AVS. Arkitektúr verktækni skipulag - 01.03.1994, Síða 56

LOKAVERKEFNI
Arinbjörn Vilhjálmsson, f. 1963 í Reykja-
vík. Stundaði arkitektúrnám við Háskól-
ann í Stuttgart í Þýskalandi frá haustinu
1985. Brautskráðist 27. október síðast-
liðinn.
Lokaverkefni: Tónlistarhús við Reykjavíkurhöfn.
Lokaverkefnið (Diplom) var unnið undir leiðsögn
Prófessors Walters Maria Förderer frá Sviss en próf-
dómari var prófessor Antero Markelin frá Finnlandi
en þeir starfa báðir við Stuttgartháskóla.
Verkefnið setti höfundur sér sjálfur en studdist að
einhverju leyti við gögn úr samkeppni um tónlistarhús
sem haldin var hér heima fyrir allnokkrum árum.
Hluti af verkefninu voru vangaveltur um skipulag
Reykjavíkurhafnar og setur höfundur þar fram rót-
tæka tillögu sem gerir ráð fyrir niðurgrafinni Geirs-
götu og Lækjargötu á tveim hæðum og yrði þungri
umferð hleypt þar í gegn. (Má til dæmis benda á að
í Dússeldorf í Þýskalandi er unnið að framkvæmd-
um sem byggjast á svipaðri lausn en þar hafði gamli
miðbærinn verið aðskilinn frá Rínarfljóti með stórri
umferðarbraut.) Gangaopin væru þá framan við
Sjávarútvegshúsið, við Miðbæjarskólann og vestur
á Granda hjá verslun Ellingsens. Faxaskáli er látinn
fjúka ásamt nokkrum byggingum í nágrenni hans og
sjávaryfirborð hafnarinnar aukið til muna, allt í þeim
tilgangi að endurlífga hafnarsvæðið og endurvinna
tengingu miðbæjarins við það. Þrjár stórar bíla-
geymslur eru settar ofan í höfnina framan við Geirs-
götu með yfirborð í sömu hæð og hafnarbakkinn og
tengjast þær neðanjarðargötunni. Innan við bíla-
geymslurnar hugsar höfundur sér smábátahöfn en
ofan á þeim yfirbyggðan „verslunarorm“ sem tengist
fiskmarkaði í fyrrverandi skemmu Ríkisskipa í vestri
en í austri tengist hann verslunarhúsum smábáta-
eigenda við flotbryggju og síðan því tónlistarhúsi sem
valinn er staður sunnan við Ingólfsgarð.
Aðalverkefnið er tónlistarhúsið sem byggist á skipu-
lagstillögunni. Þar leitast höfundur við að skapa hús
fyrir hvers konar tónlistarflutning að undanskildum
óperuflutningi, aðsetur Sinfóníuhljómsveitar íslands
og Tónlistarskóla Reykjavíkur og að auki hugsað sem
góð ráðstefnuaðstaða.
Höfundi var umhugað um að húsið tengdist umhverfi
54