Morgunblaðið - 27.01.2022, Blaðsíða 31

FRÉTTIR 31Erlent
MORGUNBLAÐIÐ FIMMTUDAGUR 27. JANÚAR 2022
„Við erum með aðra nálgun á þessar
sjö persónur og höfum ráðfært okkur
við samfélag dvergvaxinna,“ segir í
yfirlýsingu ævintýrarisans Disney í
kjölfar harðrar gagnrýni Game of
Thrones-leikarans Peters Dinklage,
sem telur endurgerð teiknimyndar
ævintýrisins sígilda um Mjallhvít og
dvergana sjö frá 1937 öfugsnúna.
Dinklage, sem er á sextugsaldri, er
135 sentimetrar á hæð, fæddur með
litningastökkbreytinguna brjóst-
kyrking, eða achondroplasia, og hefur
verið ötull talsmaður þess hóps, sem
glímir við þá áskorun. Meðal annars
hefur hann gagnrýnt framleiðendur
afþreyingarefnis fyrir að gera dverg-
vöxt persóna í kvikmyndum og sjón-
varpi að ráðandi eiginleika þeirra.
… og Mjallhvít hálfkólumbísk
„Þið eruð framsæknir á sumum
sviðum, en þið eruð enn þá að segja
þessa öfugsnúnu sögu af sjö dverg-
um, sem búa í helli […] Takið eitt
skref aftur á bak og virðið fyrir ykkur
hvað þið eruð að gera, mér finnst
þetta alveg út í hött,“ segir Dinklage
við hlaðvarpsstjórnandann Marc
Maron og hefur reyndar fleira við
endurgerð gamla ævintýrisins að at-
huga: „Það kom nú dálítið flatt upp á
mig þegar þeir [Disney] kynntu með
stolti að leikkona af rómönskum upp-
runa ætti að leika Mjallhvít,“ segir
hann og vísar þar til hinnar hálfkól-
umbísku Rachel Zegler, en þær Gal
Gadot túlka Mjallhvít og vondu
drottninguna í verki Disney.
Breski sundgarpurinn Will Perry
tekur undir með Dinklage á BBC
Radio 5 og bendir á að við lifum á 21.
öldinni. „Disney hefur áhrif á fjölda
ungs fólks, þau áhrif þurfa að beinast
í rétta átt.“ atlisteinn@mbl.is
Ljósmynd/Facebook
Pirraður Peter Dinklage les Disney
pistilinn fyrir sjö dverga í helli.
Disney svarar
dvergagagnrýni
- „Öfugsnúin saga um dverga í helli“
Daglegur fjöldi
dauðsfalla í
Bandaríkjunum
vegna Covid-19
er nú orðinn
jafnmikill og
þegar mest lét í
september sl.
þegar delta-
afbrigðið réð enn
ríkjum. Frá
þessu er greint á
vef BBC. Telja stjórnvöld í Banda-
ríkjunum að dauðsföllum geti átt
eftir að fjölga enn meir. Ný tölfræði
sýnir að daglega látist rúmlega
2.000 manns þar vestra úr kófinu,
sem er svipaður fjöldi og í lok sept-
ember sl. Langflestir eru yfir 65
ára aldri og óbólusettir. Hins vegar
liggja mun fleiri á sjúkrahúsum nú
en sl. haust. Alls hafa um 866 þús-
und manns látist í Bandaríkjunum
af völdum veirunnar skæðu.
Ný kórónuveirusmit hafa heldur
ekki verið fleiri, miðað við fyrri
bylgjur.
BANDARÍKIN
Dauðsföll jafnmörg
og í delta-bylgjunni
BNA Fleiri falla í
valinn vestanhafs.
Mette Freder-
iksen, forsætis-
ráðherra Dana,
tilkynnti í gær að
öllum sóttvarna-
aðgerðum í land-
inu yrði aflétt um
næstu mánaða-
mót. Byggði hún
ákvörðun sína á
tillögum danskra
sóttvarnayfir-
valda, um að aflétting aðgerða
myndi ekki setja samfélagið á hlið-
ina.
Danska ríkisútvarpið vitnaði í
gær í prófessor í veirufræði við Há-
skólann í Kaupmannahöfn, sem
sagði að þrátt fyrir mörg smit
ennþá væru ekki margir sjúklingar
á gjörgæslu eða í öndunarvél. Með-
al eldri borgara á hjúkrunarheim-
ilum væru ekki margir alvarlega
veikir. Því væri ekki mikil sam-
félagsleg hætta fólgin í því að af-
létta aðgerðum.
DANMÖRK
Aflétta öllu um
mánaðamótin
Mette
Frederiksen
Bandaríska sendiráðið í Kænugarði
hvatti í gær bandaríska ríkisborg-
ara í Úkraínu til að íhuga að yfirgefa
landið.
