Morgunblaðið - 11.03.2022, Blaðsíða 42

A
nzhelika Dedukh er fædd og uppalin
í Rússlandi en hún er með tvöfalt
ríkisfang, bæði rússneskt og íslenskt.
Hún er gift Þresti Gunnari Eiríks-
syni og saman eiga þau þrjá drengi.
Anzhelika er alin upp í litlu þorpi og útskrifaðist
frá hagfræðiháskólanum í Rússlandi en byrjaði
að gera kökur fyrir vini og fjölskylduna árið
2009. Áhuga sinn á bakstri og matreiðslu al-
mennt séð getur hún rakið til barnæsku sinnar.
„Mamma kenndi mér að elda. Vegna erfiðs lífs
foreldra minna leiddi ég heimilishaldið alveg frá
10 ára aldri. Einu sinni kom vinkona mömmu í
heimsókn til okkar, ég var þá 7 ára að aldri, hún
var konditor og vann í bakaríi við að skreyta
kökur. Mamma bað hana að sýna mér einfalda
skreytingu og notaði hún þá gelatín og púð-
ursykur og bjó til steinsykurmassa sem hægt er
að vinna með, á meðan hann er heitur. Hann
harðnar mjög fljótt en hún bjó til
einföld blóm sem voru falleg
og óvenjuleg í minning-
unni. Ég man hvað mér
þótti sérstaklega
áhugavert að borða
þessi blóm. Ég held
að þetta hafi verið
upphaf konfekt-
ferðalagsins sem ég
er enn þá í.“
Vakti á nóttunni til að
fræðast um kökugerð
Áhugi hennar á köku-
gerð er svo mikill að hún á
auðvelt með að gleyma stund og
stað.
„Ég hafði svo mikinn áhuga á kökugerð að ég
gat setið vakandi allar nætur að leita að upplýs-
ingum um skreytingar. Ég sökkti mér algjör-
lega inn í þennan ljúfa heim. Á þessum tíma var
ekkert til sölu fyrir kökuskreytingar. Sjálf gerði
ég form og afsteypur af fígúrum úr gelatíni og
sterkju. Ég notaði hvaða ráð sem hugsast gat, til
að gera mót. Ekki varð allt eins og ég vildi en ég
lærði þetta sjálf og las allt sem ég komst í sem
fjallaði um kökugerð.“ Anzhelika lagði í vana
sinn að gefa nágrönnum sínum kökurnar sem
hún var að prófa sig áfram í að gera. Hún rifjar
upp þennan tíma með bros á vör.
„Nágrannar mínir fengu endalaust af bakk-
elsi frá mér. Það er gaman að hugsa til baka og
rifja upp hvað ég dreifði miklu til þeirra. Þeir
voru að sjálfsögðu undrandi á þessu uppátæki
mínu en ég er þakklát fyrir þá og þennan tíma í
mínu lífi.“
Gleymir stað og stund þegar hún bakar
Anzhelika segir allt annað upp á teningnum
núna þegar kemur að úrvali á hráefnum, form-
um og litarefnum til kökugerðar, svo ekki sé tal-
að um allar upplýsingar sem fáanlegar eru á net-
inu um viðfangsefnið.
„Kökur fyrir mér eru fyrst og fremst list-
sköpun. Ég elska virkilega flóknar skreytingar
þar sem þú þarft að hugsa um og leita að
lausn.“ Ef marka má Anzheliku er ekki síður
mikilvægt að huga að kökunum eftir að þær
hafa verið bakaðar.
„Kökurnar mínar eru „börnin mín“. Maðurinn
minn hlær alltaf þegar ég fer með kökuna í ís-
skápinn og segi: Sofðu ljúft. Ég elska það sem ég
geri, þetta er eins konar andlegt áhugamál. Þeg-
ar ég er spurð hvað það taki langan tíma að búa
til eina köku, þá veit ég ekki hverju ég á að
svara, því ég fylgist ekki með tímanum. Ég
gleymi stund og stað og horfi ekki á klukkuna
þegar ég er í eldunarferlinu. Mér finnst það
kostur, því ég trúi að maður eigi að elska það
sem maður gerir.“
Hvað getur þú sagt okkur um svart/hvítu
Mikka Mús-kökuna sem þú bakar?
„Þessi kaka var bara sjálfsprottin hugmynd
sem kom til mín óvænt eitt kvöldið heima hjá
mér. Ég elska svokallaðar blekkingarmyndir,
þar sem línurnar ganga ekki upp og blekkja hug-
ann. Ég var í þessum röndótta svart/hvíta kjól á
venjulegu kvöldi heima eftir matinn og hugsaði
ósjálfrátt með mér hvort ekki væri gaman að
prófa mig áfram með þetta mynstur í köku. Ég
notaði uppáhaldspersónuna mína Mikka Mús
sem grunn. Þessi kaka hefur ekki aðeins óvenju-
lega skreytingu, heldur er sjálf húðunin á kök-
unni öll gerð úr dökku súkkulaði, með svörtum
matarlit og hvítu súkkulaði.“
Kökulistin stendur ekki í stað
Anzhelika segir algengt að þeir sem eru að
halda veislu panti köku í stíl við veisluna.
„Fólk sendir oft myndir af servíettum og
skreytingum til mín. Að mínu mati er kakan
hluti af hátíðinni og áhugavert að hafa allt í veisl-
unni í sama stíl ef það er hægt.“
Hvað er það nýjasta í þínum geira?
