Borgfirðingabók - 01.12.2006, Qupperneq 123

Borgfirðingabók 2006
121
Frá göngu um jjörur Bjarteyjarsands.
meira af svipuðu. Möguleikar á lengri göngum eru nær óþrjótandi
innan héraðs, hvort sem er á láglendi eða upp til fjalla.
Göngur UMSB hafa án efa opnað augu ljölmargra Borgfirðinga
fyrir fallegum og áhugaverðum stöðum í héraðinu. Vonandi hvetja
göngumar fólk til enn frekari útivistar. Kvöldgöngur UMSB hafa
verið valdar þannig að þær séu fyrir alla en ekki einungis þröngan
hóp þrautþjálfaðra göngugarpa. Allt sem þarf er þokkalegir skór og
hlý úlpa. Góða skapið kemur af sjálfu sér um leið og farið er af stað
með hressum hópi og staðkunnugum leiðsögumanni.
Til viðbótar við kvöldgöngumar hefur Ungmennasambandið tek-
ið þátt í verkefninu „Fjölskyldan á fjallið“ sem UMFÍ stendur fyrir.
í því felst að árlega tilnefnir UMSB Qall sem býður upp á mátulega
erfiða göngu fyrir alla fjölskylduna. UMFÍ auglýsir fjallið ásamt til-
nefningum annarra héraðssambanda víðs vegar um landið á heima-
síðu sinni og í bæklingi sem dreift er á öllum bensínstöðvum og
upplýsingamiðstöðum ferðamanna. Gönguleiðin upp fjallið er merkt
og á ljallstindinum er póstkassi með gestabók. í hana rita göngugarpar
nöfn sín og síðan em verðlaunahafar dregnir úr nöfnum allra þeirra
sem gengið hafa hvert sumar. Síðustu tvö ár hefur Vannalækjarmúli
verið fjall UMSB en þar áður var það Hestfjall.
Ungmennafélögin byggja sitt starf á sporléttum félögum og spor
þeirra em mörg og ólík. Sum mást út á augabragði meðan önnur
skapa umgjörð um félagsstarf heillar sveitar í meira en mannsaldur.