Veiðimaðurinn - 01.12.1972, Qupperneq 7

Alþjóðalaxamálafundurinn var haldinn á Algonquin hóteli, sem þessi mynd er af.
ÞÓR GUÐJÓNSSON veiðimálasljóri:
ALÞJÓÐLEGUR LAXAMÁLAFUNDUR.
Inngangur.
Úthafsveiðar á laxi í Norður-Atlantshaf-
inu, sem hófust fyrir alvöru við Vestur-
Grænland fyrir rúmum áratug, hafa hvatt
menn, sem laxamálin snerta, til þess að
bindast samtökum um að vinna að því að
vernda laxinn fyrir ofveiði og auka laxa-
rækt. Samtök hafa verið stofnuð í Norður-
Ameríku og í Englandi í þessu skyni. Þó
að starfstíminn sé stuttur, er árangur af
starfi þeirra umtalsverður, og skulu þessi
samtök því kynnt hér lítillega.
Alþjóðalaxastofnunin.
Alþjóðalaxastofnunin (The International
Atlantic Salmon Foundation') var stofn-
sett 1968, og hefur hún aðsetur í St.
Andrews í Kanada og í New Yorkborg í
Bandaríkjunum. Markmið stofnunarinnar
er að stuðla að auknum skilningi á mikil-
vægi laxins sem náttúruauðlindar og á
verndun hans og viðgangi. Hyggst hún ná
markmiði sínu með því að örva og styrkja
laxarannsóknir og skynsamlega stjórnun
laxveiðimála, að stuðla að því að auka
þekkingu á laxinum sem náttúruauðlind,
i) í ensku máli er laxinn okkar kenndur við
Atlantzhafið og kallaður Atlantzlax til aðgrein-
ingar frá sex tegundum af Kyrrahafslaxi. í þess-
ari grein verður laxinn okkar einungis kallaður
lax samkvæmt okkar venju, en ekki Atlantzlax.
VEIÐIMAÐURINN
5