„Konfektlistin stendur ekki í stað. Það eru
margar mismunandi hugmyndir til að skreyta
köku í gangi hverju sinni. Það er ákveðin tíska í
matreiðslu eins og í öðru og svo einkennist hún
einnig af árstíðum. Ég reyni að vera meðvituð
um hvað er að gerast í mínum bransa og er enda-
laust að læra eitthvað nýtt. Sem dæmi má nefna
að í fyrra var töff oblátupappírsskreyting vin-
sæl, súkkulaðiblettir og fersk blóm og ber á kök-
um var vinsælt. Í ár er naumhyggja meira áber-
andi en áður. Línur, rúmfræði og rifið mastík,
sem og steypukökur og kökur með „vatni“ áber-
andi.“
Mikilvægt að gera kökur sem henta öllum
Anzheliku er umhugað um hvað hún notar í
kökugerðina sína. Eftir þrjá mánuði tekur hún
við diplómaskírteini í matvælatækni og
næringarfræði.
„Ég er með mjög ábyrga nálgun í því sem ég
geri. Reynslan hefur kennt mér að það eru sífellt
fleiri með ofnæmi og óþol þegar kemur að mat.
Þess vegna vil ég gera eftirréttina mína ekki
bara bragðgóða og fallega heldur einnig þannig
að þeir henti hvaða hópi sem er. Ég geri líka til-
raunir með hráefni og bý til skreytingar og
sykurlausan massa úr algjörlega náttúrulegum
hráefnum sem henta fólki með sykursýki. Ég
geri glútein-, eggja- og mjólkurlausar kökur sem
henta fólki með ofnæmi fyrir þessum vörum.
Í framtíðinni vil ég leggja áherslu á eftirrétti
sem innihalda lágmarksmagn af sykri. Fram-
tíðin er að mínu mati hollir, bragðgóðir og auð-
vitað fallegir eftirréttir.
Í fyrra hóf ég að halda meistaranámskeið í að
baka kökur og búa til skreytingar. Ég er spennt
að halda áfram ferðalaginu mínu þegar kemur
að kökugerð og held það sé alltaf tækifæri til að
gera nýja hluti sem falla vel í kramið hjá
almenningi.“
„Ég elska virkilega flóknar skreytingar“
Anzhelika Dedukh er menntaður
konditor og gerir kökur sem minna
meira á listaverk en eitthvað ann-
að. Anzhelika gleymir stund og
stað þegar hún bakar og mælir
með fyrir alla að hafa skýra sýn
þegar kemur að fermingarkökunni.
Elínrós Líndal | elinros@mbl.is
Kökur eru fyrst og fremst listsköpun. Hugmyndin að baki þessarar köku er
Mikki Mús í bland við bolinn hennar Anzheliku sem sjá má á þessari mynd.
Kökur þurfa að vera bragðgóðar en ekki
síður þannig að allir geti borðað þær. Í dag
er vinsælt að gera kökur úr lágmarks-
magni af sykri. Eins er vinsælt að gera kök-
ur sem eru úr náttúrulegum hráefnum.
Anzhelika Dedukh er
konditor sem býr til fal-
legar kökur sem hún
skreytir á sinn einstaka hátt.
42 MORGUNBLAÐIÐ FÖSTUDAGUR 11. MARS 2022
YRSA sjálfvindu úr
Sími 551 8588 • skartgripirogur.is
Bankastræti 12, S: 551 4007
skartgripirogur.is Skipholti 3 – Sími 552 0775 – erna.is
ERNA
GULL- OG SILFURSMIÐJA
umhverfisvæn fyrir unga fólkið, engin batterí
Kringlunni og Smáralind
Jörmundur 43.900,- Perla 37.500,-
Ef það er eitthvað sem bæði börn
og fullorðnir elska, þá er það ljúf-
fengar kökur gerðar úr jarðar-
berjum. Hefðbundin jarðarberja-
kaka slær alltaf í gegn í veislum,
þar sem valhnetur, haframjöl, döðl-
ur og kókosolía er notuð í botninn
og síðan er sett girnilegt osta- og
jarðarberjakrem ofan á. Eins er vin-
sælt að gera bleika jarðarberja-
kókosköku svo ekki sé talað um
það að setja jarðarberjakökuna í
bollakökuform og raða þeim svo
fallega upp á veisluborðið. Þeir
sem vilja ganga lengra með jarðar-
berja-þemað í veislunni geta sett
jarðarberjadropa í marengsbotninn
þegar pavlovan er bökuð. Hún lítur
einstaklega fallega út með bleikum
botni, hvítum rjóma og jarðar-
berjum á toppnum.
elinros@mbl.is
Himneskar jarðarberjakökur í veisluna
Litlar Pavlovur
sem gerðar
eru úr bleikum
marengs eru
sætar, sér í lagi
þegar hvíti
rjóminn er
kominn ofan á
þær og svo
jarðarber til
skreytinga.
Ljósmyndir/Colourbox
Jarðarberjabollakökur renna
vanalega út í veislum. Kremið
er þá gjarnan bleikt og svo er
vinsælt að hafa kókos í ljósum
botni kökunnar. Það gerir
bollakökurnar ómótstæðilegar
fyrir bæði börn og fullorðna.
Jarðarberjakökur setja svip sinn á veisl-
una. Þær eru bæði ómótstæðilega góð-
ar og svo eru þær líka svo sætar.