Borgfirðingabók - 01.12.2006, Side 90

88
Borgfirðingabók 2006
Við þurfum einnig að styrkja framhaldsskólastigið með myndarlegri
aðkomu sveitarfélaga að Fjölbrautaskóla Vesturlands og hinum nýja
Menntaskóla Borgaríjarðar.
Svæðið þarf í öðru lagi að stuðla að uppbyggingu háskólanna
á Bifröst og á Hvanneyri. Þar liggur okkar sérstaða og okkar styrkur
umfram önnur svæði sem á næstu árum munu keppa við Vesturland
um hylli fólks og fjármagns.
í þriðja lagi þarf í samstarfi háskólanna, sveitarfélaga og fyrirtækja
um svæðið allt að efla frumkvöðlastarf og nýsköpun þannig að há-
skólamir nýtist til umbreytinga á atvinnulífi og samfélagi með sköpun
nýrra starfa og nýrra tækifæra.
í fjórða lagi þarf að fara í framsækna skipulagsvinnu til að geta
tekið við nýjum íbúum. Þar þurfa menn að gera sér grein fyrir þeirri
staðreynd að slíku fylgja breytingar á okkar samfélögum. Og slíkar
breytingar eiga menn ekki að óttast.
I fimmta lagi þurfum við á markvissri markaðssetningu að
halda. Við þurfum að greina okkar styrkleika og okkar tækifæri og
kynna sveitarfélögin okkar sem aðlaðandi búsetukost fyrir nýja íbúa
sem og fjárfesta.
Og í sjötta og síðasta lagi þá þurfa sveitarstjórnarmenn að
veita svæðum sínum örugga og ódeiga forystu. Þeir þurfa að hafa
í huga langtímahagsmuni sinna umbjóðenda og hafa vilja og þor til
breytinga og ákvarðanatöku sem oft mæta mótstöðu þeirra sem horfa
um öxl firekar en fram á veg.
Ég hef hér varpað upp á einfaldaðan hátt tvenns konar framtíðars-
ýn. Ég tel að í fyrirsjáanlegum samfélagsbreytingum eigi Borgar-
íjörðurinn mikla möguleika ef menn hafa djörfung og dug til aðgerða.
Við þurfúm öll að leggjast á árar til góðra verka. Ekki á morgun eða
hinn, heldur strax í dag. Orð eru til alls fyrst, og margt gott hefur
þegar verið gert, en nú er tími athafna upp runninn. Ella mun okkur
illa famast. Það kostar klof að ríða röftum!
Grein þessi er byggð á ræðum sem haldnar voru á ársfundi Byggðastofhunar
og málþingi SSV um framtíð Vesturlands. Tölfræðiupplýsingar eru byggðar
á gögnum frá Hagstofunni og ríkisskattstjóra.