Bændablaðið - 24.03.2022, Blaðsíða 2

Bændablaðið | Fimmtudagur 24. mars 20222
Eitt mál verður á málaskrá
Búnaðar þings frá Búgreinaþingi
deild ar geitabænda Bænda sam­
taka Íslands. Ályktað var að
gripagreiðslur bærust geita bænd­
um seint frá ríkinu og er þess krafist
að þeim málum verði komið í lag.
Í ályktuninni, sem samþykkt var
á Búgreinaþingi Bændasamtaka
Íslands 3. mars, kemur fram að
þess sé krafist „að lögbundnar
greiðslur vegna geitfjárræktar berist
bændum á tilskildum tíma ár hvert.
Jafnframt bendir fundurinn á að
umsóknarfrestir um styrki séu kynntir
geitfjárbændum tímanlega.“
Nýkjörinn formaður deildar
geitabænda er Anna María Flygenring,
bóndi í Hlíð, og er hún jafnframt eini
búnaðarþingsfulltrúi fyrir deildina.
Hún segir að greiðslurnar sem um
ræðir séu hluti af búvörusamningi
og skiptist þannig að 69 prósent sé
greitt fyrir hverja vetrarfóðraða geit,
skráða í Heiðrúnu, átta prósent er
greitt til innleggjenda á fiðu og átta
prósent á lítra af mjólk. Síðan fara
15 prósent til reksturs hafrastöðvar
Geitfjárræktarfélags Íslands.
Hún segir að seinkun þessara
greiðslna komi sér illa fyrir
geitabændur, meðal annars vegna
skila á virðisaukaskatti, en mjög oft
þurfi að reka á eftir þeim. /smh
„Nautgriparæktin stendur frammi
fyrir fjölmörgum áskorunum.
Líkt og aðrar búgreinar erum við
uggandi yfir stöðu mála á tímum
heimsfaraldurs og stríðsátaka í
Evrópu.
Búgreinin hefur nú þegar fundið
fyrir hækkunum aðfanga og óvissu
um hvað næstu mánuðir og ár bera
í skauti sér. Það er því aðkallandi
að við tryggjum sanngjarna afkomu
bænda, förum af fullri alvöru að vinna
að aukinni sjálfbærni landbúnaðarins
og tryggjum greininni sanngjarnt
starfsumhverfi með regluverki og
tollasamningum,“ segir Herdís
Magna Gunnarsdóttir, formaður
Búgreinadeildar kúabænda, NautBÍ.
Deildin sendir nokkrar tillögur á
Búnaðarþing sem samþykktar voru
á Búgreinaþingi nautgripabænda.
„Tillögurnar snúa að uppbyggingu
Bændasamtakanna og öðrum málum
sem snerta landbúnaðinn allan, þá
einna helst fjármögnun hans og
innviði,“ segir Herdís Magna. „Okkar
megináherslur núna felast kannski
helst í því að við náum að byggja upp
og efla Bændasamtökin svo að þau
geti sinnt því mikla og mikilvæga
starfi sem felst í hagsmunagæslu
landbúnaðarins.“
Herdís Magna segir að nauta­
bændur séu þegar farnir að undirbúa
næstu endurskoðun búvörusamninga
en sú vinna mun vega þungt á þessu
ári. „Nautgriparæktin stefnir að
því að verða kolefnishlutlaus fyrir
árið 2040. Við erum komin af stað
í aðgerðum á búunum sjálfum með
þátttöku kúabænda í verkefninu
um loftslagsvænan landbúnað
og stefnum á að vinna ótrauð áfram að
þessu markmiði okkar,“ segir Herdís
Magna. /ghp
Á Búgreinaþingi deildar sauðfjár­
bænda Bændasamtaka Íslands
á dögunum var ein tillaga
samþykkt sem lögð verður fyrir
Búnaðarþing 2022.
Í tillögunni er lagt til að
myndaður verði samstarfshópur
allra búgreina kjötframleiðenda
um innflutning, útflutning og
innanlandsneyslu kjöts. Hópurinn
verði skipaður þvert á búgreinar með
fulltrúa frá hverri grein. Markmiðið
með tillögunni er að efla samstöðu
kjötframleiðenda um heildstæða
markaðssetningu á íslensku kjöti og
fylgjast með neyslu innanlands. Einnig
að halda innflutningi innan þeirra
marka sem innlend framleiðsla þolir
og til að fylgjast með hvort íslenskar
afurðastöðvar nýti útflutningskvóta
til fulls.
