Bændablaðið - 24.03.2022, Blaðsíða 10

Bændablaðið | Fimmtudagur 24. mars 202210
FRÉTTIR
Kornbændurnir í Vallanesi njóta ávaxtanna af góðu sumri á Austurlandi:
Markaðssetja lífrænt
vottað heilhveiti
– Mikil gæði á bæði hveiti og byggi
Veðurblíðan á Austurlandi síð asta
sumar var kornbændum hag stæð
þó talsvert hafi þurft að hafa fyrir
því að góð uppskera
næðist, meðal annars
með mikilli vökvun.
Ávöxtur inn hefur
nýlega litið dagsins ljós
á Vallanesi á Fljótsdals­
héraði, en Móðir Jörð
hefur nýlega sett lífrænt
vottað heil hveiti á
markað.
Að sögn Eyglóar
Bjarkar Ólafsdóttur, sem
hefur umsjón með
vörulínu Móður Jarðar,
var heilhveiti fyrst sett á
markað fyrir um tíu árum
en ræktunin á því er ekki
eins stöðug og í bygginu.
„Það þarf lengra sumar
og er viðkvæmara í slæmu
árferði. Lífrænt ræktað korn
er mun ríkara af örverum í
ytra byrði kornsins og hefur betri
spírunareiginleika.
Heilhveitið er þess eðlis að það
þarf minni vinnslu og slípun og
kemur því tilbúnara beint af akrinum.
Fyrir þá sem vilja gerja korn, spíra
eða nota í súrdeigsbakstur er þetta
korn afbragð.“
Byggið einnig gott
„Byggið frá sumrinu 2021 er
einnig af frábærum gæðum, bústið
korn og flott í alla matargerð
sem og í bakstur. Margir bakarar
hafa tileinkað sér að nota soðið
bankabygg í brauðin, byggmjölið
er mikið notað sem og byggflögur
sem einnig má setja utan á brauðin.
Uppskerumagn eftir þetta hlýja
sumar var þó ekki met eins og við
vorum að vona því vorið var kalt,
þótt eftirleikurinn hafi verið góður
náði það ekki að vega upp þetta
kalda vor að fullu,“ segir Eygló.
Hún bætir við að hið góða sumar
hafi ekki síst skilað sér í metaðsókn
á staðinn. „Margir Íslendingar lögðu
leið sína í Vallanes til að njóta
grænmetisrétta sem þar er boðið
upp á í Asparhúsinu. Við vorum
einnig með akurbaunir í ræktun í
sumar í fyrsta sinn utandyra. Þær
heppnuðust að því leyti að þeirra
var notið í einhverjum mæli og þóttu
ljúffengar en samkvæmt mælingum
náðu þær þó ekki fullum þroska.
Þessi tilraun var þó þess virði því
ræktun belgjurta bætir jarðveginn
og dregur úr áburðarþörf í kjölfarið,“
segir Eygló. /smh
Eymundur Magnússon, kornbóndi í Vallanesi, er hér á hveitiakrinum sumarið
2021. Á innfelldu myndinni er pakki með Heilhveiti frá Vallanesi.
Aðalfundir Æðarræktarfélags
Íslands fyrir árin 2020 og 2021
verða haldnir laugardaginn
26. mars 2022 í húsnæði
Land búnaðarháskóla Íslands
í Keldna holti, Árleyni 22,
Reykjavík. Fundurinn hefst
klukkan 10.00 og stendur til
klukkan 13.00.
Meginverkefni fundanna
er skýrsla stjórnar, afgreiðsla
ársreikninga og kosningar til
stjórnar. Jafnframt verður lögð
fyrir aðalfund tillaga að ákvæði til
bráðabirgða við lög félagsins til að
heimila rafræna kosningu um það
hvort Æðarræktarfélagið sameinist
Bændasamtökum Íslands.
Ef tillaga þessi verður samþykkt
munu rafrænar kosningar um
sameiningu fara fram í kjölfar
fundarins. Ef sameining við BÍ
verður fyrir valinu verður næsti
aðalfundur nýrrar búgreinadeildar
(Búgreinaþing) árið 2023.
