Bjarmi - 01.04.2018, Blaðsíða 30

JESUS
KRISTUR
HEFUREKKI
EINGÖNGU
UNNIÐ
OKKUR
FRELSI
HELDUR
VEITIRHANN
OKKUR ÞAÐ
EINNIG.
og drekkið allir hér af. Þessi kaleikur er hinn
nýi sáttmáli í mínu blóði sem fyrir yður er
úthellt til fyrirgefningar syndanna." Þetta
eru orð Jesú sjálfs við innsetninguna og
enn er það hann sem talar í sakramentinu.
„Sá sem á yður hlýðir hlýðir á mig.“
Margir hafa talið það í mótsögn við
skynsemina að trúa því að brauðið sé
líka líkami Jesú og vínið sé líka blóð Jesú.
Einhverjir hafa gengið svo langt að breyta
„er“ í „táknar" við innsetninguna til að reyna
að láta allt ganga upp. En sú hugsun á enga
stoð í neinum texta Nýja testamentisins.
Þvert á móti er það almáttugt orð Guðs
sem stofnsetur og blessar kvöldmáltíðina.
Og þessi orð sýna okkur aðalatriðið í
sakramentinu, gjöf sem „fyrir yður er úthellt
til fyrirgefningar syndanna."
Því að þetta átti að verða innan
skamms. Honum sem var Guðs lamb
(Jóh. 1:29) var fórnað, í eitt skiptí fyrir öll, til
að friðþægja fyrir syndir okkar (Hebr. 9:12,
Ef. 5:2). Grundvöllur kvöldmáltíðarinnar
er þess vegna þjáningin og dauðinn
sem Jesús leið saklaus og ávinningurinn
er fyrirgefning syndanna. Jesús gefur
þeim sem etur af brauðinu og drekkur
af kaleiknum einmitt það: Fyrirgefningu
syndanna. Kvöldmáltíðin er með öðrum
orðum máltíðin þar sem okkur hlotnast
ávinningurinn af sjálfsfórn Jesú. í Fyrra
Korintubréfi 10:16 orðar Þáll postuli það
þannig: „Bikar blessunarinnar sem við
blessum, er hann ekki samfélag um blóð
Krists? Og brauðið sem við brjótum, er
það ekki samfélag um líkama Krists?"
Hér kemur skýrt fram hvað Jesús
er ríkur af náð. Hinn gamli maður hleður
stöðugt upp nýjum syndum og sektin
eykst stöðugt. En þó að sektin sé mikil er
náðin enn meiri. Kristi er ekki fórnað á ný
en ávinningurinn af dauða hans fæst aftur
og aftur fyrir kvöldmáltíðarsakramentið.
LOKAORÐ
Það er hægt að segja heilmargt um
náðarmeðölin og skrifa margar bækur. í
stuttri grein eins og þessari er varla hægt
að gára yfirborðið en nokkur aðalatriði má
draga saman í lokin.
Jesús Kristur hefur ekki eingöngu
unnið okkur frelsi heldur veitir hann okkur
það einnig. Það gerir hann fyrir tilstuðlan
náðarmeðalanna, eins og fimmta grein
Ágsborgarjátningarinnar dregur saman, „því
að fyrir tilstilli orðsins og sakramentanna eins
og tækja er gefinn heilagur andi, sem kemur
til leiðar trúnni, þar sem og þegar Guði
þóknast, í þeim sem heyra fagnaðarerindið".
Réttlætingin og trúin eru því ekki aðskilin
fyrirbæri þar semframlag mannsins er trú og
framlag eða gjöf Guðs er endurfæðing. Trúin
er ekki sjálfsprottin í hjarta mannsins heldur
er hún gjöf Guðs, eins og allt annað og fæst
fyrir náðarmeðulin.
Þess vegna á ekki að beina sjónum
þess sem er í sálarneyð að glímunni við
Guð eða eigin bænum heldur að orðinu og
sakramentunum. Því að frelsið kemur að
utan og ekki frá hjartanu eða eigin áreynslu
syndarans. Orð Guðs hefur að geyma öll
hin dásamlegu fyrirheiti og þau eru gefin í
boðuninni, syndaaflausninni, skírninni og
kvöldmáltíðinni. Þannig hefur Guð margar
leiðir til að við tökum á móti ríkulegri blessun
hans, eins og segir í Jóhannesarguðspjalli
1:16: „Af gnægð hans höfum vér öll þegið,
náð á náð ofan.“
Ég læt Lúther eiga lokaorðin:
„[Fagnaðarerindið] gefur ráð og hjálp gegn
syndinni á fleiri en einn hátt. Því að Guð er
ríkur af náð: Fyrst fyrir hið talaða orð þegar
fyrirgefning syndanna er boðuð um allan
heim. Það er hið raunverulega embætti
fagnaðareríndisins. í öðru lagi í skírninni og
í þriðja lagi fyrir heilagt altarissakramenti.
í fjórða lagi fyrir lyklavaldið og þar að auki
fyrir gagnkvæmar samræður bræðranna og
uppörvun, Matt. 18:20. „Því að hvar sem
tveir eða þrír eru saman kornnir" o.s.frv.“
(Schmalkaldengreinarnar, 3. hluti, 4. grein)
Grein þessi var upprunalega skrifuð á
norsku fyrir tímaritið Fast grunn. Þýðing:
Haraldur Jóhannsson. Höfundur er
guðfræðingur og starfar í Noregi. Tilvísanir
eru í heildarútgáfur á verkum Lúthers, LW
táknar Luther's Works American Edition, WA
táknar Weimar Ausgabe á þýsku. Tilvísanir í
játningarrit eru teknar úr „Kirk/an játar".
30 | bjarmi | apríl 2018