AVS. Arkitektúr verktækni skipulag - 01.12.2001, Qupperneq 31

smiöju er vinnurými og öll aðstaða kennara með
fagurt útsýni í suðaustur. Snyrtingakjarni er við
tengigang í suðaustur og þar við hliðina á eru litlar
svalir yfir aðalinngangi. Á svölum salar er mögu-
legt að loka af stórt kennslurými, sem einnig má
skipta í tvö minni.
Tengibyggjng
Á bak við nýbygginguna er tengigangur, sem
tengist Vistarhúsi á þremur hæðum og Aðalbóli á
tveimur hæðum. Tengigangur opnast í norðvestur,
að Háskólatorgi. Vestast í gangi er rampi, sem
tengir gólfhæð nýbyggingar og Aðalbóls beint við
gólf gömlu byggingarinnar, sem er 60 cm hærra.
Þannig er komið í veg fyrir að ganga þurfi niður í
Vistarhús og upp aftur í nýbygginguna þegar farið
er á milli bygginga á 1. hæð. Aðeins ein lyfta er í
húsinu, sem opnast í tvær áttir og þjónar báðum
hæðum nýbyggingar og þremur hæðum Vistar-
húss. Efst á lyftuhúsi er stór þakgluggi, eins konar
lugt, sem lýsir upp umhverfið þegar lyftan er á
efstu hæð, en Ijósi er komið fyrir efst á lyftuvagni.
Gamall tengigangur í kjallara er nýttur áfram sem
tæknirými.
Uppbygging og efnisval
Útveggir, burðarveggir og plötur eru staðsteypt.
Húsið er að mestu einangrað að utan og klætt
með báruðum kopar. Útveggir tengigangs, á bak
við tjörn og að Háskólatorgi, eru hins vegar ein-
angraðir að innan, pússaðir og málaðir hvítir að
utan.
Grunnflötur byggingarinnar er lítill svo mögulegt
er að loftræsa rými náttúrulega og dagsbirta nær
inn í hvern krók og kima. Á efri hæð er fjöldi þak-
glugga, sem auðvelda loftun og beina birtu niður
þar sem rými ná ekki að útvegg en lýsa út í
myrkrið að nóttu til. Mikil lofthæð í sal auðveldar
gegnumstreymi lofts með opnunarmöguleikum
neðarlega í útvegg í öðrum enda rýmis og við loft
í hinum enda.
ímynd hins nýja skóla er sprottin úr útliti elsta
hússins á staðnum og vísar til þess að háskólinn á
Bifröst á sér langa sögu og byggist á traustum
grunni. Ný aðalbygging stendur sjálfstæð og skýrt
aðgreind frá húsaþyrpingunni. Efnisval gefur hús-
inu látlaust og jarðbundið yfirbragð en útlitið er
mótað af eðli skólastarfsins og þörfum innandyra.
Hvítir útveggjafletir tengibyggingar renna hins veg-
ar saman við veggi eldri húsanna sem þeir mæta.
Nýbyggingin ber með sér að um skólann blási
ferskir vindar nútíma þekkingarþjóðfélags. Bygg-
ingarnar halda þétt utan um hið litla samfélag sem
þar hrærist en opnast á móti einstakri náttúrufeg-
urð staðarins, sem er örvandi baksvið fyrir kraft-
mikið skólalíf. ■
einangrunarplast frauðplastkassar
EPS umbúðir 520 5400
EPS húseinangrun 554 0600
Dalvegi 24, Kópavogi Kaplahrauni 2-4, Hafnarfirði www.tempra.is
■»IF
tempra
pn<s B mnannrun
eps ■ einangrun
29