Rökkur : nýr flokkur - 01.06.1971, Qupperneq 34

32
lagi vor. Fékk Bjarni þar afar drengilegan hóp ungra áhuga-
manna á fána-vettvangi sínum. Og sá áhugi barst brátt með ung-
mennafélögunum út um allt land.
# * *
Svo kom árið 1907 með sinn merka kafla í fánamálinu: Fundinn
á Lögbergi, og síðan Konungskomuna á Þingvöll, og gerðist þar
í rauninni ýmislegt markvert, sem vert væri að halda á loft. Þá
héldum við U.M.F.I. fyrsta Sambandsþing Ungmennafélags Islands
— undir okkar stóra bláhvíta fána yfir stóru tjaldi okkar í brekk-
unni ofan við vellina: Einasta bláhvíta fánanum, sem nokkuð bar
á á Þingvöllum 1907: hrópaði hátt, sökum stærðar og staðar. —
Lítill ,,borð-fáni“ var að vísu tengdur við burstina á stóru tjaldi
Benedikts Sveinssonar og ,,hans manna“ niðri á Völlunum, og
gætti þess lítið. — Á okkur ungmennafélögum bar aftur á móti
allmikið, þar eð auk stórs tjalds undir stórum íslenzkum fána
á mjög áberandi stað voru allir fulltrúar ungmennafélaganna á
Sambandsþingi í glæsilegum litklœðum! — Hvort tveggja mark-
vert atriði í fánamálinu! — En þó hef ég hlaupið yfir tvennt, sem
ekki ætti að sleppa, sem er kjarna-atriði fánaþáttarins í sögu kon-
ungskomunnar á Þingvöll 1907, — og bæti ég því hér við:
Nokkrum dögum fyrir konungskomuna 1907 hafði Hannes Haf-
stein ráðherra beðið mig að finna sig að máli. Fór ég til hans á
ákveðnum tíma, og tók hann mig þegar tali mjög vingjarnlega.
Kvaðst hann hafa frétt, að við ungmennafélagar myndum ætla
að halda landsfund á Þingvöllum um Konungskomuna, og kvað
ég það rétt, og væri tilgangur vor að stofna landssamband allra
þeirra ungmennafélaga, sem sprottið hefðu upp víðsvegar um
landið á furðulega skömmum tíma.
Spjölluðum við fram og aftur um mannfögnuð þann og fjöl-
menni er þá myndi safnast saman á Þingvöllum í sumarblíðunni,
og væri því óskandi að hún héldist . . .
Skyndilega verður ráðherra alvarlegri á svip og breytir um
róm: Kveðst hannhafa frétt, að við ungmennafélagar mundum
ætla að stofna til skrúðgöngu niður Almannagjá undir þeim nýja
fána, sem nú hefði verið hafinn áróður fyrir, jafnvel af sumum
stjórnmálamönnum og þingmönnum.
# # #