Morgunblaðið - 11.03.2022, Blaðsíða 50

M
argrét Birgitta er búsett á
Selfossi með manni sínum og
þremur börnum. Hún starfar
sem lögfræðingur hjá Vel-
ferð lögfræðiþjónustu á
Selfossi og Félagsþjónustu Rang-
árvalla- og Vestur-Skaftafellssýslu.
Segja má að hún hafi fengið umhverf-
isvitundina í arf frá ömmu sinni og afa.
„Ég hef áhuga á umhverfismálum
og er alltaf að leita leiða hvernig ég
get bætt mínar neysluvenjur með því
að velja sjálfbærari kosti og huga að
notagildi þess sem ég kaupi. Ég er
langt frá því að vera hinn fullkomni um-
hverfismógúll en reyni hægt og bítandi að
tileinka mér umhverfisvænni kosti,“ segir
Margrét Birgitta sem ólst að stórum hluta
upp hjá ömmu sinni og afa sem voru afar nýtið
fólk. „Amma og afi voru bæði fædd árið 1922
og í sveitinni þeirra í Skógsnesi var engu hent,
virðing borin fyrir hlutunum þar sem hver
þeirra átti sinn stað. Amma til dæmis
endurnýtti brauðpoka, heklaði mottur úr
Bragakaffipokum, saumaði föt upp úr
gömlum fötum og svo mætti lengi telja.
Engu var hent og ef eitthvað var keypt þá
fór dágóður tími í að velta þeim kaupum
fyrir sér áður en tekið var af skarið. Hver
hlutur átti einnig sína sögu og ekkert var
keypt í blindni. Matarsóun var engin, allir
afgangar borðaðir, meira að segja brauð-
mylsnan sem lenti á matarborðinu, flusið utan
af kartöflunum og roðið af fiskinum var borið í
fuglana. Jólapappírinn var endurnýttur milli
ára og maður átti að vanda sig vel þegar tekið
var utan af pökkunum. Þau voru mér mikil fyr-
irmynd og ef ég hefði ekki nema 10% af um-
hverfis- og nytjavitund þeirra þá tel ég mig
vera í ágætismálum,“ segir Margrét Birgitta.
Enginn getur allt en allir geta eitthvað
Þegar Margrét Birgitta var að undirbúa
fermingu elsta barnsins síns ákvað hún að
stofna facebookhópinn Fermingar + aðrar
veislur – Endurnýtanlegar skreytingar, gefins
eða til sölu. „Enginn getur allt en allir geta
eitthvað og með það að leiðarljósi ákvað ég að
stofna hóp sem væri til þess fallinn að minnka
sóun þegar kæmi að skreytingum í kringum
fermingar og aðrar veislur. Hópurinn er tilval-
inn fyrir þá sem vilja spara sér tíma og fjár-
muni og takmarka neyslu á einnota skrauti,
eða í það minnsta gefa slíku skrauti framhalds-
líf í nokkur skipti,“ segir Margrét Birgitta, en
fólk er ýmist að lána skreytingar eða gefa
áfram. Þá óska margir eftir ákveðnum skreyt-
ingum. „Ef fólk vill vera séð er sniðugt að
ganga í hópinn snemma á undirbúnings-
tímabilinu, vera með mótaðar hugmyndir og
fylgjast svo vel með þegar réttu auglýsing-
arnar detta inn og ná þannig að safna upp
skrauti fyrir stóra daginn. Aðalástæða þess að
ég stofnaði hópinn var að mig óaði við allri
þeirri sóun sem fólst í að kaupa pappírsskraut
og aðra skrautmuni sem var einungis ætlað til
notkunar fyrir einn dag. Annars hefur mér
þótt mikil vakning í umhverfismálum síðustu
árin, sem hefur þó dalað í faraldrinum, en tel
að aftur muni þau verða ofarlega á baugi og
eiga umræðuna á kaffistofum landans þegar
Covid-öldurnar fer að lægja,“ segir Margrét
Birgitta.