Varðstaða um kjötgreinarnar
Í greinargerð með tillögunni segir
að kjötframleiðendur á Íslandi séu í
eðlilegri samkeppni innbyrðis en geta
með sam stöðu, þekkingarmiðlun og
sam legðar áhrifum staðið vörð um
atvinnugreinina í heild.
„Kjötframleiðendur á Íslandi eru
í eðlilegri samkeppni innbyrðis en
geta með sam stöðu, þekkingarmiðlun
og sam legðar áhrifum staðið vörð
um atvinnu greinina í heild,“ segir í
greinargerðinni. /smh
FRÉTTIR
Nautgripabændur á Búnaðarþingi:
Uppbygging og efling Bænda-
samtakanna megináhersla
Herdís Magna Gunnarsdóttir, for-
mað ur NautBÍ.
Sauðfjárbændur á Búgreinaþingi 2022:
Vilja samstarf allra kjötframleiðenda
Búgreinaþing deildar svínabænda:
Ingvi Stefánsson
kjörinn formaður
– Ályktað um mikilvægi þess að auka kornbirgðir
Deild svínabænda innan Bænda­
samtaka Íslands hélt sitt
Búgreinaþing með fjarfundar­
fyrirkomulagi 15. mars. Ingvi
Stefánsson var kjörinn formaður
og með honum í stjórn er Geir
Gunnar Geirsson varaformaður
og varamenn í stjórn eru Björgvin
Þór Harðarson og Guðbrandur
Brynjúlfsson.
Þeir Ingvi og Geir Gunnar verða
jafnframt fulltrúar á Búnaðarþingi
fyrir deildina, sem haldið verður 31.
mars og 1. apríl.
Halda átti þing svínabænda
með öðrum búgreinadeildum
Bændasamtaka Íslands á Hótel
Natura 3. mars, en vegna veikinda í
þeirra röðum varð að fresta því.
Auka þarf kornbirgðir
Ein tillaga var samþykkt á þinginu,
sem verður lögð fyrir Búnaðarþing.
Hún snýr að mikilvægi þess að auka
kornbirgðir í landinu. Í tillögunni er
gert ráð fyrir að á Íslandi sé hverju
sinni að lágmarki sex mánaða birgðir
af korni til fóðurframleiðslu og
manneldis. „Jafnframt verði stuðlað
að aukinni kornrækt á landinu með það
að markmiði að styrkja fæðuöryggi.
Horft verði til samlegðar sem hlýst
af því að koma upp birgðageymslum
og móttökustöðvum fyrir innlenda
kornframleiðslu,“ segir í tillögunni.
Í greinargerð með henni er bent
á skýrslu Landbúnaðarháskóla
Íslands sem var gefin út á síðasta ári
undir heitinu Fæðuöryggi á Íslandi.
„Skýrsluhöfundar kortleggja þar vel
hversu mikilvægt er að huga að auknu
fæðuöryggi þjóðarinnar. Frá því að
skýrslan var gefin út hefur skapast
mjög mikil óvissa hvað varðar öll
aðföng í íslenskum landbúnaði vegna
stríðsreksturs í Úkraínu.
Hækkanir á allri hrávöru og þ.m.t.
korni hafa orðið gríðarlegar á einungis
örfáum vikum. Þá kom það vel í
ljós hversu berskjaldaður íslenskur
landbúnaður var í efnahagshruninu
árið 2008 þar sem litlu mátti muna
að ekki væri hægt að flytja inn korn
til landsins vegna efnahagsástandsins
sem þá kom upp.
Ein sviðsmyndin sem getur
komið upp á yfirstandandi ári
hlýtur að vera sú að ekki fáist keypt
korn til landsins. Við þeirri stöðu
er nauðsynlegt að bregðast hið
allra fyrsta.“ /smh
Ingvi Stefánsson er formaður búgreinadeildar svínabænda innan Bænda-
samtaka Íslands.
Geitfjárbændur á Búnaðarþingi:
Gripagreiðslur berast
geitabændum seint
Anna María Flygenring, formaður
deildar geitfjárræktar Bændasamtaka
Íslands og Búnaðarþingsfulltrúi.
