Sjómannablaðið Víkingur - 01.03.2012, Blaðsíða 44

44 – Sjómannablaðið Víkingur
félagar hans látnir. Fjölskyldur þeirra eru einnig búnar að
stefna Princess Cruises. Þrír farþegar Star Princess, sem voru
við fuglaskoðun, sáu til Adrian í vélavana bátnum Fifty Cents
og létu skipverja á farþegaskipinu vita af því. Sá skipverji lét
brúna vita en ekki var brugðist við ábendingunum vegna sam-
skiptamistaka á stjórnpallinum. Samkvæmt bandarískum lögum
á ekki að vera hægt að gera útgerð skips ábyrga fyrir mistökum
um að skip þeirra veiti ekki aðstoð við skip eða sjómenn í
háska og á þeim forsendum reyndi útgerðin að fá málinu vísað
frá dómi en dómarinn hafnaði. Þá hefur útgerðin bent á að sjó-
maðurinn geti kennt sjálfum sér um að hafa farið á sjó án þess
að hafa talstöð, neyðarflugelda eða nokkuð annað tæki til
neyðarsendinga. Nú er að sjá hvernig þessu máli reiðir af.
Svartlistaðir
Meira en 100 indverskir sjómenn sem áður störfuðu hjá breska
skipafélaginu P&O Cruises hafa verið settir á svartan lista fyrir
að hafa tekið þátt í verkfalli um borð í skipi sínu. Þeir voru
skipverjar á skemmtiferðaskipinu Arcadia, sem er tíður gestur á
Íslandi yfir sumarmánuðina; en 150 skipverjar lögðu niður störf
í 90 mínútur eftir að breytingar höfðu verið gerðar á vinnulagi
um borð. Um var að ræða breytingar á þjórfé sem áður hafði
verið greitt til skipverjanna en nú skyldi það greiðast í gegnum
reikning og þar með vera árangursbónus fyrir skipverjanna.
Þeir skipverjar sem voru settir á svartan lista voru að fá laun
sem námu 146 krónum á tímann en bresk lágmarkslaun fyrir
þessi störf eru 1200 krónur á tímann. Útgerðin gaf yfirlýsingu
um að þeir litu á verkfallið sem alvarlega aðgerð þar sem eng-
inn viðvörun var gefin um þeir myndu leggja niður störf. Þá var
bent á að ekki hefði verið beitt refsiaðgerðum gagnvart skip-
verjunum en þeir fengu leyfi til að klára samninginn sinn sem
ekki var endurnýjaður. Mönnunarskrifstofan sem útvegaði þeim
störfin hjá P&O upplýsti einnig að hún myndi ekki bjóða
þessum starfsmönnum atvinnu í framtíðinni.
Aðvara AGS
International Chamber of Shipping, sem eru útgerðarsamtök
kaupskipa, vöruðu nýlega Alþjóðagaldeyrissjóðinn (AGS) við
því að tillögur hans um gjöld á útblástur frá skipum myndi
skaða mest þau ríki sem hafa litlar tekjur. Bendir formaður
samtakanna á að miklar áhyggjur séu af þessu í skipaheiminum.
Áætlanir eru uppi um að árið 2020 muni verða innheimtir 25
milljarðar dollara vegna skipa og flugvéla. Sagði hann jafnframt
að tveir þriðju hlutar allra skipa væru skráð í ríkjum Kyoto
samkomulagsins sem hefðu litla afkomu þannig að AGS væri
sannarlega að koma þeim ríkjum í þá aðstöðu að túlka þessi
gjöld sem aukna skatta á flutninga þeirra þjóða sem að miklu
eða öllu leyti reiða sig á sjó- og loftflutninga. Þá benti hann á
að gjaldtakan væri ósanngjörn þar sem einungis 3% koltvísýr-
ingsmengunar í heiminum kæmi frá skipum. Skipum þessara
þjóðríkja verður því væntanlega flaggað út og þau sett undir
fána ríkja sem ekki hafa gengist við Kyoto samkomulaginu.
Tölvan breytti lífinu
Nýlega var 63 ára gamall skipstjóri dæmdur í sex mánaða stofu-
fangelsi fyrir að stranda dráttarbát árið 2009. Orsök strandsins
var sú að hann var upptekinn við að spila bridge við tölvuna
í brúnni ásamt því að vera að fylgjast með tölvupóstinum sín-
um í stað þess að fylgjast með sjókortinu og siglingunni. Við
strandið láku út um 25 þúsund lítrar af olíu. Mengunin varð
umtalsverðr. Nú getur skipstjórinn notað mánuðina sem hann
er í stofufangelsinu til spilamennsku og kannski þarf hann að
skipta yfir í póker til að eiga fyrir skuldinni sem hann er kom-
inn í við ríkið en hann hlaut sekt upp á 35 þúsund dollara (4,2
milljónir) auk þess að þurfa að vinna 50 klukkustundir í sam-
félagsþjónustu að stofufangelsinu loknu.
Nýtt heimsmet
Nýlega var nýju heimsmeti náð í meðförum frífallandi lífbáta
þegar Schat-Harding Equipment í Noregi gerði prófun á nýjum
70 manna bát. Það er ekki ólagengt að fallæð frífallandi lífbáta á
flutningaskipum sé á bilinu 10 til 20 metrar. Það eru reyndar
borpallar sem hafa meiri fallhæð og það er markaður sem fram-
leiðendur horfa alltaf mikið til. Nýja metið var að láta nýja líf-
bátinn falla 60 metra í sjó. Í bátnum var þungi upp á 7 tonn en
það er ígildi þess að hver farþegi sé 100 kg að þyngd. Nú er
þessi nýji lífbátur vottaður fyrir mestu fallhæð sem sögur fara
af.
Ný vá frá sjóræningjum
Bandaríski flotinn hefur sent út viðvörun til skipa sem sigla um
sjóræningasvæði í kjölfar sérkennilegrar uppákomu nýlega.
Skip sem var á siglingu um hafsvæðið var kallað upp af nefndu
skipi sem óskaði eftir að þeir sýndu á sér deili auk þess að upp-
lýsa um fyrirætlun þeirra, samsetningu áhafnar og nafn skip-
stjóra. Önnur verndarskip á svæðinu könnuðust ekki við að
nefnda skipið ætti að vera á svæðinu og við nánari könnun
kom í ljós að skipið var í raun statt hinum megin á hnettinum
víðsfjarri þessu svæði. Tókst að aðvara skipið sem átti að gera
grein fyrir sér í tíma. Er talið að þarna hafi verið á ferðinni sjó-
ræningjar að fiska mikilvægar upplýsingar um væntanlegt fórn-
arlamb. Er jafnvel álitið að talstöðin sem kallið kom frá hafi
verið á landi. Aðferðafræði sjóræningjanna breytist stöðugt og
eru þeir mun betur búnir en áður var auk þess að beita meiri
herkænsku.
Utan úr heimi
Um borð í Arcadia var mönnum ekki refsað fyrir verkfall. Þeir fá bara ekki að
vinna lengur á skipinu.
Varnir áhafnar Leopards brustu með þeim afleiðingum að þeir eru enn, einu og
hálfu ári síðar, í haldi sjóræningja.