Veiðimaðurinn - 01.05.1978, Blaðsíða 9

anna, sem endurheimtust, komu fram í
Kollafirði en ekki Artúnsá. Ekki var töl-
fræðilegur munum á þeim eftir því, hvort
fiskar voru úr sleppitjörn eða beinni slepp-
ingu. A þessu geta verið margar skýringar,
en sú líklegasta er, að vatnið í Artúnsá og
Kollafírði sé keimlíkt, þar sem hvort
tveggja kemur úr Esjunni. Einnig mætti
hugsa sér, að laxalyktin úr Kollafirði hafi
fengið laxana til að taka Kollafjörð fram
yfir Ártúnsá, sem hefur engin laxaseiði.
Eins og fram kemur í sömu töflu (tafla 2)
var þetta ekki vandamál í sambandi við
sleppingar á eldisseiðum í Elliðaár, sem er
raunverulega nær Kollafirði, en þar er að
sjálfsögðu sterk laxalykt og vatn af öðrum
uppruna. Ekki er ólíktlegt, að báðar þessar
skýringar séu samverkandi.
Hafa verður í huga, að þó eldisseiðin
hafi villst nokkuð úr Ártúnsá í Kollafjörð,
er ekki víst, að slíkt hefði skeð, ef áin hefði
verið staðsett fjær eldisstöðinni. Það er því
æskilegt að gera samskonar tilraun í slíkri
á.
Tilraunir í Elliðaám.
a) Tilraunir. Oþarfi er að kynna Elliða-
árnar fyrir íslenskum lesendum. Nægir að
geta þess, að þær eru dæmigerðar fyrir
góða laxveiðiá, sem á upptök sín í stöðu-
vatni. Það hefur tilhneigingu til að jafna
hitastig árinnar yfir sumarið, og er áin því
oftast yfir 10°C í 3 mánuði eða meir.
Ekki þurfti að byggja sleppitjörn við
árnar, þar sem steinsteyptar eldisþrær
voru þægilega staðsettar á árbakkanum.
Stangaveiðifélag Reykjavíkur veitti góð-
íúslega leyfi til þess, að þessar tjarnir yrðu
notaðar. Hægt var að skipta þeim í mörg
hólf og halda þannig aðskildum hinum
ýmsu hópum seiða, sem merktir voru.
Seiðin, sem fara áttu í tjörnina, voru sett í
hana 5. maí og sleppt ásamt öðrum hópum
á tímabilinu frá 28. maí til 10. júní. Allan
tímann, sem seiðin voru í tjörninni, voru
þau fóðruð þrisvar á dag með Ewos þurr-
fóðri.
Unnið við örmerkingar í Laxeldisstöðinni í Kolla-
firði. Ilangi kassinn segulmagnar örmerkin ítrjónu
seiðisins og greinir ómerkt seiði frá og beinir þeim
í minna hólfið t kerinu.
Seiðahóparnir, sem sleppt var, voru
sem hér segir:
1. Eldisseiði, sem sleppt var beint í Elliða-
ár 4. júní, örmerkt í Kollafirði (2x1000).
2. Eldisseiði úr sleppitjörn, örmerkt í
Kollafirði (2x1000).
3. Eldisseiði úr sleppitjörn, örmerkt við
Elliðaár (2x1000).
4. Villt seiði, örmerkt við Elliðaár (2x
1000).
í hverjum hóp voru 2 samanburðarsýni
með um það bil 1000 seiðum í hverju. Það
VEIÐIMAÐURINN
7