Veiðimaðurinn - 01.05.1978, Blaðsíða 51

um 6000 sjógönguseiði af rúmlega 20000,
sem i stöðinni voru í ársbyrjun, og var
þeim síðar sleppt í Leirvogsá.
Frá upphafi seiðadauðans fylgdist
starfslið Tilraunastöðvar Háskólans í
meinafræði að Keldum og Fisksjúkdóma-
nefnd með gangi mála, gerði viðeigandi
vettvangs- og seiðarannsóknir og sendi
auk þess sýni til rannsókna erlendis, en
einnig rannsakaði erlendur sérfræðingur,
sem hér var á vegum Veiði- og fiskiræktar-
ráðs, stöðina og sýni þaðan.
Niðurstaðan af öllum þessum rann-
sóknum varð sú, að ekki fannst með neinni
vissu orsök seiðadauðans, en gengið var úr
skugga um, að ekki var um smitsjúkdóm
að ræða.
Tjón félagsins af þessum seiðadauða var
að sjálfsögðu tilfinnanlegt. í klakhúsinu
urðu hins vegar engin óeðlileg afföll, þótt
stundum lægi við hættuástandi vegna
vatnsskorts.
Framleiðslu klak- og eldisstöðvarinnar
var ráðstafað þannig, að 329.000 kviðpoka-
seiði fóru í Elliðaárnar, 6000 sjógönguseiði
í Leirvogsá, en af sumaröldum seiðum
fóru 65.000 í Lagarfljótssvæðið, 35.000 í
Breiðdalsárnar og 30.000 í Tungufljót. Þá
keypti Veiðifélag Norðurár 30.000 og
Veiðifélag Grímsár og Tunguár 8000
sumaralin seiði af SVFR, og er vonandi,
að þetta geti orðið upphafíð að frekari
samstarfi þessara félaga á sviði ræktunar.
Forstöðumaður klak- og eldisstöðvar-
innar er sem áður Guðmundur Bang.
Veiðin í Elliðaánum sumarið 1977 var
1228 laxar, sem er talsvert undir meðal-
veiði. Nóg var af laxi í ánni, en tók illa,
og er ástæðan talin sú, að vatnið var óvenju
gruggugt, sem stafaði af því, að Elliðavatn
var með minnsta móti og litaðist, ef
nokkuð hreyfði vind. Nýr samningur um
ána var undirritaður í byrjun starfsársins.
í Leirvogsá veiddust 474 laxar, sem er
allgott, ekki sízt ef tekið er tillit til þess,
að veiði var yfirleitt með minnsta móti í
ám suðvestanlands. Nýr samningur til
tveggja ára var gerður í byrjun starfs-
ársins.
Veiði í Grímsá var með minnsta móti,
1103 laxar. Nokkuð var óselt af veiðileyf-
um í júní og september sumarið 1977, en
sumarið 1978 mun veiðin ekki hefjast fyrr
en 24. júní, sem er viku síðar en áður var,
og hún endar um mánaðamótin ágúst-
september, eða hálfum mánuði fyrr en
áður var.
I Norðurá veiddust 1470 laxar sumarið
1977, sem er talsvert undir meðalveiði.
Vatnsmagn árinnar var með allra minnsta
móti.
Sæmileg veiði var í Stóru Laxá, eftir
því, sem þar gerist, eða 266 laxar.
I Breiðdalsá fer sala veiðileyfa vaxandi,
og var mikil aðsókn að þessu fallega vatna-
svæði sumarið 1977. Laxveiði varð meiri
en áður hefur gerzt, eða 248 laxar, en auk
þess er þarna mjög góð bleikjuveiði.
Á Lagarfljótssvæðinu og í Tungufljóti
hafa seiðasleppingar og stigabyggingar því
miður ekki borið sýnilegan árangur ennþá.
Sumarið 1977 var SVFR ennfremur
með veiðileyfí í Flókadalsá í Haganesvík
í umboðssölu, svo og veiðileyfí í Elliða-
vatni.
Mikil blaðaskrif urðu um málefni
félagsins, og stóðu þau í sambandi við
samninga um Elliðaárnar og klak- og
eldisstöðina. Gerðar voru tilraunir til
að koma í veg fyrir, að þessir samningar
mættu takast. Þá var reynt að knýja fram
uppsögn á samningnum um Elliðaárnar
skömmu eftir að hann hafði verið undir-
ritaður. Loks var reynt að gera SVFR
tortryggilegt vegna seiðadauðans í eldis-
stöðinni. Ekki er ástæða til að fjalla nánar
VEIÐIMAÐURINN
49