Rökkur : nýr flokkur - 01.06.1971, Page 38

36
lega, að Mary hafi ef til vill verið bjargað. Fáum við nánari fréttir,
mun ég óðara tilkynna yður það. — En sú frétt hefur enn ekki
borizt. . .
Þetta var raunalega óvænt sorgarsaga . . .
Jæja, kæri Axel Thorsteinson: Nú mun ég eflaust vera búinn
að dauðþreyta þig — sértu kominn úr írsku hœttunni, — en þá
er þetta sennilega frá einni plágunni til annarrar. — Fyrirgefðu
rabbið. — En nú er ég líka orðinn iila þreyttur í hægri hendinni,
og hún enda ekki „penna-fær“. Hún er illa lömuð eftir „slag“, —
ég skrifa bréf mín á ritvél með hálfri-annarri hendi!
Blessaður.
Þinn einlægur.
Helgi Valtýsson.
# # *
ATHS.: Lesendur veita því sjálfsagt athygli, að H. V. hefur
ávallt orðið ,,hvítbláinn“ í gæsalöppum. Hefur fráleitt fellt sig við
það heiti. Ég vil nota þetta tækifæri til þess að 'láta það koma
fram, að mér hefur ávallt þótt þetta heiti óviðfelldið á fána, sem
var fáni æskunnar, fáninn, sem barizt var fyrir sem þjóðarfána,
framtíðarfána. Svo kvað Einar Benediktsson til hans (kvæði hans
heitir: Til fánans . . .):
Rís þú, unga íslands merki,
upp með þúsund radda brag,
tengdu í oss að einu verki,
anda, kraft og hjartalag.
Rís þú, íslands stóri, sterki
stofn með nýjan frægðar dag.