Veiðimaðurinn - 01.05.1978, Side 21

á þá leið, að kaupi maður línu í samræmi
við uppgefið númer, hentar línan til að
kasta henni 10-15 m..út frá landinu. Það
þarf því engan að undra þótt brösuglega
gangi að kasta 20 m. eða meira með línu,
sem þannig er valin. Þegar línan er komin
þetta fram fyrir topplykkju, er hún orðin
það þung, að stöngin kiknar hreinlega
undan álaginu, því eins og áður er minnst
á, miðast kjörvinnsla stangar við fremstu
10 m. línunnar. I þessu tilfelli er þeim
sem veiða við svona aðstæður, ráðlagt að
nota línu sem er einu númeri minni en
uppgefið númer.
Á boðstólum eru aðrar gerðir af línum
en DT-línan, sem rætt hefur verið um hér
að framan. Þessar línur eru framþungar,
eða gildastar fremst og mjókka aftur
(weight-forward, skammstafað WF). Eins
og nafnið bendir til er mestur hluti þyngd-
arinnar í fremsta hluta línunnar. Þeim
sem hafa hug á að eignast WF-línu er
ráðlagt að fá sér einu númeri stærri línu
en gefíð er upp fyrir stöngina, vegna þess
að þungahlutföll eru allt önnur í WF-
línunum en DT-línunum. Ohætt er að
fullvissa viðkomandi um að með þessu
fæst fullkomin samhæfing stangar og
línu. Þeir munu því miður vera allt of
margir, sem ekki hafa áttað sig á þessu
og hafa keypt WF-línu, dýrum dómum og
tengt við hana baklínu. Þegar á hólminn er
komið, er línan, sem keypt var í samræmi
við AFTM-merkingu á stönginni, allt of
létt og árangur í samræmi við það. Belg-
urinn á WF-línunni er það stuttur, að lína
þyngist sáralítið eftir að hann er allur
kominn fram úr topplykkjunni. Þetta
þýðir að nægileg þyngd er ekki fyrir hendi
til að fá vinnslu í stöngina.
Komin er á markaðinn endurbætt WF-
lína. Belgur hennar er lengri en á venju-
legum WF-línum. Ráðlegt er að kaupa
þessa nýju línugerð í sama númeri og
gefíð er upp fyrir stöngina.
Varðandi þessar línur er vert að gæta
þess vel að tengja baklínuna við mjórri
enda línunnar. WF-línurnar henta ekki til
veltikasta, en DT-línurnar eru aftur á móti
mjög vel til þess fallnar.
Þriðja tegund lína er skotlínan. Hún
er samsett af 8-10 m. löngum flugulínu-
stubb og löngu nælongirni. Ágætt er að
nota hluta DT-línu, 8-10 m. langan,
tveimur númerum stærri en merking á
stöng gefur til kynna. Skotlínu af þessari
gerð er auðvelt að kasta yfir 20 m. Sé notuð
enn sverari flugulína þarf að stytta hana
að sama skapi.
AFTM stangar númer DT-lína Kastlengd í metrum WF lína Skot lína
5 10 15 20 30 25+ 25+
5 6 5 5 4 6 7
6 7 6 6 5 - 7 8
7 8 7 7 6 - 8 9
8 9 8 8 7 6 9 10
9 10 9 9 8 7 10 11
10 11 10 10 9 8 11 12
11 12 11 11 10 9 12 12
Að lokum er rétt að gefa því gaum, að
flugustærð hefur afgerandi áhrif á val
stangar og línu, enda snýst málið um að
koma flugunni á tiltekinn stað. Það gefur
auga leið, að bæði þarf stinnari stöng og
þyngri línu til að kasta laxaflugu nr. 2/0
heldur en silungaflugu nr. 16, svo auðskilið
dæmi sé tekið.
Með þessu greinarkorni fylgir tafla sem
sýnir hvaða áhrif mismunandi gerðir og
stærðir flugulína hafa á kastlengd.
VEIÐIMAÐURINN
19