Veiðimaðurinn - 01.05.1978, Blaðsíða 20

Pétur Guðmundsson
Nokkrar leiðbeiningar
um val á flugulínum
Þýtt og endursagt
Öllum þeim, sem ánægju hafa af því að
veiða á flugu, er ljós þýðing þess að tækja-
búnaður sé eins og best verður á kosið.
Þetta á ekki einungis við um stöng og línu,
heldur jafnframt að búnaðurinn henti
aðstæðum við veiðivatnið, fisktegund og
stærð. Þegar öllu er á botninn hvolft,
skiftir þó e.t.v. mestu máli að flugulínan sé
rétt valin.
Það er eftirtektarvert, hvað það vefst
fyrir ótrúlega mörgum stangveiðimönnum
að velja sér línu af hæfilegri þyngd fyrir
stöngina. Vegna þessa er eftirfarandi
leiðbeiningum komið á framfæri.
Flugulínur eru merktar af framleiðanda
eftir ákveðnu kerfi (AFTM), sem samtök
framleiðenda hafa komið sér saman um.
Línumar eru merktar með númerum, og
eru algengustu númer frá 5-12. Númerið
táknar gildleika línunnar og þyngd, þ.e.a.s.
þyngd fremsta hluta hennar, nánar tiltekið
fyrstu tíu metranna.
Algengast er að veitt sé á flugu á bilinu
10-15 m. frá landi og nær. Þess vegna varð
10 m. lengdin fyrir valinu. Þetta kerfi er
spor í rétta átt, enda þótt það veiti ekki
tæmandi upplýsingar um notagildi lín-
unnar.
Flugustöng vinnur best við ákveðna
þyngd línu fyrir utan topplykkju. Þessi
kjörþyngd getur átt við mismunandi
langar línur og misjafnlega þungar.
Tökum t.d. flugustöng gerða fyrir línu
nr. 7 (AFTM7), en lína nr. 7 er ein sú
allra algengasta. Táknmálið (AFTM7)
þýðir einfaldlega að umrædd stöng hentar
best til að kasta línu nr. 7 allt að tíu metra.
Táknið greinir hins vegar ekki frá því, að
þessi sama stöng hentar t.a.m. alveg eins
vel til að kasta sex metra, með línu nr. 8 og
fimmtán metra, með línu nr. 6. Til að
útskýra þetta enn frekar, þá eru sex metrar
af línu nr. 8 jafnþungir og tíu metrar af
línu nr. 7. Sama máli gegnir með fimmtán
metra af línu nr. 6. Þegar ofanritað er haft
í huga, er auðsætt að val flugulínu verður
að miða við staðhætti við veiðivatn og
nauðsynlega kastlengd.
Rétt er að geta þess, að auglýsingar um
línustærð (AFTM) eru annað hvort
þrykktar á veiðistöngina eða fylgja með
henni. Ennfremur er hægt að fá stangir
þungaprófaðar í öllum betri sportvöru-
verslunum, til að ganga úr skugga um rétt
línunúmer.
Þá er að geta þess, að línumerking á
stöng á við flugulínu, sem er sverust í
miðju og mjókkar jafnt og þétt til beggja
enda (double-taper, skammstafað DT).
Niðurstaðan af þessum vangaveltum er
18
VEIÐIMAÐURINN