Veiðimaðurinn - 01.05.1978, Side 26

Magnús S. Magnússon
minning
Hinn 1. október 1977 lézt að heimili sínu,
Ingólfsstræti 7B hér í borg, Magnús S.
Magnússon prentari á 99. aldursári.
Fæddur 31. marz 1879. Það er bæði
ljúft og skylt að minnast hans hér í tíma-
riti stangarveiðimanna. Þegar hann kvaddi
þennan heim mun hann hafa verið elztur
þeirra Islendinga, sem lagt hafa stund
á stangarveiði og tvímælalaust átt þar
lengstan feril að baki. Hann byrjaði að
veiða á stöng 16 ára gamall, í Hólmsá með
Lúðvík heitnum Lárussyni kaupmanni og
síðustu veiðiferðina fór hann rúmlega
níræður með syni sínum Sigurði, verzl-
unarstjóra í Geysi, í Laxá í Leirársveit
sumarið 1969. Mér er ekki kunnugt um
annan fyrr eða síðar, sem notið hefur
þeirrar náðar, að geta iðkað stangarveiði
í þrjá aldarfjórðunga.
Magnús var einn af stofnendum Stang-
24
VEIÐIMAÐURINN