Deild skógareigenda ætlar að leggja
fram fimm tillögur á Búnaðarþingi.
Helstu áherslur skógarbænda
í stefnumörkun BÍ eru aukin
sjálfbærni og að skógar og skjólbelti
gegni þar lykilhlutverki.
Jóhann Gísli Jóhannsson, formaður
Búgreina deildar skógar eigenda hjá
Bænda samtökum Íslands og fulltrúi
deildarinnar á Búnaðarþingi, segir
að skógarbændur ætli að leggja fram
fimm tillögur á Búnaðarþingi.
„Áhersluatriði okkar á þinginu
eru að efla þurfi Kolefnisbrúna
og að sjálfbærni sé höfð í öndvegi
í landbúnaði og þar eru skógar
í lykilhlutverki.“
Tillögur deildar skógarbænda
Tillögurnar eru að: 1) skora á stjórn
BÍ að bjóða stjórnum deilda þóknun
fyrir sín störf, 2) Búnaðarþing taki
áskorun að hefja kolefnisjöfnun
landbúnaðarins, 3) hvetja bændur til
að koma upp skjólbeltum á bújörðum
sínum, 4) leggja áherslu á skógrækt,
skjólbeltarækt og landgræðslu í
komandi búvörusamningum og að
lokum 5) skora á að Bændasamtökin
einfaldi inngönguferli í BÍ.
Ábyrg landnýting
Jóhann segir að aldrei hafi verið
mikilvægara nú en að horfa
til landnýtingar. „Treysta þarf
jarðvegs auðlindina og tryggja
sjálfbæra nýtingu lands sem
meðal annars styður við þá
matvælaframleiðslu sem hér fer
fram. Mismunandi lausnir henta
ólíkum landgerðum. Skógrækt er
vitanlega auðlind framtíðarinnar,
sem og landgræðsla, en einnig má
horfa til endurheimtar votlendis
þar sem við á.
Skjólbeltarækt kemur að
góðu gagni til að auka uppskeru
af ræktarlandi og spara þar með
áburðarnotkun. Skógrækt er
þegar orðin mikilvæg auðlind í
íslenskum landbúnaði og gegnir
til lengri tíma litið stóru hlutverki,
bæði í kolefnisbúskap landsins og
í timburframleiðslu.
Í búvörusamningum þarf að
tryggja fjármagn til skógræktar,
skjólbeltaræktunar og landgræðslu
á bújörðum og hvata fyrir
allar búgreinar til að vinna að
kolefnishlutlausum landbúnaði
sem allra fyrst.“ /VH
Jóhann Gísli Jóhannsson, fulltrúi deildar
skógarbænda á Búnaðarþingi 2022.
Skógareigendur á Búnaðarþingi 2022:
Skógurinn gegnir lykilhlutverki
Frá Búgreinaþingi deildar sauðfjárbænda Bændasamtaka Íslands á dögunum.
Mynd / smh
Staða Nafn Heimili
Stjórn Trausti Hjálmarsson Austurhlíð
Stjórn Ásta Fönn Flosadóttir Höfða 1
Stjórn Jóhann Ragnarsson Laxárdal 3
Stjórn Sigurborg Hanna Sigurðardóttir Oddsstöðum 1
Stjórn Sveinn Rúnar Ragnarsson Akurnesi
Vesturhólf Þóra Sif Kópsdóttir Ystu-Görðum
Vesturhólf Jón Ingi Ólafsson Þurranesi
Vesturhólf Jóhann Pétur Ágústsson Brjánslæk
Norðvesturhólf Sigríður Ólafsdóttir Víðidalstungu
Norðvesturhólf Birgir Þór Haraldsson Kornsá
Norðvesturhólf Bjarni Egilsson Hvalnesi
Norðausturhólf Böðvar Baldursson Heiðargarði
Norðausturhólf Sigurður Þór Guðmundsson Holti
Norðausturhólf Guðfinna Harpa Árnadóttir Straumi
Suðurhólf Hólmfríður Guðlaugsdóttir Svínafelli
Suðurhólf Sæunn Káradóttir Norðurhjáleigu
Suðurhólf Ragnar Matthías Lárusson Stóra-Dal
Fulltrúar deildar sauðfjárbænda á Búnaðarþing 2022.