Borgfirðingabók - 01.12.2006, Síða 81

B°rgfirðingabók 2006
79
Runólfur ágústsson
Ný þekking - ný störf
- betri byggð
Við lifum á tímum breytinga sem knúnar eru áfram af tækniframför-
um og alþjóðavæðingu í viðskiptum. Þessar breytingar hafa víðtæk
áhrif, meðal annars á búsetuþróun. En hvaða áhrif munu þær hafa á
byggð í Borgarfirði?
Um allan hinn vestræna heim sjáum við mikla tilfærslu á störfum
ðl þróunarríkja, einkum Indlands og Kína. Viðbrögð við þessu hafa
verið misjöfn, bæði hérlendis sem og í nágrannalöndum okkar. Að
sjálfsögðu hafa komið fram þau sjónarmið að á stjórnvöldum hvíli
samfélagsleg skylda að sporna gegn þessari þróun, að vemda innlent
atvinnulíf eins og það er kallað, með tollamúrum og sértækum að-
gerðum. Menn segja t.d. óeðlilegt að íslenskt vinnuafl eða íslensk
framleiðsla þurfi að keppa við láglaunastörf í Kína og einhverjir
hafa að undanfömu notað orðið arðrán um íjárfestingar íslenskra
fyrirtækja þar.
I Bandaríkjunum hafa komið fram sambærileg sjónarmið, sem
urðu að hluta til ofan á þegar þar var á dögunum settur tollkvóti á inn-
flutning fatnaðar og klæða frá Kína til vemdar innlendri framleiðslu,
sem ekki er samkeppnishæf við Kínverja.
Alan Greenspan, seðlabankastjóri Bandaríkjanna, hefur talað hart
gegn þessum sjónarmiðum. Hann segir ómögulegt og óskynsamlegt
að keppa við þróunarríkin í láglaunastörfum í framleiðslu. Þvert á
uióti sé eðlilegt að til lengri tíma færist slík störf þangað sem þau eru
ódýrust. Bandaríkjamenn eigi að keppa í vel launuðum störfum innan
þekkingargeirans og í þjónustu. Þar hafi þeir forskot, þar eigi þeir að
fjárfesta og skapa ný störf í stað þeirra láglaunastarfa sem nú tapast út
ur landinu, einkum til Asíu. Enga lausn sé að finna í verndartollum og