Veiðimaðurinn - 01.05.1978, Side 17

Grímseyjarlaxinn
Af hreistrinu las veiðimálastjóri eftir-
farandi æviatriði: Laxinn var 10 vetra
gamall. Honum hafði verið gotið sem
hrogni haustið 1946. Seiðið hafði verið
í ánni sinni í 4 vetur, 1947 - 1951, en
gengið til sjávar þá um vorið, um 16 sm.
langt. Sumarið 1953 hafði laxinn gengið í
ána sína í fyrsta skipti til að hrygna, þá
um 80 sm. langur, og sumarið 1955 hafði
hann gengið öðru sinni til hrygningar, þá
um 120 sm. að lengd. Hann var svo
veiddur í apríl 1957 sem áður sagði.
Menn gátu sér þess til, að Laxá í
Aðaldal væri heimaá Grímseyjarlaxins,
þótt auðvitað væri ekkert hægt um það
að fullyrða. Hann er nú geymdur, listilega
uppstoppaður, í húsnæði Veiðimálastofn-
unarinnar.
Þá sjáum við hér mynd af næststærsta
laxinum. Það var hinn 16. maí 1975, að
skipverjar á bátnum Goða frá Keflavík
fengu hann í þorskanet út af Eldeyjarboða.
Þetta var 42 punda hængur, 116 sm. á
lengd og 63 sm. að mesta ummáli. Frá því
laxinn kom úr sjó og þar til hann var
veginn liðu 20 klst., svo að hann hefur
verið búinn að léttast nokkuð, þegar hann
komst á vigtina, sem reyndar var baðvigt!
Og þegar meðfylgjandi mynd var tekin,
hafði laxinn verið í frysti í 7 mánuði, og var
þá eðlilega ekki orðinn nema svipur hjá
sjón. Það var mikill kraftur í laxinum,
þegar átti að innbyrða hann, og tókst
honum að rífa sig úr netinu, en skipverjum
tókst að ná honum með goggi áður en hann
hvarf í djúpið.
Athuganir veiðimálastjóra sýndu, að
laxinn var 6 vetra, hafði verið 3 vetur í
fersku vatni og 3 í sjó, og hafði aldrei í ána
sína komið frá því að hann gekk til sjávar
sem seiði. Helzt voru menn á því, að
Eldeyjarlaxinn hefði verið á leið í vatna-
VEIÐIMAÐURINN
15