Ákvörðun um hvort ÆÍ
sameinist Bændasamtökunum
sem Búgreinadeild æðarræktar
eða haldi áfram sem sjálfstætt
félag er mikilvæg fyrir félagið
og, að sögn Guðrúnar Gauksdóttur
formanns, segir að stjórn félagsins
telji nauðsynlegt að sem flestir
félagar greiða atkvæði. Í kjölfar
kynningarfundar með BÍ þann 27.
janúar síðastliðinn gekkst stjórn
ÆÍ fyrir skoðanakönnun meðal
félagsmanna um hug þeirra til
sameiningar. Í könnuninni tóku
þátt 122 og voru 52 samþykkir
sameiningu við Bændasamtökin
en 70 mótfallnir. /VH
Lely Center Ísland
Reykjavík: Krókháls 5f – Sími 414 0000 – www.LCI.is
Akureyri: Óðinsnes 2 – Sími 464 8600
STÝRISENDAR
gerðir dráttarvéla
Hrossabændur á Búnaðarþingi:
Alþjóðlegt samstarf mikilvægt
Deild hrossabænda leggur
áherslu á kynningu á starfi hrossa -
bænda og aukna þátttöku þeirra
sem stunda hrossabúskap. Fyrir
Búnaðarþinginu liggur til laga frá
deildinni er lýtur að mikilvægi
WorldFengs, uppruna ættbókar
íslenska hestsins.
„Eitt af því sem við í deild
hrossabænda þurfum að gera og er
aðkallandi er að auka þátttöku þeirra
sem eru að stunda hrossabúskap í
stórum og smáum stíl til að efla
okkar búgreinadeild. Það á reyndar
ekki bara við um hrossabændur
en auka þarf þátttöku allra bænda
í Bændasamtökunum,“ segir Sveinn
Steinarsson, formaður deildar
hrossabænda.
„Helstu áherslur hrossabænda í
tengslum við komandi Búnaðarþing
er að kynna hvað starfið okkar
gengur út á og hvaða þættir í
okkar starfi eru mikilvægastir.
Fyrir þingið mun koma tillaga sem
samþykkt var á Búgreinaþinginu og
varða mikilvægi þess að staðið sé
vörð um ættbók íslenska hestsins,
Worldfeng, en ættbókin er alger
miðja í öllu okkar starfi og varðar
ræktun hestsins um víða veröld,“
segir Sveinn.
„Þá má einnig nefna, þó að ekki
liggi fyrir beint tillaga þess efnis, að
þátttaka okkar í alþjóðlegu samstarfi
um ræktun hestsins er afar mikilvæg
enda er Ísland upprunalandið og
mikilvægt að við stöndum vörð um
það.“
Þá segir Sveinn að þátttaka
hrossabænda í markaðsverkefninu
Horses of Iceland sé farvegur
þeirra í kynningu á hestinum og
hestamennskunni. „Ánægjulegt
að segja frá því að nú er búið að
tryggja samstarfið út árið 2025, sem
við erum ákaflega stolt af og ánægð
með.“ /ghp
Sveinn Steinarsson, formaður deildar hrossabænda.
Á forsíðu síðasta Bændablaðs
kom fram að Friðrik Jakobsson
hefði verið mótshaldari hesta­
mótsins Mývatn Open. Hið rétta
er að hestamannafélagið Þjálfi
hélt mótið þar sem Friðrik er
formaður. Beðist er velvirðingar
á mistökunum. /ghp
Leiðrétting
Aðalfundir tveggja ára hjá
Æðarræktarfélagi Íslands
Rangárþing ytra:
Fiskiræktun í Eystri-Rangá
Sveitarstjórn Rangárþings ytra
hefur lýst yfir vilja sínum til þess
að skipta upp jörðunum Fossi og
Árbæ í sveitarfélaginu, þannig að
meginhluti jarðarlands hvorrar
jarðar verði á sér landnúmerum.
Það land sem eftir stendur á hvorri
jörð fyrir sig ber þá upprunalega
landnúmerið og samkvæmt lögum
þá fylgir veiðiréttur upprunalega
landnúmerinu.
Jafnframt lýsir sveitarfélagið yfir
vilja til að leigja óstofnuðu félagi um
fiskirækt í efri hluta Eystri­Rangár,
sem Lýður Skúlason, Guðmundur
Ingi Hjartarson og Finnur Björn
Harðarson eru í forsvari fyrir, land
það sem verður á upprunalegu
landnúmerunum. Leigunni fylgir
aðgengi að efri hluta Eystri­Rangár,
innan jarðanna, og er fyrrgreindum
aðilum veitt vilyrði um leyfi fyrir að
þeir leggi nauðsynlega veiðislóða,
gerist þess þörf, með fyrirvara um
samþykki leyfisveitenda varðandi
skipulag og umhverfismál.
Þetta kemur m.a. fram í síðustu
fundargerð sveitarstjórnar. Þar segir
enn fremur að um sé að ræða leigu
til allt að 5 ára eða þar til kemur í
ljós hvort áætlanir um fiskiræktina
muni ganga eftir. Að uppfylltum
ákveðnum skilyrðum varðandi
árangur í fiskirækt er vilji til að
framlengja leiguna til allt að 30
ára. /MHH