnað svo
miklu, ég þarf eitthvað fyrir mig.“
Stjórn kirkjunnar á að hafa vitað af
einkafundum á heimili Hybeis-hjónanna en
ekki komið í veg fyrir þá. Hins vegar segist
stjórnin nú tilbúin til að hlusta á hverja þá
frásögu sem fram kemur og taka hana
alvarlega. „Látið á það reyna."
Samantekt: RG. Heimild: https://
www. christianitytoday. com/news/2018/
april/bill-hybels-willow-creek-promises-
investigation-allegations.html
bjarmi | apríl 2018 | 37