Skessuhorn - 15.12.2021, Síða 32

MIÐVIKUDAGUR 15. DESEMBER 202132
Starfsfólk dvalar- og
hjúkrunarheimila afgerandi
sigurvegarar
Skessuhorn hefur frá upphafi útgáfu gengist fyrir vali á Vest-
lendingi ársins. Valið stendur yfir í desember ár hvert þar
sem auglýst er eftir tilnefningum frá almenningi sem ritstjórn
vinnur úr. Vestlendingar ársins eru því næst kynntir í byrjun
nýs árs. Niðurstaðan var afgerandi. Vestlendingar ársins 2020
var starfsfólk sjö dvalar- og hjúkrunarheimila á Vesturlandi.
Þessi stóri hópur fólks á miklar þakkir skildar fyrir frumkvæði,
elju og fórnfýsi til að verja heimili fólks fyrir kórónuveirunni.
Heimilin eru: Brákarhlíð í Borgarnesi, Dvalarheimili aldr-
aðra í Stykkishólmi, Fellaskjól í Grundarfirði, Jaðar í Ólafs-
vík, Silfurtún í Búðardal, Hjúkrunarheimilið Fellsenda í Döl-
um og Höfði á Akranesi. Fimm fulltrúar þessara heimila tóku
við blómum og viðurkenningarskjali við athöfn á N1 í Borg-
arnesi í upphafi þessa árs, þar sem meðfylgjandi mynd var tek-
in. Starfsfólk tveggja heimila áttu ekki heimangengt þegar af-
hending fór fram.
Fyrsti Vestlendingurinn
Fyrsti Vestlendingurinn á nýju ári kom í heiminn um nón-
bil 3. janúar. Var það stór og myndarleg stúlka frá Borgarnesi
sem fékk nafnið Lea Mjöll. „Fæðingin gekk mjög vel og hratt
fyrir sig,“ sagði Íris Gunnarsdóttir, móðir Leu Mjallar. Lea
Mjöll er þriðja barn þeirra Írisar og Davíðs Ásgeirssonar.
Bólusetningar
Byrjað var að bólusetja heilbrigðisstarfsfólk og fólk í fram-
línunni á Vesturlandi gegn Covid-19 að morgni 29. desember
2020. Fyrst til að fá bólusetningu í landshlutanum voru Hulda
Gestsdóttir hjúkrunarfræðingur og Sigurður Már Sigmarsson
sjúkraflutningamaður. Á fyrsta ársfjórðungi voru elstu aldurs-
hóparnir, framlínufólk og fólk með undirliggjandi sjúkdóma
bólusett. Í lok júní höfðu allir 16 ára og eldri fengið boð um
að þiggja bólusetningu. Í ágúst var byrjað að bólusetja börn
frá tólf ára aldri með bóluefni Pfizer og er í dag búið að bólu-
setja um 90% landsmanna frá tólf ára aldri. Þó reyndist bólu-
setningin ekki losa okkur alveg við veiruna og var því ákveðið
að bjóða upp á örvunarbólusetningu nú í nóvember og des-
ember.
Guðlaug fékk tilnefningu
Guðlaug við Langasand á Akranesi var tilnefnd til Mies van
der Rohe verðlauna Evrópusambandsins 2022 sem veitt eru
fyrir framúrskarandi nútíma arkitektúr. Harpan í Reykjavík
hlaut þessi verðlaun árið 2013.
Umhverfisslys við
uppskipun á sementi
Íbúar á Akranesi urðu fyrir tjóni aðfararnótt þriðjudagsins
5. janúar, þegar eitthvað fór úrskeiðis við dælingu á sementi
úr flutningaskipinu UBD Cartagena við sementsbryggjuna á
Akranesi. Dældist sement upp úr sílóinu og sements ryklag
lagðist yfir nærliggjandi götur, hús og bíla. Nú á haust-
mánuðum kom yfirlýsing frá VÍS til tjónþola þar sem bóta-
skylda var viðurkennd. En íbúar á þessu svæði hafa nú margir
leitað réttar síns til lögmanna þar sem þeir segjast lítil sem
engin viðbrögð hafa fengið frá tryggingafélaginu, þrátt fyr-
ir loforð.
