Morgunblaðið - 27.01.2022, Blaðsíða 40

Rósa Margrét Tryggvadóttir
rosa@mbl.is
„Ég er búin að bjarga manni úr
sjálfheldu af svölunum sínum. Og
svo hélt ég að Ásgeir Páll væri
mættur með „mixerinn“ í gær-
morgun þegar „Good Morning“-
lagið var spilað á sundlaugarbakk-
anum,“ segir Kristín Sif, einn
þriggja þáttastjórnenda morg-
unþáttarins Ísland vaknar á K100
sem nýtur nú lífsins í fríi á Tenerife
ásamt fjölskyldu sinni. Þeir Ásgeir
Páll og Jón Axel, sem eru nú tíma-
bundið tveir með þáttinn, heyrðu í
henni hljóðið í beinni í vikunni.
Kristín, sem er með Aaroni Kauf-
man eiginmanni sínum og börn-
unum sínum tveimur, Söru Björgu
og Heiðari Berg, á Tenerife, ræddi
einnig við Morgunblaðið og K100.is
um Tenerife-ferðina og segist hún
njóta sín vel á eyjunni fögru. Hlust-
endur þurfa þó ekki að örvænta því
Kristín kemur aftur í næstu viku.
Byrja daginn á að
spila „Good Morning“
„Á þessu hóteli sem ég er á byrja
þeir daginn á að spila „Good Morn-
ing“ og fólkið sem vinnur hérna
þarf að labba hringinn í kringum
sundlaugina og heilsa öllum,“ sagði
Kristín í þættinum en hlustendur
Ísland vaknar ættu að þekkja lagið
„Good Morning“ sem er aðallag
þáttarins.
Lítið spáð í Covid
„Svo er bara „mega næs“ veður.
Það er ótrúlega gott að vera hérna
núna. Lítið um að fólk sé að spá í
Covid, sem er „næs“,“ sagði Kristín
í samtali við Morgunblaðið.
„Svo er ótrúlega fyndið að hvert
sem þú ferð er þér heilsað á ís-
lensku. Við fórum í „go kart“ og þar
rétti starfsmaðurinn mér hárnet og
sagði: „Hérna, hárnet,“ lýsti Krist-
ín hlæjandi. „Svo vorum við í Vans-
skóbúðinni í mollinu og þá fór af-
greiðslumanneskjan að tala við mig
á íslensku. Þannig að það er annar
hver Tenerife-búi sem talar ís-
lensku hérna,“ sagði hún.
Spænski þjónninn Gunnar
Sagðist hún einnig hafa hitt
spænskan þjón sem heitir því afar
íslenska nafni Gunnar.
„Hann sýndi okkur nafn-
skírteinið sitt. Hann heitir það í al-
vörunni. Hann var ekkert að ljúga
að okkur,“ sagði Kristín glettn-
islega.
Spurð út í fyrrnefnda björgun
mannsins af svölunum útskýrði
Kristín að hún hefði verið að fara
sérstaklega snemma í morgunmat á
hótelinu þegar hún hefði séð mann
sem var lokaður úti á svölunum sín-
um og boðið honum góðan daginn.
Hann bað hana þá um að aðstoða
sig við að komast af svölunum og
útskýrði að konan hans, sem er
hreyfihömluð, gæti ekki opnað fyrir
honum.
„Hann sagði: Gætir þú nokkuð
verið svo góð að bjarga mér af svöl-
unum af því ég er fastur. Þannig að
ég fór og hleypti honum inn. Hann
var lokaður úti, karlgreyið,“ sagði
Kristín glaðlega.
Það er fleira sem minnir hana á
Ísland vaknar á Tenerife en aðallag
þáttarins en Kristín tók fram að
hún hafi hitt mann sem hún segir að
sé hlustandi Ísland vaknar númer
eitt, í flugvélinni á leiðinni út, hann
Alexander, sem hafi verið mjög
skemmtilegt.
Kristín og fjölskyldan hafa notið
lífsins í botn á eyjunni, en hingað til
hafa þau meðal annars farið í apa-
garð, rennibrautagarð, lært svo-
kallað tai chi á þaki hótelsins og
legið í sólbaði.
Gaman Kristín ásamt syni sínum Heiðari Berg sem hefur fengið að gera
ýmislegt skemmtilegt í fríinu en þau hafa meðal annars farið í apagarð.
