Veiðimaðurinn - 01.05.1978, Side 19

í fyrsta skipti til að hrygna sumarið 1952.
Víglundur fékk fleiri stórlaxa en þann,
sem nú var getið. Hann veiddi í Soginu í
3 ár, í kringum 1935, og fékk þá tvo laxa
fyrir Bíldsfellslandi, sem voru liðug 30
pund, og þann þriðja fyrir Asgarðslandi.
Og nokkrum árum eftir að hann fékk met-
laxinn sinn í Brúará veiddi hann þar
30 punda lax, einnig fyrir landi Hamra, þar
sem hann var við veiðar í þrjá áratugi.
Áður en lengra er haldið skulu nú rifjað-
ar upp frásagnir um stórlaxa, sem eiga það
sameiginlegt, að við höfum þar ekki við
samtíma heimildir að styðjast, heldur
hefur geymd sögunnar verið munnleg þar
til hún seint og síðar meir birtist á prenti,
oftast í Veiðimanninum.
Er þá fyrst að nefna Flóðatangalaxinn,
langsamlega stærsta lax, sem sögur fara
af hér á landi. I 18. hefti Veiðimannsins
birtist frásögn Bjöms J. Blöndal rithöf-
undar um þennan lax. Björn og aðrir, er
síðar hafa greint frá þessum laxi, hafa
söguna eftir greinargóðum borgfírzkum
mönnum, og er engin ástæða til að draga í
efa sannleiksgildi hennar, þótt nokkuð beri
í milli í frásögnum heimildarmanna.
Laxinn veiddist í net í Hvítá í Borgar-
firði fyrir landi Flóðatanga, í kvísl úr
ánni, sem nú er þurr, skammt frá bænum.
Segir Björn, að netið hafí verið íslenzkt
þráðarnet, svokallað einhölunet, sem þá
voru almennt notuð í Hvítá. Önnur heim-
ild segir, að lögnin, þar sem laxinn veidd-
ist, hafí verið svokölluð Sandskarðalögn.
Ekki ber heimildum saman, hve stór laxinn
hafí verið, segja sumir 70 pund, aðrir 65
eða 64, og enn aðrir 60 pund. Ekki er
heldur ljóst, hvaða ár þetta var. Segir ein
heimild, að Hálfdán bóndi á Flóðatanga
hafí veitt laxinn, en Hálfdán Guðmunds-
son bjó þar 1863 - 1880. Önnur heimild
telur, að laxinn hafí veitt Ásmundur
......og með einn í 30 punda klassanum,
hrygnu úr Soginu.
Þórðarson, er bjó á Flóðatanga 1840 -
1863, eða Björn sonur hans, síðar bóndi
á Svarfhóli.
I 19. hefti Veiðimannsins segir Stefán
Ólafsson frá því, í tilefni af áðurnefndri
grein Björns J. Blöndal, að um sama leyti
og stóri laxinn veiddist hjá Flóðatanga,
hafí tveir mjög stórir laxar veiðzt í net
í Hvítá, hjá Andrési Fjeldsted á Hvítár-
völlum, en Andrés bjó þar 1862 - 1898.
Var annar laxinn 54 pund, en hinn 48
pund. Heimildarmenn eru tilnefndir þeir
sömu og sagt höfðu frá Flóðatanga-
laxinum.
(Framhald í næsta blaði).
VEIÐIMAÐURINN
17