Krúsir og glerflöskur vinsælt skreytingaefni
Aðspurð hvort hún sjái ákveðin þemu frá ári
til árs segir Margrét Birgitta: „Ég sé að krúsir
og glerflöskur eru mikið notaðar til skreytinga
í alls konar veislum í dag. Mér hefur þótt það
skemmtilegt því það er einmitt hluti af um-
hverfisvitundinni; að nýta það sem til fellur á
heimilinu, svo sem sultukrukkur og safaflösk-
ur. Það sem fólk kannski miklar fyrir sér með
slíka hluti er að ná miðunum af en ég tek eftir
því að slíkur varningur fer mikið á milli fólks í
hópnum. Ég sé líka að oft er verið að selja eða
gefa alveg ónotað skraut þar sem til dæmis
hefur verið keypt of mikið, auk þess sem far-
aldurinn hefur orðið til þess að fólk þarf að
hætta við veislur sem kannski var búið að und-
irbúa. Þá hefur ætt skraut einnig verið mjög
vinsælt, þá er ég bæði að tala um skraut sem
sett er á borðin og sérmerkingar með nafni
barnsins og fermingardegi sem áður voru til
dæmis á servíettum en eru nú á súkku-
laðimolum og gosflöskum.“
Fólk hefur haldið að sér höndum
Líkt og svo margir hefur Margrét Birgitta
reynslu af því að undirbúa fermingu á tímum
heimsfaraldurs. „Elsta barnið mitt fermdist í
mars árið 2018 og svo héldum við Covid-
fermingarveislu í ágúst 2020. Mikill munur var
á skreytingarefni milli þeirra ferminga og mér
þótti skemmtilegra að skreyta í seinna skiptið,
en á haustin er hægt að nýta svo margt úr nátt-
úrunni á borð við lyng, laufgaðar trjágreinar
og fleira. Mér fannst margir vera að vinna með
náttúrulegt skraut en til mótvægis var það
blessaður sprittbrúsinn sem þurfti að vera á
hverju borði, en ýmis ílát voru notuð til að gera
þá lekkerari, sem gengu svo manna á milli í
hópnum,“ segir Margrét Birgitta.
En er eitthvað eitt umfram annað vinsælt í
skreytingum í ár? „Það er svolítið erfitt að
segja á þessum tímum, en ef ég tek mið af því
að hafa haldið eina Covid-fermingaveislu þá
var það allavega þannig að fólk var bara í start-
holunum með fermingarveislurnar þegar kom
svo loksins að þeim. Það var jafnvel búið að
láta merkja ýmsan varning fyrir upprunalega
fermingardaginn sem aldrei varð og ætla ekki
að reka sig aftur á í þeim efnum og hafa því
haldið að sér höndum varðandi umfang. Trú-
lega er það sama upp á teningnum núna þar
sem óvissan um hvort hægt verði að halda
veislu hefur verið yfirvofandi. En við viljum
trúa því að núna séu bjartari tímar fram undan
og við getum öll á vormánuðum fagnað með
fermingarbörnunum, skælbrosandi í majones-
móki með marsípan milli tannanna,“ segir
Margrét Birgitta.
Facebookhópur
þar sem fólk
skiptist á ferm-
ingarskrauti
Á Facebook er að finna hóp þar sem fólk getur skipst á, óskað eftir
eða gefið notað fermingarskraut eða efnivið til skreytinga. Hópurinn
telur nú um 3.000 manns og nýjar auglýsingar berast daglega. Það
var Margrét Birgitta Davíðsdóttir sem stofnaði hópinn fyrir fjórum
árum þegar hún var að undirbúa fermingu sonar síns.
Kristborg Bóel Steindórsdóttir | boel76@gmail.com
Margrét Birgitta Dav-
íðsdóttir stofnaði hóp-
inn á Facebook fyrir
fjórum árum.
Að setja rósir í gamlar gosflöskur
getur verið mikil prýði í veislum.
Á síðunni er að
finna skemmtilegt
fermingarskraut
sem hægt er að
nota aftur og aftur.
Hér er skraut sem
var auglýst á síð-
unni á dögunum.
50 MORGUNBLAÐIÐ FÖSTUDAGUR 11. MARS 2022