Bjarmi - 01.04.2018, Blaðsíða 46

FIMMTA REGLA: AÐ UMFAÐMA
SORG OG MISSI
Þar sem heilbrigði ríkir tekur fólk sorg sem
leið til að líkjast Guði. Hvers vegna? „Það
er eina leiðin til að verða jafnsamúðarfull
og Drottinn okkar Jesús.“ Missir af
einhverju tagi hefur áhrif á samskipti
okkar við aðra og hvernig við gegnum
forystuhlutverki okkar. Höfundur segir
að Guð hafi reynt að stækka sál hans og
þroska hann, á meðan hann leitaði sjálfur
leiða til að losna fljótt undan þjáningunni.
Margir gera sér ekki grein fyrir því
hvernig sorg og missir geta leitt þá til
þroska og vaxtar. Náin tengsl eru á milli
þess hvernig ég læri að syrgja eigin missi
og dýptar og gæða samfélagsins við Guð
og hversu mikla samúð ég get auðsýnt
öðrum. Ef við afneitum sorginni verður
hún eins og þungir steinar sem íþyngja
sál okkar og kemur í veg fyrir að við séum
heiðarleg við Guð og náungann. Við
missum margt á lífsleiðinni, sumt á við
okkur öll sem eldumst, æskan hverfur,
önnur missa atvinnu, fjárhagslegt öryggi,
fóstur, náinn ættingja, foreldra. Og við
bregðumst misjafnlega við enda ekkert
okkar eins.
Sorg er ekki truflun þó svo við missum
stjórnina á aðstæðum. Sorgin er mikilvæg
og mikilvægt er að kveðja og finna fyrir
því hvernig okkur líður. Fyrirgefning felur
í sér sorg og getur tekið tíma áður en við
getum sleppt takinu. Fólk sem er í djúpri
sorg hugsar ekki alltaf skynsamlega og
getur fallið í freistni sem annars væri ekki
inni í myndinni.
Lausn höfundar er að skoða fortíðina
og hvernig við höfum syrgt. Nóg er af
harmsálmum í Biblíunni sem geta hjálpað
okkur í sorgarvinnu okkar og annarra.
Afneitum ekki þjáningunni sem fylgir
aðskilnaði, missi og sorg. Verum ekki svo
upptekin og önnum kafin að við megum
ekki vera að því að syrgja. Jesús sjálfur
syrgði og grét. Stundum segir Guð okkur
að bíða, þegar við erum í slíkri aðstöðu,
að hlaupa ekki af stað til að gera eitthvað
frekar en vera hljóð með honum. Með
tímanum fæðist eitthvað nýtt út úr
sorginni. Við lærum að bíða Drottins og
beygja okkur undir vilja hans, verðum
næmari fyrir líðan annarra, gerum okkur
betur grein fyrir því hvað skiptir mestu
máli, þurfum ekki að skilja allt, öðlumst
aukna auðmýkt og lærum að njóta lífsins
á nýjan hátt, svo eitthvað sé nefnt.
SJÖTTA REGLA: AÐ SETJA SIG í
SPOR ANNARRA OG VERA HLUTI
AF LÍFI ÞEIRRA
Jesús sjálfur gerðist maður, gekk inn i
okkar kjör og aðstæður, setti sig í spor
mannkyns. Oft erum við ófær eða gefum
okkur ekki tímann sem þarf til að setja
sig í spor annarra. Við erum kölluð til
að elska annað fólk, án skilyrða. En það
reynist erfitt ef reglur eitt til fimm eru okkur
óþekktar eða skipta okkurekki máli. Efvið
tileinkum okkur
þær getum við
stigið inn í heim
samferðafólks
okkar. Höfundur
setur fram 15
spurningar, e.k.
próf til að mæla
hvar við séum
stödd í þessu
efni. Sama er
um áþendingar
hvernig við
hlustum og
tölum við annað
fólk. Samtímis
má meðaumkun
okkar ekki verða
til þess að við
týnum okkur
sjálfum í vanda
og tilveru þess
sem við ræðum
við eða þjónum.
Svarið er að
átta sig á því að við erum hluti tveggja
heima, þ.e. okkar eigin og hins aðilans.
Og þegar við verðum hluti af reynsluheimi
annars einstaklings hefur það áhrif á
okkur. Heilbrigður kærleikur byggir á
tilfinningalegri heilbrigði.
SJÖUNDA REGLA: HÆGÐU Á ÞÉR
TIL AÐ FORYSTA ÞÍN SÉ EKTA
Þroski okkar snýst um kærleika og
persónuleika okkar en ekki gjafir, þekkingu
eða árangur. Guð þráir fyrst og fremst
okkur sjálf, samfélag við okkur og að fá
að móta okkur. Þar liggur grunnurinn,
ekki með því að einblína á árangur og
verkefni. Andlegur vöxtur kristins manns
er sístætt verkefni. Við lítum aftur og
brjótum á bak aftur mátt fortíðar. Síðan
snúum við aftur til hins sama til að glíma
við vandann og áhrifin á djúpstæðari hátt.
Það er eins og mörg setlög liggi ofan á
atburðum fortíðar og að við þurfum að
fjarlægja eitt í einu. Til þess þarf tíma, ró
og frið sem er sjaldgæft í samtímanum
þar sem allir eru önnum kafnir og verkefni
lífsins óþrjótandi.
Við þurfum að komast út í
„eyðimörkina" til þess að rækta
samfélagið við Jesú, þ.e. við þurfum
frátekinn tíma fyrir þögn, bæn, íhugun
á Ritningunni og lestur. En allt í kringum
okkur eru truflanir og raddir sem kalla
46 | bjarmi | apríl 2018