AVS. Arkitektúr verktækni skipulag - 01.06.1994, Qupperneq 62

á hverri hæð var lýst í viðeigandi dálk á eyðublaði,
nöfn fyrirtækja skráð ef ekki var Ijóst um hvers konar
starfsemi var að ræða, athugasemdir um vafaatriði
skráðar, fjöldi íbúða á hverri hæð skráður og sérstak-
lega merkt við þær hæðir sem þurfti að kanna nánar
með tilliti til breyttrar notkunar eða fullnýtingar. þegar
um vafaatriði var að ræða var farið aftur á vettvang.
Áður en vettvangskönnun fór fram var heimilisfang,
hæðir, staðgreinir og matshlutar skv. fasteignamati
skráðir á eyðublöðin í þeim tilgangi að flýta fyrir könn-
un á vettvangi.
Upplýsingar, sem fengust við vettvangskönnun um
notkun húsnæðis, voru skráðar í gagnagrunn eftir
kerfi sem forritað var sérstaklega fyrir verkefnið og
gefur möguleika á margvíslegum fyrirspurnum.
Samhliða könnun á notkun húsnæðis í miðbænum
var unnið að því að gera kortagrunn af honum tölvu-
tækan og er tenging gagnagrunns við kortagrunn
hafin.
Niðurstöður úr könnun á notkun húsnæðis má skoða
frá ýmsum sjónarhornum. f könnuninni kom í Ijós að
töluvert er um autt og illa nýtt húsnæði í miðbænum,
þ.e. autt húsnæði og geymslur. Með skráningunni
fást einnig upplýsingar um umfang miðbæjarstarf-
semi í miðbænum, en miðbæjarstarfsemi er einkum
talin smásala, þjónusta, fjármálastarfsemi og skrif-
stofur. Fataverslanir og skartgripaverslanir eru flestar
og af fataverslunum voru kvenfataverslanir f meiri-
hluta. Lögfræðingar og læknar eru flestir sérfræð-
inga sem starfa í miðbænum og af því sem hér er
nefnt sérhæfð þjónusta eru hársnyrtistofur og snyrti-
stofur flestar. Annað sem nefna má er hinn mikli
fjöldi sýningarsala í miðbænum og skemmtistaðir
eru fjölmargir. ■
LÝÐUR SIGURÐSSON
Einn þeirra listamanna sem vakið hafa
hvað mesta athygli hér á landi á
undanförnum árum er tvímælalaust
Lýður Sigurðsson. Það kemur líka á óvart
hvað hann á auðvelt með að brúa bilið milli málara-
listar og handverks. Úr smiðju hans koma jöfnum
höndum málverk, sem fá okkur til að sjá samtíðina í
nýju Ijósi, og húsgögn sem sýna okkur fram á að
möguleikar íslenskrar húsgagnahönnunar eru hvergi
nærri tæmdir. En gefum Lýð orðið:
„Ég lærði húsgagnasmíði hjá föðurbróður mínum,
Jóni Oddssyni, norður á Akureyri á gömlu, grónu hús-
gagnaverkstæði og kynntist þar íslensku handverki
í húsgagnaiðnaði eins og það gerðist best. Þar var
valinn maður í hverju rúmi. Margir þessara manna
voru miklir listamenn. Við inngönguna í EFTAflæddu
hins vegar ódýr húsgögn inn í landið og drápu þetta
allt. Ffúsgagnaframleiðendur og stjórnmálamenn
týndu algerlega áttunum á þessum árum hvað
viðkom húsgagnaiðnaði og kepptust við að búa hér
til vasaútgáfu af framleiðslufyrirtækjum stórþjóðanna
I stað þess að halda í þetta handverk. Auðvitað
getum við aldrei keppt við stórþjóðir með því að búa
60