Veiðimaðurinn - 01.12.1986, Qupperneq 32

datt flugan úr henni og vonandi hefur hún
náð að hrygna einhvers staðar í ánni í
haust. Klukkan var að verða eitt og við
vorum hættir veiðum á Núpasvæði.
Það var síðan standandi brandari, það
sem eftir var þessa veiðitúrs, að í hvert
skipti sem ég fékk fisk, þá var það kallaður
urriði.
Það var næsta morgun, eða þann 27. júlí
1986, sem Islandia gaf mér hina fallegustu
veiði sem ég hef nokkurn tíma fengið. Við
áttum 6. svæðið, eða efra Hólmavað, eins
og það heitir, og er það að mínum dómi eitt
skemmtilegasta flugusvæðið í ánni. Það er
auðvelt að veiða þarna og svæðið nánast allt
einn tökustaður. Jón G. Baldvinsson og
Halldór Þórðarson fóru upp á Oseyri, en
við Jimmy Sjöland ætluðum að veiða á
Suðureyri.
Suðureyrin er gamall og þekktur veiði-
staður, afar skemmtilegur, en var nánast
ónýtur fyrstu árin sem við veiddum í Laxá,
eða frá 1979 þar til fyrir 2-3 árum, vegna
sands sem rekið hefur niður ána og var bú-
inn að fylla upp legustaði laxins. Kristján
bóndi á Hólmavaði hefur nú lagt í fram-
kvæmdir og lagfært staðinn og er hann
óðum að komast í sitt fyrra horf og virki-
lega gaman að veiða þennan stað.
Það var í annarri yfírferðinni hjá mér, að
lax tók rétt fyrir neðan skiltið, ekki langt
frá árbakkanum, og fann ég strax að um
vænan lax var að ræða. Ég sá hann koma
upp í yfírborðið og grípa fluguna. Það er
einmitt á þessum augnablikum sem taug-
arnar verða að vera í lagi, það má ekki taka
of fljótt á honum, því að þá nær hann ekki
að snúa sér og festa almennilega í kjaft-
vikinu. Þetta tókst mér að þessu sinni.
Laxinn rauk út í miðjan streng og stökk,
og sá ég þá strax að þetta var rétt hjá mér,
þetta var vænn lax. Nú kom hver rokan á
fætur annarri, niður ána, út í streng, stökk,
upp ána, og það var ekki laust við að maður
kiknaði í hnjáliðunum í öllum látunum, og
hjartað ólmaðist sem í akkorði væri.
Jimmy var nú kominn mér til aðstoðar
og hafði háfinn meðferðis, en hans tími var
ekki kominn ennþá, laxinn var ekkert að
gefa sig. Þessi væna hrygna átti mikinn
kraft eftir, hún strikaði í vatnsskorpunni,
hálf upp úr, ég réði ekkert við hana. Það má
nánast segja að hún hafl þreytt sig sjálf með
látunum, og var ég himinlifandi þegar
í næstu sportvöruverslun
HAFDU VAÐIÐ FYRIR
NEDANÞIG
Léttar og öruggar
nælonvöðlur.
Einkaumboð I. Guðmundsson & co hf.
Símar: 24020/11999.
30
VEIÐIMAÐURINN