Morgunblaðið - 27.01.2022, Blaðsíða 12

Laufey Dóra Kjóll-
inn sem hún klæð-
ist hér er snið
A en myndin
á honum
heitir
BJÖRT.
Klæðskeri Sjöfn Magnúsdóttir á Akranesi sér um að sauma kjólana.
Konur geta fengið sent heim sýnishorn af efnum kjólanna.
Kristín Heiða Kristinsdóttir
khk@mbl.is
É
g hef skoðað mörg
hundruð tískuvefi úti um
allan heim, en hvergi
hef ég séð neinn
vinna með ljósmyndir með
þeim hætti sem við Lauf-
ey gerum,“ segir Áskell
Þórisson ljósmyndari,
en hann stofnaði
ásamt dóttur sinni
Laufeyju Dóru fyrir-
tækið Laufeyju sem
framleiðir kjóla úr efni
með áprentuðum ljós-
myndum Áskels.
„Ég hef tekið ljósmyndir í
mörg ár. Ég starfaði sem blaða-
maður og var ritstjóri í 12 ár hjá
Bændablaðinu sem ég stofnaði
fyrir Bændasamtökin fyrir
margt löngu. Ég tók því mikið af
myndum af búsmala, fólki og
dráttarvélum, en þegar ég var
hættur í blaðamennskunni og
var einhvern daginn að skoða
nærmyndir í tölvunni sem ég
hafði tekið úti í náttúrunni, þá
kom Laufey dóttir mín og sagði:
„Af hverju setjum við þetta ekki á
kjóla?“ Hún sá eitthvað sem mér
hafði aldrei dottið í hug, mögu-
leikann á að nýta myndirnar mínar í
munstur á kjólaefni. Þar með fór
boltinn að rúlla.“
Konur geta sent okkur málin
Áskell segir að Laufey hafi kall-
að saman álitshóp kvenna sem
sögðu þeim hvað þær vildu sjá í kjól-
um, hvers konar snið og annað slíkt.
„Í framhaldinu höfðum við sam-
band við unga konu, Sunnu Dís
Hjörleifsdóttur, sem var nýút-
skrifuð úr hönnunarskóla í Kaup-
mannahöfn, og hún gerði fyrir okkur
þrjú kjólasnið. Skólabróðir hennar,
grafíski hönnuðurinn Christian Ast-
ner, hjálpaði okkur við samsetningu
mynda og frágang fyrir prentsmiðju.
Við fundum svo prentsmiðju á Eng-
landi sem prentaði munstrið á efni.
Á Akranesi fundum við textíl-
listakonuna og kennarann Eygló
Gunnarsdóttur, sem saumaði fyrstu
kjólana, en núna sér Sjöfn Magnús-
dóttir, klæðskeri á Akranesi, um
það,“ segir Áskell og bætir við að
þau Laufey hefðu aldrei getað kom-
ið verkefninu í framkvæmd án
styrks frá Uppbyggingarsjóði Vest-
urlands og fyrir það séu þau þakk-
lát.
„Sérstaða okkar liggur fyrst og
fremst í því að kjólarnir eru saum-
aðir úr satínefni sem er búið til úr
gömlum plastflöskum, sem annars
væri hent. Þetta efni kallast rPET
(recycled PET) og er unnið þannig
að eftir að plastið hefur verið brætt
og kögglað, þá er spunnið garn úr
því. Síðan eru myndirnar mínar
prentaðar á þetta efni, en sú prent-
smiðja notar prentliti sem eru
vatnsuppleysanlegir og eitur-
efnalausir.“ Af þessu má ljóst vera
að umhverfismál og sjálfbærni
skipta Áskel og Laufeyju miklu
máli.
„Við framleiðum ekki kjóla á
lager því það er ekki í samræmi við
umhverfisstefnu okkar. Hver kjóll
er saumaður þegar pöntun berst, en
þegar fólk pantar kjóla hjá okkur,
þá getur það valið úr þremur sniðum
og tólf ólíkum munstrum. Fólk get-
ur valið stærð sem hentar, en við
bjóðum fólki líka upp á að senda
okkur málin af sér og þá er kjóllinn
saumaður eftir því. Einnig bjóðum
við fólki að senda því sýnishorn af
efninu, ef það vill fá að þreifa á því
og finna áferðina áður en það
ákveður val á efni, sem er tvenns
konar, Light Satin og Heavy Satin.“
Þurfti að standa úti í miðri á
Þegar Áskell er spurður að því
hvernig hann kunni við sig á þessu
nýja sviði, segist hann vera alsæll.
„Ég er orðinn 68 ára, en á þeim
aldri hafa margið snúið sér að golfi eða
dvelja langdvölum á Kanarí. Mér
finnst miklu skemmtilegra að bagsa í
einhverju skemmtilegu eins og þessu.
Þar fyrir utan set ég ljósmyndirnar
mínar á striga og álplötur og held sýn-
ingar á þeim, ég hef sýnt bæði í
Reykjavík og á Akureyri. Ég vinn líka
tvo daga í viku hjá Landgræðslunni og
það hentar mér vel að vinna svona
mátulega mikið. Þetta er vissulega allt
öðruvísi bransi en ég er vanur, að taka
ljósmyndir og umbreyta þeim með
Photoshop í munstur fyrir kjólaefni,
en mjög gaman.“ Ljósmyndir Áskels
sem notaðar eru í kjólaefnið eru fjöl-
breyttar nærmyndir úr íslenskri nátt-
úru, sem hann hefur tekið á ólíkum
árstímum og við ólíkar aðstæður.
„Sumar myndanna krefjast þess
til dæmis að ég standi úti í miðri á í
vaðskóm, til að ná litum steina undir
yfirborði vatnsins. Aðrar hef ég tekið
hátt uppi á heiðum, efst uppi á fjalli, í
sandfjöru eða í grasagarði. Dóttir mín
velur myndirnar, því hún hefur auga
og innsæi fyrir hvað af þeim gengur á
klæði fyrir konur,“ segir Áskell og
bætir við að hverjum kjól fylgi saga
ljósmyndarinnar sem skapar munstr-
ið.
Heimasíða er í smíðum, en hægt
er að skoða bækling og panta kjóla á
heimasíðu Áskels, www.askphoto.is,
eða með því að senda póst á netfangið
laufeyinfo@gmail.com.
Feðgin sneru sér saman að kjólum
Feðginin Áskell Þórisson ljósmyndari og Laufey Dóra
læknir stofnuðu saman fyrirtæki sem framleiðir kjóla
úr satínefni sem er endurunnið úr plastflöskum.
Áprentaðar eru ljósmyndir Áskels úr íslenskri náttúru.
Ljósmyndir/Áskell Þórisson
Feðgin Laufey klæðist kjól frá þeim í sniði A með munstrinu MÓA. Áskell heldur á efni með myndinni BLIK.
Munstrið RÓ Laufblöð í Rauðhólum
lögst undir feld í vetrarbyrjun.
Flott Dagný Ólafs-
dóttir í kjól sem er
snið C með mynd
sem heitir GLIT.
12 DAGLEGT LÍF
MORGUNBLAÐIÐ FIMMTUDAGUR 27. JANÚAR 2022
vfs.is
VERKFÆRASALAN • SÍÐUMÚLA 9, REYKJAVÍK • DALSHRAUNI 13, HAFNARFIRÐI • TRYGGVABRAUT 24, AKUREYRI • S: 560 8888 • vfs.is