Heilsað hvarvetna á
íslensku á Tenerife
Kristín Sif er í fríi ásamt
fjölskyldunni á Tenerife þar
sem þau njóta nú lífsins í
hita og sól og er heilsað
hvarvetna á íslensku.
Kristín Sif nýtur þess að vera í fríi á Tenerife
Mæðgur Kristín Sif
og dóttir hennar Sara
Björg njóta sín í botn
á Tenerife.
MORGUNBLAÐIÐ FIMMTUDAGUR 27. JANÚAR 2022
Rósa Margrét Tryggvadóttir
rosa@mbl.is
„Mig langaði að leggja mitt af
mörkum, til að hvetja fólk og sýna
því að það sé ekki jafn erfitt að vera
vegan, eins og sumir vilja meina.
Mér fannst vanta vettvang þar sem
fólk gæti lært meira um málstaðinn
á einfaldan máta, án þess að þurfa
sjálft að leita uppi staðreyndir eða
reynslusögur,“ segir Eva Guðrún
Kristjánsdóttir, stofnandi Græn-
kersins sem hún heldur úti ásamt
Vigdísi Fríðu Þorvaldsdóttur. Þar
taka þær fyrir allt og ekkert tengt
veganisma og ræða það á manna-
máli.
„Við reynum að vinna út frá já-
kvæðni og deilum góðum ráðum til
að einfalda fólki lífið,“ segir Eva sem
mælir með að áhugasamir hlusti á
nýjasta þátt Grænkersins sem er til-
einkaður þeim sem ekki eru vegan
en vilja kynna sér málefnið. Hún
segist hafa heillast af hlaðvarps-
forminu vegna þess hversu frjálst og
aðgengilegt það er bæði fyrir þá sem
vilja framleiða hlaðvörp og þá sem
vilja bara hlusta. Hún mælir hér
með sínum uppáhaldshlaðvörpum.
How I built this með Guy
Raz „Viðtalsþættir þar
sem farið er yfir sög-
urnar á bak við mörg af
þekktustu fyrirtækjum
heims. Fer í gegnum ferðalag frum-
kvöðlanna, hugmyndavinnu og áhrifin
sem það hafði í för með sér.“
Kvíðakastið „Ég rakst á
þetta hlaðvarp fyrir
stuttu en þarna koma
saman sálfræðingar sem
spjalla saman um málefni
tengd geðheilsu. Það eru ekki öll sem
hafa efni á sálfræðiþjónustu, og þar
sem stjórnvöld taka ekki ábyrgð á því
tel ég hlaðvörp eins og þetta mikilvægt
verkfæri sem almenn-
ingur getur nýtt sér.“
Leitin að peningunum
„Áhugaverðar umræður
með fólki sem náð hefur
árangri í fjármálum og reynt er að
átta sig á því hvernig við öðlumst
fjárhagslegt sjálfstæði. Talað um
peninga á mannamáli sem ég held að
fleiri sérfræðingar mættu tileinka
sér.“
Þarf alltaf að vera grín „Hef hlustað á
þau frá upphafi og finnst
dínamíkin í hópnum fá-
ránlega góð. Létt og
skemmtilegt spjall um allt
milli himins og jarðar.“
Skoðanabræður „Að mínu mati veisla
af þáttum sem tengjast inn í flest sem
er í umræðunni. Skemmtilegir gestir
úr mismunandi áttum og umræð-
urnar eftir því. Alls ekki
sammála öllu, en finnst
samtalið létt og beitt á
sama tíma, sem ég dáist
að.“
Fimm bestu hlaðvörpin frá Evu í Grænkerinu
Líkar léttar og
beittar samræður
Eva Guðrún stjórnar grænkerahlaðvarpinu Grænkerinu
ásamt Vigdísi Fríðu vinkonu sinni en þar fræða þær og fræð-
ast um veganisma. K100 fékk hana til að deila sínum uppá-
haldshlaðvörpum sem eru bæði fjölbreytt og skemmtileg.
Grænkerið Vigdís Fríða og Eva
Guðrún stjórna vinsæla vegan-
hlaðvarpinu Grænkerinu.
Netöryggi
NÁNARI UPPLÝSINGAR:
Erling Adolf Ágústsson
Sími 569 1221, erling@mbl.is
Sigrún Sigurðardóttir
Sími 569 1378, sigruns@mbl.is
SÉRBLAÐ
Aldrei hefur verið brýnna
að hafa netöryggið á hreinu
Auglýsendur athugið
–– Meira fyrir lesendur
fylgir Morgunblaðinu miðvikudaginn 2. febrúar