AVS. Arkitektúr verktækni skipulag - 01.12.2001, Page 27

Þá er gert ráö fyrir nýjum einstaklingsíbúðum og
íbúðum fatlaðra suðaustanmegin á svæðinu. Að
auki gerir skipulagið ráð fyrir framtíðarbyggingar-
svæði nokkru ofar í landinu þar sem auka mætti
íbúðarbyggð frekar þegar núverandi skipulag er
fullbyggt.
Gert er ráð fyrir helmings-aukningu á kennara-
íbúðum og eru nýbyggingar staðsettar í tengslum
við núverandi kennarabústaði. Núverandi kenn-
arabústaðir eru einkum fjölskylduhús og því gerir
skipulagið ráð fyrir nýjum gerðum kennaraíbúða
fyrir einstaklinga eða minni fjölskyldur.
Viðskiptaháskólinn gerir ráð fyrir mikilli uppbygg-
ingu kennsluhúsnæðis á komandi árum og fólst
hluti skipulagsvinnunnar í að koma með tillögur að
hugsanlegum viðbyggingar- og nýbyggingar-
möguleikum. Endanlegt deiliskipulag gerir ráð fyrir
að frekari uppbygging kennslu- og rannsóknar-
húsnæðis verði staðsett sem næst núverandi
kennslubyggingum og þannig verði stuðlað að
sterkri miðju háskólans. í fyrstu er gert ráð fyrir að
byggt verði við núverandi kennslubyggingar og
þær tengdar saman með tengibyggingu er einnig
leysi aðgengi fatlaðra í eldri byggingum. Til lengri
tíma litið er gert ráð fyrir uppbyggingu rannsóknar-
og kennslubygginga í suðvesturenda svæðisins.
Núverandi leikskóli háskólasvæðisins er stað-
settur í gömlu íbúðarhúsnæði ofarlega í landi Bif-
rastar og er brýnt að bæta þá aðstöðu og stækka
í takt við aukna þörf á svæðinu. Skipulagið gerir
ráð fyrir stækkuðum byggingarreit þar sem núver-
andi leikskóli er, þannig að unnt sé að byggja við
skólann til styttri tíma. Þá er skipulagður nýr
þjónustureitur sveitarfélags austan við leikskól-
ann, þar sem seinna verði unnt að byggja upp full-
komnari og stærri leikskóla fyrir háskólasvæðið.
Viðskiptaháskólinn miðar við að þeim fram-
kvæmdum sem gert er ráð fyrir á nýju deiliskipu-
lagi verði lokið árið 2005. Háskólasvæðið á Bifröst
verður þá orðið helsta þéttbýli í uppsveitum Borg-
arfjarðar, með rúmgott og nýtískulegt kennslu- og
rannsóknarhúsnæði, þriggja deilda leikskóla fyrir
um 60 börn og íbúðarhúsnæði fyrir um 600
manns. Nú þegar eru framkvæmdir langt komnar
við byggingu hluta nemendaíbúða og hönnun nýs
kennsluhúsnæðis stendur yfir. ■
SINDRI
Kopar • Sink • Stál • A1 • Ryöfrítt
Orkuver 5 - Völsuð klæðning
Keflavíkurkirkja - Koparklæðning
Klettagörðum 12 ■ 104 Reykjavík ■ simi 575 0000 ■ fax 575 0010 ■ www.sindri.is