Kerlingin höfðinu styttri
Í gegnum Kerlingarskarð á Snæfellsnesi liggur fyrrum þjóð-
leið sem tengir suður- og norðurhluta Snæfellsness, en eft-
ir að vegurinn um Vatnaleið var opnaður 2001 hefur gamla
þjóðveginum ekki verið haldið við. Efst á Kerlingarskarði er
steintröll sem kallast Kerlingin og svo virðist sem höfuðið hafi
dottið af henni. Ef marka má myndir sem Sumarliði Ásgeirs-
son fréttaritari tók af Kerlingunni í Kerlingaskarði á Snæfells-
nesi í upphafi árs.
Endurvöktu Skagarúntinn
Alexander Aron Guðjónsson ákvað að endurvekja Skagarúnt-
inn um Skólabraut og nágrenni í miðbæ Akraness eitt mið-
vikudagskvöld í janúar. Hvatti hann Skagamenn til að hittast
á rúntinum og óhætt er að segja að þátttakan hafi farið fram
úr björtustu vonum, en götur miðbæjarins bókstaflega stapp-
fylltust af bílum sem á tímabili mjökuðust vart áfram.
Raðað á lista í
Norðvesturkjördæmi
Ásmundur Einar Daðason tilkynnti í janúar að hann hygðist
ekki gefa kost á sér til að leiða lista Framsóknar í Norðvestur-
kjördæmi í kosningunum í september, þrátt fyrir að staða hans
Það sætir tíðindum
Fréttaannáll 2021 í máli og myndum
Ágæti lesandi! Árið 2021 var ekki eftirbátur fyrri
ára hér á Vesturlandi, nema síður væri. Við héldum
áfram í rússíbana covidveirunnar sem gekk yfir okk-
ur í bylgjum allt árið og má segja að við séum núna
orðin nokkuð sjóuð í að aðlagast breytingum með
skömmum fyrirvara. Í raun er alveg merkilegt hversu
öflugt mannlífið hefur verið hér á Vesturlandi á árinu
þrátt fyrir aðstæður. Það voru haldnar bæjarhátíðir
og menningarviðburðir um allan landshlutann og ný
fyrirtæki urðu til, verslanir og veitingastaðir voru opn-
aðir og svo mætti lengi telja. Ef veiran fór að dreifa
sér voru Vestlendingar ekki lengi að bregðast við og
finna lausnir. Listsýningar voru færðar af veggjum og
settar út í glugga, og viðburðir voru færðir á stafrænt
form, þorrablótum og tónleikum var streymt heim í
stofu og allt var gert til að leika á veiruna og stöðva
útbreiðslu hennar. Veiran var samt þrautseigari en
við höfðum vonað og nú í byrjun vetrar lét hún svo
sannarlega finna fyrir sér hér á Vesturlandi.
Við á ritstjórn Skessuhorns náðum að halda okkar
striki þrátt fyrir faraldurinn og stóðum fréttavaktina,
kannski aðeins meira á kontórnum en í venjulegu
árferði. Það verður að viðurkennast að við söknuðum
þess að stökkva upp í bíl og keyra um landshlutann,
hitta fólk og sjá fréttirnar gerast í rauntíma og upplifa
menningarlífið á Vesturlandi í meiri nálægð.
En það var fleira en kóvid sem var áberandi á árinu
því þetta var líka kosningaár og margt nýtt fólk tók
sæti á þingi nú í lok árs. Talning atkvæða hér í Norð-
vesturkjördæmi gekk þó ekki áfallalaust fyrir sig og
sitthvað þar sem betur hefði mátt fara. En það er mál
sem við munum eflaust fá að heyra meira af næstu
misserin. Við upplifðum líka jarðskjálftahrinu sem stóð
yfir í fáeinar vikur snemma á árinu en lauk svo þegar
eldgos hófst í Geldingadölum á Reykjanesi. Gosið
stóð yfir í hálft ár. Gosmóða lék Vestlendinga grátt
í sumar þegar hún lá yfir landshlutanum svo dögum
skipti. En hér verður stiklað á stóru yfir atburði ársins
2021 í máli og myndum.
Kæru lesendur! Takk fyrir samfylgdina á árinu sem er
að líða og takk fyrir að lesa Skessuhorn.
Anna Rósa Guðmundsdóttir