AVS. Arkitektúr verktækni skipulag - 01.06.1994, Síða 22

ÞRÁINN HAUKSSON LANDSLAGSARKITEKT
Setbergsskóli.
SKÓLALÓÐIN
Nú á tímum þykir þaö orðið nokkuð sjálf-
sagður hlutur að hanna og ganga frá
skólalóðum samstiga frágangi nýbygg-
inga. Þannig er farið að líta á skólalóð
með tilheyrandi völlum, leiktækjum, gróðri og bíla-
stæðum sem jafnnauðsynlega og hverja fullbúna
kennslustofu. Skólalóðir eru tiltölulega dýrar í fram-
kvæmd og til skamms tíma var tilhneiging til að fresta
lóðarframkvæmdum og jafnvel hönnun um stundar-
sakir. Reynslan hefur sýnt, að ef ekki er litið á þessar
framkvæmdir sem óhjákvæmilegan hluta stofnkostn-
aðar vilja þær dragast von úr viti. Þegar ekki þykir
lengur unað við ófrágengna lóð, er oft gripið til ómark-
vissra framkvæmda. Það er Ijóst að slík vinnubrögð
gefa sjaldan af sér góða útkomu. Enda hefur víða
þurft að gera umtalsvert átak til að endurskipuleggja
lóðir við eldri skólabyggingar og framkvæma
breytingarnar í áföngum eftir því sem efni og ástæður
leyfa.
MIKILVÆGI SKÓLALÓÐARINNAR
Segja má að skólalóðirnar séu mikilvægustu útivistar-
svæði í bæjunum, því auk þess að þjóna tilgangi
sem daglegt umhverfi og leiksvæði skólabarna eru
þær ekki síður notaðar sem hverfisleiksvæði á kvöldin
og um helgar.
í nútímasamfélagi með óhóflegu sælgætisáti, tölvu-
leikjum, sjónvarpsglápi og því um líku eykst þörfin á
hreyfingarhvetjandi umhverfi barna og unglinga. Þar
er hlutverk skólalóðarinnar stórt og gerir auknar kröf-
urtil innihalds og gæða. Með lengdri viðveru barna
í skólum verður þörfin á nothæfu leikumhverfi enn
meiri. Aldursdreifing nemenda frá 6 ára börnum upp
í 15 ára unglinga innan veggja sama skóla leiðir af
sér hættu á árekstrum og yfirgangi þeirra sterkari.
Því er mikilvægt að skipta lóðunum sem mest upp
og dreifa leiknum um alla lóð. Það þykir sannað er-
lendis og hérlendis að nöturlegt umhverfi með tak-
markaða leikmöguleika hvetji til ýmiss konar félags-
legra vandamála meðal barna.
Það má varpa fram þeirri spurningu á þeim vettvangi
sem þetta er skrifað, hvort ekki ætti að nota skóla-
lóðirnar mun meira og skipulegar en nú er gert. í
Ijósi hins almenna hreyfingarleysis og hrakandi líkam-
20