Norræn jól : ársrit Norræna félagsins - 01.12.1944, Side 72

Norrœn jól
Það lítur nú út fyrir það, að engin þjóð, hvort hún er stór eða lítil, máttug
eða ómáttug, muni í framtíðinni geta komizt hjá því að gerast aðili í stjórnmálum
heimsins. Ætla má og það, að norræn samvinna eigi mikið undir því, að Norður-
landaþjóðirnar geti staðið saman í þessum stjórnmálum. Vér Islendingar ráðurn
engu um það, hvorum megin bræðraþjóðir vorar munu standa í framtíðinni í
stjórnmálum heimsins hverju sinni. En það vitum vér, að þær munu ávallt vera,
ekki aðeins réttu megin, heldur réttarins megin.
Þótt ofbeldi hafi sundrað Norðurlandaþjóðunum og slitið sundur norræna
samvinnu um skeið, þá megnar það ekki að kúga þann anda, sem ávallt mun sam-
eina þær, anda réttarins og anda frelsisins. Þeim megin í stjórnmálunum, er þessi
andi ríkir, viljum vér Islendingar standa og eiga hlut í norrænni samvinnu.