Norræn jól : ársrit Norræna félagsins - 01.12.1944, Blaðsíða 36

Bræður
TIL er gömul saga, sem segir frá fimm bræðrum, er fæddust upp í koti sínu. Einn
góðan veðurdag kom til þeirra ókunnug kona og bað um svaladrykk. Dreng-
irnir gerðu sem konan bað, og er hún hafði drukkið nægju sína, spurði hún þá
að heiti. En þeir sögðust engin nöfn eiga sér. Hún kvað sig litlu geta launað þeim
góðan beina, en nöfn skyldi hún gefa þeim og skyldi einn heita Velvakandi,
annar Velhaldandi, þriðji Velhöggvandi, fjórði Velsporrekjandi og hinn fimmti
Velbergklifrandi. — Síðan hélt konan leiðar sinnar, en bræðurnir fundu að renta
fylgdi nöfnunum. Nú leið og beið, unz þeir uxu úr grasi. Héldu þeir þá að
heiman og í kóngsgarð, beiddust þar veturvistar, allir saman, og var hún heimil.
En svo bar við, að undanfarna vetur höfðu tvær kóngsdæturnar horfið á sjálfa
jólanóttina. Og nú skyldu bræðurnir gæta meyjarskemmunnar, og segir ekki af
þeim fyrr en á jólanóttina, er upp rann örlagastundin.
Mér kemur þetta ævintýri oft í hug, er Norðurlönd ber á góma. Norður-
landaþjóðirnar eru fimm. Þær eru sér meðvitandi um ætterni sitt, og örlögin sjálf
hafa gefið þeim nöfn, mótað þær við misjafna kosti til mismunandi hæfni og
hlutverka. — Sumir telja hin norrænu ættarbönd hégóma og norrænan samhug
lítilsverðan, að minnsta kosti fyrir okkur, eyjarskeggjana úti hér, og sé hitt meira
virði að efla kynni vor og hvers konar skipti við hin vestrænu veldi.
* Ræða flutt á útvarpskvöldi Norræna félagsins 5. marz síðastl.
34