Þetta kom fram í yfirlýsingu frá
sendiráðinu, en sífellt verður ljósara
að innrás rússneska hersins er yf-
irvofandi.
Varað er við því að öryggis-
ástandið geti versnað með skömm-
um fyrirvara en Joe Biden Banda-
ríkjaforseti hefur varað Rússa við
hörðum viðurlögum ef af innrás
verður.
Stjórnvöld í Kænugarði og Vest-
urlönd hafa sakað Rússland um að
safna saman rúmlega hundrað þús-
und hermönnum við landamæri
Úkraínu til að búa þá undir mögu-
lega innrás.
„Ég hef ekki hugmynd um hvort
hann sé búinn að taka endanlega
ákvörðun, en við sjáum vissulega öll
merki þess að hann muni beita
hernaðarvaldi einhvern tíma
kannski frá líðandi stundu og fram í
miðjan febrúar,“ sagði aðstoðar-
utanríkisráðherra Bandaríkjanna,
Wendy Sherman, í erindi sínu á ráð-
stefnu í gær, og vísaði þar til Vladi-
mírs Pútíns Rússlandsforseta.
Flókinn fundur í Frakklandi
Úkraínskir og rússneskir ráða-
menn funduðu í gær í París og
ákváðu þar að hittast aftur að tveim-
ur vikum liðnum í Berlín til að halda
fundahöldum áfram. Sendimaður
Kreml sagði umræðurnar ekki ein-
faldar en ásamt Rússum og Úkra-
ínumönnum voru fulltrúar Frakk-
lands og Þýskalands viðstaddir.
„Þrátt fyrir ólíka sýn á ýmis atriði
voru allir sammála um að vopnahlé,
í eystri hluta Úkraínu, þyrfti að
halda,“ sagði sendimaðurinn.
Bandarísk stjórnvöld höfnuðu í
gær beiðni Rússa um að meina
Úkraínu um aðgang að Atlantshafs-
bandalaginu.
Blinken vill ræða
aftur við Lavrov
Utanríkisráðherra Bandaríkj-
anna, Antony Blinken, sagðist ætla
að ræða á nýjan leik við utanríkis-
ráðherra Rússlands, Sergei Lavrov,
en þeir funduðu í Genf á föstudag-
inn var.
Hann vonast til þess að með því,
og fundinum í París í gær, verði
hægt að leysa málið á annan hátt en
með hernaðarvaldi:
„Þetta býður upp á raunverulega
diplómatíska lausn fyrir Rússland ef
þeir hafa áhuga á henni,“ sagði
Blinken við blaðamenn í gær.
Bjóða diplómatíska lausn
- Vonast eftir því að ná lausn í máli Rússa við samningaborðið - Vilja ekki útiloka
Úkraínu frá Atlantshafsbandalaginu - Segja árás yfirvofandi en munu funda aftur
AFP
Ræða Aðstoðarmaður forseta
Úkraínu á blaðamannafundi í
sendiráði Úkraínu í París í gær.
„Hvat mun garprinn vilja, er hann
er heim kominn?“ spurði Hrafnkell
Freysgoði, er færleikur hans Frey-
faxi kom einsamall heim að Aðal-
bóli. Jórinn, sem hér fer hnarreist-
ur um sýningarpalla vor- og sumar-
tískukynningar Chanel Haute
Couture í tískuvíginu París í fyrra-
dag, er þó langt í frá einsamall,
heldur í góðum félagsskap knapans
Charlotte Casiraghi, sem, auk þess
að verma ellefta sætið í erfðaröð
krúnunnar í Mónakó, fæst við fyr-
irsætustörf, blaðamennsku og kvik-
myndagerð, en Casiraghi er dóttir
Karólínu, prinsessu af Hannover,
og þar með barnabarn Rainiers III,
prins af Mónakó, og amerísku leik-
konunnar Grace Kelly, sem gerði
garðinn hve frægastan á 6. áratug
liðinnar aldar.
Uppátækjasemi tískuhauka virðir engin landamæri í háborginni París
Leitar
hófanna
hjá Chanel
AFP
Bláu húsin v/Faxafen • Sími 553 7355 • Vefverslun selena.is
Margverðlaunaður
sporthaldari
* Minnkar hreyfingu
brjósta um 83%.
* Silikon fóðraðar spangir
auka þægindi.
* Breiðir hlýrar sem hægt
er að krossa í bakið.
* Kælandi innrabirgði
auka þægindi.
* Skálastærðir B, C, D,
DD, E, F, FF, G ,GG, H.
* Tveir litir: Svartur,
Abstract Ink
NÝTT munstur.
Verð 11.800 kr.Vefverslun selena.is