Veiðimaðurinn - 01.05.1978, Side 49

FISHING
Tn Tryttm.
£. Cum
FISHING:
THE
COMPLETE
BOOK
THE COMPLETE BOOK
2J00 lllustmtlons In ColourAnd Black And U'hiie
Fyrir skömmu átti ég sem oftar, leið fram
hjá bókabúðinni Snæbjörn Jónsson & Co.
h.f. við Hafnarstræti og staldraði þar við
gluggann, eins og mér er tamt. Sá ég þá
bók eina stóra og forvitnilega, sem vakti
strax svo mikinn áhuga hjá mér, að ég
fór inn og fékk að skoða hana. Þegar ég
hafði rennt augum yfir efnisskrá bókar-
innar og flett henni lauslega, var ég búinn
að sjá nóg til þess, að ég ákvað að eignast
hana, og úr því hefur nú orðið. Heiti
hennar og fremri kápusíða er í mjög
smækkaðri mynd hér að ofan, og hún
stendur fullkomlega undir nafni.
Ég held að þarna sé saman kominn meiri
fróðleikur um fiska, lífsháttu þeirra, eðli
umhverfi og lífsskilyrði, en ég hef séð
í nokkurri annarri bók, enda er hún,
eins og að framan greinir, í mjög stóru
broti og yfir 400 blaðsíður. Þar eru og
lýsingar á sköpulagi fiska bæði í máli og
myndum, líffærum, þefskyni þeirra, sjón,
heyrn, æti o.m.fl. í bókinni eru 2500
myndir, þar af 600 af fiskum og 200 af þeim
í litum, frábærlega skýrar og vel gerðar. Þá
er þar að finna leiðbeiningar um veiði-
aðferðir í ám, vötnum og sjó, þ.e. allar
tegundir sportveiði í fersku vatni og söltu.
Einnig eru þar ábendingar um val veiði-
tækja og notkun eftir aðstæðum, svo sem
straumlagi, veðri og hitastigi og líka
tilsögn í kasttækni, fluguhnýtingu o.m.fl.
Allt er þetta líka skýrt með ágætum mynd-
um.
Saga sportveiðinnar er rakin þama allt
frá því sem elstu heimildir greina og
undanfari hennar, sem minjar hafa fundist
um frá forsögulegum tímum, þegar menn
veiddu fisk sér til lífsviðurværis með
frumstæðum tækjum eða jafnvel berum
höndum, eins og Indíánar gerðu.
Allur frágangur bókarinnar er til fyrir-
myndar, enda heimsþekkt forlag fyrir
vandvirkni og smekkvísi, sem gefur hana
út. Hún er því kjörin tækifærisgjöf handa
veiðimönnum. Hún kostar nú kr. 9.500.-,
en næsta sending mun hækka upp í
kr. 12.000.-. Það er ekki hátt verð, miðað
við stærð og innihald þessarar ágætu
bókar. Hún er hafsjór af fróðleik.
V.M.
VEIÐIMAÐURINN
47