Borgfirðingabók - 01.12.2006, Blaðsíða 138

136
Borgfirðingabók 2006
frábær stjómandi. Hann var mjög góður kennari. Ég held það hafi
allir séð eftir honum þegar hann fór héðan. Hann var einhleypur
fyrst, en hann kynntist konu sinni Bryndísi Böðvarsdóttur héma.
Þau byrjuðu að búa á Egilsgötu.
Hann Björgvin kenndi svo mörg fög í bamaskólanum. Hann
kenndi t.d. bæði strákum og stelpum leikfimi. Svo var hann líka
með söng fyrir alla, líka þá sem ekki vom í kómum. Hann passaði
ákaflega vel upp á okkur. Þegar við áttum að fara að syngja daginn
eftir gætti hann þess að við væmm komin tímanlega inn um kvöldið
svo að við yrðum vel upplögð við sönginn. Við bámm mikla virðingu
fyrir honum. Hann var líka mikill vinur okkar. Hann starfaði mikið
í KFUM.
Við hvaða tækifœri sunguð þið opinberlega?
Við sungum auðvitað hér í Borgamesi. Og svo fómm við í
söngferðalög.Við sungum t.d. oft á Akranesi. Björgvin var þaðan.
Fyrst sungum við þar í Bámnni. Svo þegar Bíóhöllin kom þá sungum
við þar. Myndin af kómum sem ég ætla að lána þér er tekin þar. Við
fórum til Reykjavíkur vorið 1945 og svo aftur 1946 og sungum þá
í Utvarpið. í bæði skiptin sungum við inn á plötu í Útvarpinu. Þá
sungum við líka í Gamla bíói. Það var á friðardaginn 1945 sem við
fómm upp í Útvarp til að syngja. Þá var mikið um að vera í Reykjavík
og við vomm látin bíða mjög lengi, ég held til klukkan 11 um kvöld-
ið. Útvarpið var svo upptekið. Það var svo mikið um að vera þama á
friðardaginn. Þegar við vomm að fara heim sáum við að beitt hafði
verið táragasi. Það hafa verið einhver læti.
Við fórum líka í Stykkishólm og sungum þar. Það var svo góð
aðsókn að við sungum tvisvar sama daginn. Og svo fómm við einu
sinni til Keflavíkur. Björgvin var mjög duglegur að fara með okkur í
söngferðalög. Við vomm alltaf í kórbúningum í þessum ferðum.
I síðara skiptið sem við fómm suður byrjuðum við á að fara til
Keflavíkur og syngja þar. Við stelpurnar vorum berleggjaðar og bara
í leistum. Og einhverra hluta vegna varð ég alveg þegjandi hás, svo
að ég gat ekki sungið einsöng með kómum. Þess vegna hef ég bara
sungið einsöng í einu lagi inn á plötuna. Björgvin reyndi allt sem
hann gat til að hafa úr mér hæsið, setti á mig bakstra og ég veit ekki
hvað, en án árangurs.
Varstu strax látin syngja einsöng með kórnum þegar þú komst í
hann?