Borgfirðingabók - 01.12.2006, Síða 46

44
Borgfirðingabók 2006
Hvað þú spilltir hverjum blett,
hvað þú trylltum mætti,
drunum fylltir grá og grett
gljúfrin villtum slætti.
Samt þinn brag í sál égfinn,
sá var slagur fagur,
sérhvern dag var dynur þinn
dagsins lag og bragur.
Kvöldin gengnu hlý og hljóð
hlúðu að dreng í koti,
man ég lengi er mánans glóð
merlaði á streng og broti.
Þínar iður áður við,
átti ég frið og drauma,
þó að kliði um þrengsli og rið,
þögn er í niði strauma.
Hljóður geymir hylur blár
hvíld og dreymið næði,
og þú munt streyma í þúsund ár
þó að gleymist kvæði.
Þetta kvæði Guðmundar Böðvarssonar, H vítárvísur, hefur ekki fyrr birst á prenti.
Þegar ritstjóra Borgfirðingabókar barst í hendur grein Páls Jónssonar, Ain, sem
er hér næst fyrir framan, fylgdi kvæðið með. Sigurður sonur Guðmundar fékk
það í hendur þeim hjónum Eddu Magnúsdóttur og Páli. Kvæðið er birt með
leyfi Böðvars Guðmundssonar.
FTH.