Sjómannablaðið Víkingur - 01.03.2012, Blaðsíða 38

38 – Sjómannablaðið Víkingur
halda utan um allt þetta ríki til
lengdar.
Ótalin eru þá umsvif portúgalskra
landvinningamanna í Vesturheimi, þar
sem þeir lögðu undir sig landsvæði, sem
fljótlega hlaut heitið Brasilía. Saga þeirrar
nýlendu verður ekki rakin hér, en landið
var brotið undan stjórn Portúgala með
uppreisn á árunum 1822-1825. Síðan
hefur gengið á ýmsu um stjórn Brasilíu,
en nú búa um 190 milljón íbúar á liðlega
8,5 milljón ferkílómetra svæði við lýð-
ræðisstjórn í þessu stærsta og fjölmenn-
asta ríki Suður-Ameríku.
Hvergi í heimi tala fleiri menn portú-
gölsku en í Brasilíu, og megnið af bók-
menntum, kvikmyndum og öðru menn-
ingar- og afþreyingarefni á þeirri tungu
verður til vestanhafs.
1 „Duarte“ er portúgalska myndin af Edward,
sem er algengt nafn á æðri mönnum sem
lægri meðal enskumælandi þjóða. Upphafleg
mynd þess í fornensku er „Eadweard“, eigin-
lega „Auðvörður“, sá sem stendur vörð um
auð eða verðmæti. Tvær myndir orðsins eru
varðveittar í íslensku: Annars vegar er Ját-
varður, sem þekkist víst vart nema sem þýð-
ing á heiti konunga eða aðalsmanna. Hins
vegar eru mörg íslensk sveinbörn skírð Eð-
varð eða Edvarð.
2 Sæfari frá Karþagó, Hannó, mun hafa siglt
langt suður með Afríkuströnd um 2000 árum
fyrr, en það var víst öllum löngu gleymt, enda
þótti margt í lýsingu hans á ferðinni of reyfara-
kennt til að mark væri á því takandi, svo sem
það að sólin hefði gengið öfugan hring á
himni. Einmitt þetta þykir nú staðfesta að
Hannó hafi komist suður fyrir miðbaug.
3 John the Priest/Priesterkönig Johannes/
Johannes Prästen .
Stytta af Hinrik sæfara í Lagos á Sagres-skaga í Algarve, reist árið 1960, þegar fi mm aldir voru liðnar frá
andláti Hinriks. Þar bjó hann mestan hluta ævinnar og lagði grunninn að sjóveldi Portúgala á landa-
fundaöld á þekkingarsetri, sem nefnt hefur verið „fyrsta siglingaakademía heims“.
Pólitíkusar taka til máls
„Þeir Kveldúlfssynir ... „
Jónas frá Hriflu í mikilli æsinga-
ræðu í útvarpi þegar hann vék tali
sínu að Thorsfeðgum.
*
„Aðeins eitt get ég upplýst. Og
það er það að formaður Frjáls-
lynda flokksins mun leiða fram-
boð Sjálfstæðisflokksins í Vest-
fjarðarkjördæmi.
Sverrir Hermannsson, formaður
Frjálslynda flokksins, á blaða-
mannafundi í Rúgbrauðsgerðinni
í marsbyrjun 1999.
*
„Ég get náttúrlega ekki endur-
tekið annað, en það sem ég hef
áður sagt.“
Steingrímur Hermannsson,
framsóknarmaður og þáverandi
forsætisráðherra, í blaðavið-
tali.
*
„Það er gott glerið hérna. Birtan
fer í gegnum það.“
Guðni Ágústsson landbúnaðar-
ráðherra þungt hugsi, þegar hann
virti fyrir sér voldugan loftgluggga
í þjónustubyggingu
aldraðra á Kirkjubæjarklaustri.
*
„Kæru Dýrfirðingar!“
Vilmundur Gylfason við Patreks-
firðinga í alþingiskosningunum
1974.
*
Þegar sjálfstæðismaðurinn
Matthías Á. Mathiesen var fjár-
málaráðherra 1974-78 urðu
honum einhverju sinni á þau
málglöp í útvarpaðri þingræðu
að segja „fés“ í stað „fjár“. Var
hann upp frá því nefndur
„fésmálaráðherrann“.
*
„Ég kaus nafna minn Finn, en Siv
er líka afskaplega aðlaðandi kona.“
Finnur Þór Magnússon, for-
maður Sambands ungra
framsóknarmanna, í útvarps-
viðtali 1998.
*
„Í dag er 1. maí um allt land.“
Þórður Þórðarson, framfærslu-
fulltrúi og bæjarfulltrúi fyrir
Alþýðuflokkinn í Hafnarfirði,
í ræðu á hátíðisdegi verka-
lýðsins.
*
„Að lokum verður farið í stór-
gripasláturhúsið og þar verður
forsetinn kvaddur.“
Úr hátíðartexta vegna heim-
sóknar Ólafs Ragnars Gríms-
sonar, forseta Íslands, í Suður-
landskjördæmi fyrir nokkrum
árum.
... Siv er líka afskaplega aðlaðandi
kona.