AVS. Arkitektúr verktækni skipulag - 01.06.1994, Blaðsíða 18

Drafnaborg gamla.
Drafnaborg nýja, Yngvi Þór Loftsson landslagsarkitekt
hannaöi.
í áranna rás og fjölbreytni aukist enda eru leikvalla-
svæði borgarinnar nú í kringum 250 talsins. Sums
staðar eru leiksvæðin hlutar stærri útivistarsvæða og
tengjast þannig opnu, náttúrlegu umhverfi með
holtum, klöppum og mólendi. Dæmi um þetta má
sjá á Ijósmyndum af gæsluvelli á Ártúnsholtinu og
leikvelli við Reyrengi. Það liggur í hlutarins eðli að
16
leiksvæðin hljóta að breytast nokkuð með nýjum
tækjum, sem komast í tísku, og nýjum áhugamálum
barna. Hjólabrettin útheimta sitt umhverfi og einnig
körfubolti svo dæmi séu tekin. Önnur tæki og leikir
halda alltaf velli og úreldast aldrei að því er virðist.
Svo er um róluna sem er sígild meðal leiktækja og
fótboltinn er alltaf vinsæll.
Nýgerður grenndarleikvöllur við Aflagranda hefur
vakið talsverða athygli enda vísar hann til fyrri
vinnsluaðferða á fiski á trönum. Svæðið liggur við
mikla umferðargötu meðfram sjávarströndinni. Trön-
urnar afmarka svæðið og eru um leið spennandi leik-
tæki.
Við Laxakvísl er leikvöllur upp við lóð Árbæjar-
safnsins. Þar er tóft sögualdarbæjarins að Stöng
endurgerð sem gefur börnum fjölbreytta möguleika
til leikja, t.d. með fornsögurnar að fyrirmynd.
Leikskólinn Drafnaborg var nýlega endurgerður og
nýtist leiksvæði hans einnig á kvöldin börnum úr
nærliggjandi húsum. Þessi leikvöllur er vettvangur
atburðanna í sögunni Benjamín dúfa eftir Friðrik
Erlingsson. Bókin sannar svo ekki verður um villst
að leikvöllurinn skipar verðmætan sess í lífi barna.