Veiðimaðurinn - 01.12.1972, Qupperneq 10

ana 20. til 22. september sl. í St Andrews,
New Brunswick, í Kanada, eins og áður
segir. Þessi fundur var umfangsmesti fund-
ur um laxamál, sem haldinn hefur verið.
Við setningu fundarins flutti umhverfis-
málaráðherra Kanada, Jack Davis, ræðu og
á eftir töluðu H. J. Robichaud, vararíkis-
stjóri í New Brunswick, og Donald Mac-
Kernan, ambassador frá Bandaríkjunum
Flutt voru 30 erindi af sérfræðingum frá
12 löndum um hinar ýmsu greinar laxa-
málanna. Fundinn sátu rúmlega 430 manns,
sérfræðingar, stjórnendur laxveiðimála og
áhugamenn. Erindin fjölluðu um eftirtalda
málaflokka: Um áhrif mannsins á umhverfi
laxins, um lífeðlisfræði laxins, um umhverfi
laxins, um laxeldi, um mannvirkjagerð í
veiðivötnum og veiðihagfræði, um verndun
laxins og viðgang og um laxveiðar.
í erindunum komu fram margar nýjar
niðurstöður af rannsóknum, sem hér yrði
allt of langt upp að telja. Greinarhöfundur
flutti erindi í erindaflokknum um laxaeldi.
Skýrði hann frá laxeldi á íslandi og endur-
heimtum á alilaxi í tilraunum, sem gerðar
hafa verið í Laxeldisstöðinni í Kollafirði.
Kom þar fram m. a., að endurheimtur af
merktum laxaseiðum, sem höfðu verið í
eldi í eitt ár og sleppt síðan, skiluðu sér
mjög lítið aftur eða 0,1%, þau sem höfðu
verið tvö ár í innitjörnum skiluðu sér alls
ekki aftur, en þau tveggja ára seiði, sem
höfðu verið í innitjörnum fyrra árið og í
útitjörnum seinna árið, skiluðu sér mun
betur aftur en eins árs gönguseiðin eða
4,1%.
Nýjungar í fiskeldi og fiskrækt.
í erindunum um laxeldi komu fram at-
hyglisverðar nýjungar. Svíinn Peterson
skýrði frá nýrri aðferð við uppeldi eins árs
gönguseiða, sem skiluðu sér vel aftur eftir
veruna í Eystrasalti. Aðferðin er í því fólg-
in, að flýta klakinu með upphitun á klak-
vatninu og stytta þannig klaktímann, og
lengja jafnframt eldistímann, sem því mun-
ar. Með því má ná seiðunum upp í göngu-
stærð um haustið og hafa þau síðan í úti-
tjörnum um veturinn. Síðasta mánuðinn,
áður en þeim er sleppt til að ganga í sjó,
er þeim gefið fóður með tiltölulega miklu
íituinnihaldi. Tilraun af þessu tagi er þeg-
ar hafin í Laxeldisstöðinni í Kollafirði.
Bandaríkjamaðurinn Millenback skýrði frá
ört vaxandi eldi sjóregnbogasilungs í Wash-
ingtonríki, en með sjóregnboga og laxinum
okkar er margt líkt hvað útlit og lifnaðar-
hætti snertir. Meðal annars kom fram sú
nýjung, að ala sjóregnboga í mun stærri
tjörnum í eldisstöðvum heldur en tíðkazt
hefur, en við byggingu slíkra tjarna er veru-
lega minni kostnaður miðað við flatarein-
ingu heldur en við byggingu tjarna af þeim
stærðum, sem notaðar hafa verið áður. Hef-
ur þessi nýjung reynzt vel.
Englendingurinn Harris skýrði frá til-
raunum með laxahald í litlum fjallavötn-
um í Englandi, sem miðuðu að því að auka
uppeldi gönguseiða í árkerfum, sem vötn-
in eru á, og auka þar með laxgengdina í ár-
kerfin. Ýmsar athvglisverðar niðurstöður
hafa fengizt af þessum tilraunum, en þær
eru enn á byrjunarstigi.
Norðmaðurinn Möller skýrði frá laxeldi
Norðmanna í sjó. Kom m. a. fram, að at-
hyglisverður árangur hefði fengizt í Noregi
á þessu sviði. Hann taldi nauðsynlegt að
treysta grundvöll fiskeldisins með tilraun-
um og rannsóknum, og skýrði frá því, að
fé hafi verið veitt til að koma á fót tilrauna-
8
VEIÐIMAÐURINN