Ljósmæðrablaðið - 01.12.2021, Síða 7

7LJÓSMÆÐRABLAÐIÐ - DESEMBER 2021
F R É T T I R
Fundir með Alþjóðasamtökum ljósmæðra, ICM (International
Confederation of Midwives) hafa verið rafrænir á þessu ári, sem
þrátt fyrir sínar takmarkanir hefur þó gert mér kleift að mæta á
þá alla. Fundað hefur verið í Evrópudeild ICM, Norður-Evrópu-
deildinni og einnig var haldinn einn minni fundur á vegum ICM
þar sem Ísland raðaðist með Slóveníu, Tékklandi og Tadsjikistan
(sem reyndar mættu ekki á fundinn).
ICM vinnur þessa stundina í mikill innri endurskoðun og endur-
skipulagningu í því skyni að efla starf sitt, veita betri þjónustu til
aðildarfélaga og styrkja þannig betur alþjóðasamfélag ljósmæðra
og samstarf ljósmæðra. Þáttur í þeirri vinnu var t.d. skoðanakönnun
sem var send á ykkur fyrir nokkrum vikum síðan þar sem kom í ljós
að 89% ljósmæðra töldu skort á ljósmæðrum helsta vandamál ljós-
mæðra. Launin voru í öðru sæti og skortur á stefnumótun í því þriðja.
ICM áætlar að um 900.000 ljósmæður vanti í heiminum, þar af
um 5.000 í Evrópu. Aðrar breytingar sem ICM stefnir á að innleiða
á næsta ári er t.d. að vera með öfluga Facebooksíðu þar sem Evrópa
verður með sérhóp og að stofna hópa á samskiptaforritinu Whatsapp.
Fjölga á fundum og fréttabréfum sem verða með aukinni áherslu á
hvert svæði fyrir sig.
IMU (International Midwives Union), forveri ICM, var stofnað
1922 og því heldur ICM upp á 100 ára afmæli sitt á næsta ári. Það
verður gaman að fylgjast með fyrirhuguðum breytingum og uppá-
komum hjá þeim en hápunkturinn verður í kringum Alþjóðlegan
dag ljósmæðra þann 5. maí. Ennþá er miðað að því að halda ICM
ráðstefnu á Balí í júní 2023.
Í Evrópu eins og hér á landi hafa ljósmæður áhyggjur af sjúk-
dómsvæðingu barneignarferlisins og telja það stærstu áskorun ljós-
mæðra í dag. Umræða hefur myndast í kringum þær áhyggjur að
ljósmæður sem útskrifast nú þekki ekki lengur ferli eðlilegra fæðinga
og að fæðingar geti tekið langan tíma, því inngrip, eins og gang-
setningar og örvun með lyfjum hafi aukist svo mikið. Það er í raun
umhugsunarvert að verklagsreglur, eins og til dæmis um gangsetn-
ingar, eru innleiddar á grundvelli túlkana á eldri niðurstöðum rann-
sókna. Verklagi er ekki breytt þó að nýjar rannsóknir sýni ekki fram
á betri útkomu fyrir móður og barn. Þá virðist ekki vera hægt að
innleiða þjónustuform sem felur í sér samfellda þjónustu, þrátt fyrir
að allar rannsóknir sýni fram á mun betri útkomu í slíku kerfi. Ljós-
mæður og það sem þær standa fyrir verða að fá aukið vægi.
Seinni fundur norrænu samtakanna NJF á árinu var staðfundur
í Kaupmannahöfn. Það var gaman að ná að hitta aðra formenn
í persónu og mynda tengsl við þá, ólíkt því sem gerist á netfundi.
Mikil umræða var einnig þar um gangsetningar og hversu mikið
þeim hefur fjölgað.
Norræn ráðstefna ljósmæðra verður haldin í byrjun maí 2022 í
Helsinki. Vonandi komast sem flestar ljósmæður til Finnlands.
Unnur Berglind Friðriksdóttir, formaður.
ERLENT SAMSTARF
Frá NJF fundinum í Kaupmannahöfn.