Veiðimaðurinn - 01.05.1978, Blaðsíða 18

E Ideyjarlaxinn
svæði Ölfusár - Hvítár, þegar hann veidd-
ist.
Þótt okkur þyki það sorgleg örlög, sem
búin voru slíkum höfðingjum sem Gríms-
eyjarlaxinum og Eldeyjarlaxinum, að enda
ævi sína í þorskaneti, þá hljótum við að
gleðjast yfir því, að svona stórlaxar skuli
vera á ferðinni hér og væntanlega á leið í
einhverja ána okkar.
Við komum nú að þriðja stærsta lax-
inum, sem jafnframt er sá stærsti, sem
veiðzt hefur á stöng hér á landi. Það var
13. júní 1946, sem Kristinn heitinn
Sveinsson húsgagnameistari veiddi þenn-
an lax á spón á Iðu í Hvítá í Árnessýslu.
Þetta var 38 Vi punds hrygna, lengd 115
sm., mesta ummál 70 sm. Laxinn var
nýgenginn, með lús. Hann var ekki vigt-
aður fyrr en eftir hálfan annan sólarhring,
og hefur því verið eitthvað þjmgri, þegar
hann kom upp úr ánni. Því miður er engin
mynd til af þessum laxi. Kristinn var innan
við 20 mínútur með hann, enda var spónn-
inn fastur í báðum skoltum og lokaði
munni laxins. Frásögn Kristins af þessum
atburði birtist í 58. hefti Veiðimannsins.
Nokkrum árum síðar veiddi Kristinn
lax á Iðunni, sem var 30 pund og 108 sm.
að lengd. Sá lax var veiddur á flugu, og
þá stóð viðureignin í 1V2 klst.
Fjórði í röð stórlaxa, og næststærstur á
stöng, er lax, sem Víglundur Guðmunds-
son bifreiðarstjóri veiddi á minnó hinn
7. september 1952 neðst í Brúará, þar sem
hún fellur í Hvítá. Þessi lax var 37 V2 pund,
lengd 122 sm., ummál 65 sm. Þetta var
mjög leginn hængur, sem hefur sjálfsagt
verið yfír 40 pund, þegar hann kom úr sjó.
Var Víglundur fímm stundarfjórðunga
með hann. I 21. hefti Veiðimannsins var
frásögn Víglundar af þeirri viðureign, og
þá var meðfylgjandi mynd á forsíðu blað-
sins.
Laxinn var 6 vetra, hafði verið 3 vetur
í fersku vatni, gengið til sjávar vorið 1949
og verið í sjó í 3 vetur, en gengið í ána
Víglundur Guðmundsson ásamt syni stnum,
með stóra laxinn úr Brúará.
16
VEIÐIMAÐURINN