Bændablaðið - 24.03.2022, Blaðsíða 14

Bændablaðið | Fimmtudagur 24. mars 202214
„Við erum að hefja hönnun á
nýjum saltsteini með þaramjöli
í samvinnu við bændur hér í
nágrenninu og hann mun væntan-
lega koma á markað áður en langt
um líður,“ segir Elvar Reykjalín,
framkvæmdastjóri og eigandi
Ektafisks ehf. á Hauganesi.
Ektafiskur hefur fengið styrk
úr uppbyggingarsjóði Sambands
sveitarfélaga á Norðurlandi eystra
til að vinna að vöruþróun á nýjum
saltsteini fyrir búfé.
Á vegum Ektafisks var á liðnu
ári unnið að undirbúningi vegna
framleiðslu á saltsteini og fór að
sögn Elvars bróðurpartur ársins
í þróunarvinnu, en vandað var til
verka. Varan var tilbúin til sölu
í desember síðastliðnum og er
saltsteinninn nú til í flestum stærstu
fóðurverslunum lands. „Þetta hefur
líkað vel og það er ánægjulegt,“
segir hann.
Saltfiskvinnsla Ektafisks á
Hauga nesi á sér langa sögu sem teygir sig um 100 ár aftur í tímann.
Trausti Jóhannesson, afi Elvars,
byrjaði að salta sinn fisk á Hauganesi
upp úr árinu 1900.
„Þetta var í litlum mæli hjá
honum og bara til heimabrúks fyrsta
kastið, en framleiðslan jókst smám
saman og einkum þegar synir hans,
þeir Óli, Sigurður og Jóhannes, tóku
við,“ segir Elvar. Þriðja kynslóðin
rekur saltfiskverkun Ektafisks á
Hauganesi nú, fjórða kynslóð skilaði
sínu að hans sögn og nú er fimmta
kynslóðin að störfum og innan
við tólf ár í að sjötta kynslóðin,
nýjasti fjölskyldumeðlimurinn, komi
til starfa.
Óviðunandi að henda því
sem hægt er að nýta
Elvar segir að saltið sem notað er
til að salta fiskinn komi um langan
veg, alla leið frá Túnis. „Þegar fiskur
er saltaður er saltið notað tvisvar
til þrisvar sinnum, en eftir það er
þó nokkur hluti saltsins sem kallast
afsalt ekki nýtt meir í fiskinn.
Því hefur hingað til verið hent að
mestu leyti í sjóinn. Umræður um
fullnýtingu hafa orðið æ háværari
með árunum og því auðvitað
algjörlega óviðunandi að henda því
sem hægt er að nýta,“ segir hann.
Í framhaldinu var farið að
undirbúa framleiðslu á Ekta bætiefna
saltsteini fyrir búfé úr afsaltinu.
Elvar segir að þegar saltið komist
í snertingu við fiskinn taki það í
sig ýmis góð efni. „Við bætum
svo í og setjum efni í sem búfé
er nauðsynlegt eins og fiskimjöl,
hafkalk, magnesíum, melassa,
seleni og vítamínum.“ – Hann segir
að Ektafiskur hafi verið í frábæru
samstarfi við Nýsköpunarklasann
Norðanátt við þróun saltsteinsins og
þá muni styrkur Uppbyggingarsjóðs
koma sér vel fyrir áframhaldandi
þróun vörunnar. /MÞÞ
FRÉTTIR
Síðumúli 16 I 108 Reykjavík I Sími 580 3900 I fastus.is
fastus.is
Nánari upplýsingar veitir sölufólk okkar í síma 580 3900
CONVOTHERM
VANDAÐIR OFNAR
Convotherm 4 easyDial eru frábærir ofnar með 7 eða 11 skúffum.
Þægilegt viðmót og auðveldir í notkun.
Saga Ektafisks ehf. og fjölskyldu á Hauganesi nær um 100 ár aftur í tímann:
Afsalt, sem áður var hent, er nýtt
í framleiðslu saltsteina fyrir búfé
Örn Traustason og Valur Höskuldsson hjá Ektafiski á Hauganesi með fötur af saltsteini. Myndir / Ektafiskur
Örn Traustason ekur á lyftaranum með stæðu af saltsteinafötum.
Búfé er sólgið í saltsteinana og gildir
þá einu hvort um er að ræða kindur,
kýr eða hesta.
Landform deiliskipuleggur
hesthúsahverfið á Selfossi
Skipulags- og byggingarnefnd
Árborgar, ásamt bæjarstjórn
sveitarfélagsins, samþykktu fyrir
skömmu að hefja vinnu við
breytingu á gildandi deiliskipulagi
svæðis hestamanna á Selfossi.
Markmið breytingar er að stækka
núverandi svæði til að koma fyrir
fleiri hesthúsum og ef til vill öðrum
byggingum tengdri starfseminni á
svæðinu. Svæðið í heild er um 33
ha að stærð og tekur til vallarsvæðis,
keppnissvæðis, reiðhallar og
heshúsahverfis. Nú hefur verið
samþykkt að semja við Landform
á Selfossi um vinnuna á grundvelli
verðkönnunar, sem var gerð á meðal
sex fyrirtækja. /MHH
Reykjavíkurborg með 600
matjurtagarða til leigu
Reykjavíkurborg hefur opnað
fyrir umsóknir Reykvíkinga um
matjurtagarða í borginni. Um
600 matjurtagarðar verða leigðir
út á vegum borgarinnar í sumar,
þar af eru 200 í Skammadal.
Matjurtagarðarnir eru í boði í
Vesturbæ, Fossvogi, Laugardal,
Árbæ, Grafarvogi og Kjalarnesi
við Fólkvang, sem bættist við í
fyrra. Matjurtagarðarnir verða
opnaðir 1. maí. Garðarnir verða
merktir hverjum og einum. Vatn
er aðgengilegt á öllum svæðum.
Garðáhöld, plöntur og útsæði
fylgja ekki með görðunum.
Leigugjöld ársins 2022 eru 6.000
kr. fyrir garðland í Skammadal
(u.þ.b. 100 fermetrar) og 5.000 kr.
fyrir garð (u.þ.b. 20 fermetrar).
Kassar í Grafarvogi, Árbæ og
Kjalarnesi verða á kr. 4.000 kr.
kassinn (8 fermetrar).
Umsóknir sendist á netfangið
matjurtagardar@reykjavik.is.
/MHH
Hitaveita Flúða með lægsta
húshitunarkostnað landsins
Jón Valgeirsson, sveitar-
stjóri Hrunamannahrepps,
upplýsti í Pésanum, nýjasta
fréttabréfi Hruna manna-
hrepps, að Hita veita Flúða
er með lægsta húshitunar-
kostnað á land inu og
Flúðir eru síðan í öðru sæti
varðandi heildar kostnað
á rafmagns- og húshit-
unarkostnaði á land inu.
„Hitaveita Flúða er
því mikið stolt okkar og
það er ljóst í umræðunni
varð andi uppbyggingu á
öðrum þéttbýliskjörnum
að mikilvægt er að hafa
gott aðgengi að heitu og
köldu vatni, svo ekki sé talað um
möguleika á ljósleiðara tengingu.
Þannig eigum við að vera í nokkuð
góðum málum að geta sinnt þessu
öllu með sóma,“ segir Jón meðal
annars í Pésanum. /MHH
Hitaveitan á Flúðum er með lægsta húshitunar­
kostnað á landinu. Mynd / MHH