AVS. Arkitektúr verktækni skipulag - 01.12.2001, Blaðsíða 62

sem mest allra hefur unniö að félagsmálum ís-
lenzkra arkitekta. í Húsameistarafélagið gekk
Guðmundur Kr. í apríl 1954 og varð 29. skráður
félagi þess félags, en tveir stofnfélaganna voru þá
látnir.
Þátttaka í félagsmálum arkitekta var mjög al-
menn áður en félagsmenn fylltu hundraðið og und-
ravert hve þessi litli hópur átti sér stóra drauma og
ákvað oft að hrinda hugmyndum sínum í fram-
kvæmd. Á fyrsta aðalfundi eftir inngönguna var
Guðmundur Kr. valinn einn fulltrúa Húsameistara-
félagsins í Bandalagi íslenzkra listamanna og í
nefnd vegna arkitektúrsýningar í Berlín. Aðeins ári
síðar var hann kosinn ritari félagsins til tveggja
ára, en á þeim fundi var nafni þess breytt í Arki-
tektafélag íslands. Störf Guðmundar Kr. fyrir fag-
félag hans eru mörg og óeigingjörn. Hann var val-
inn í fyrstu menntamálanefnd félagsins 1962 og
ári síðar í fyrstu stjórn Minningarsjóðs dr. Guðjóns
Samúelssonar.
Haustið 1958 var ákveðið að stofna Bygginga-
þjónustu Arkitektafélags íslands. Guðmundur Kr.
var ráðinn fyrsti framkvæmdastjóri hennar og
gegndi því starfi um nokkurra ára skeið. Á þessum
árum naut fyrirtækið mikils velvilja og aðsóknin í
sýningarsalina var mikil. Guðmundur Kr. tók það
nærri sér þegar halla fór verulega undan rekstrin-
um á áttunda áratugnum og taldi að blása ætti í
glæðurnar á ný. Hann var líka einn frumkvöðla að
stofnun Lífeyrissjóðs Arkitektafélags íslands og
fyrsti stjórnarformaður hans. Guðmundur Kr. var
kosinn meðstjórnandi A.í. árin 1968 og 1972, og
hann var kjörinn formaður Arkitektafélagsins 1973
og endurkosinn ári síðar.
Guðmundur Kr. rak um langt árabil teiknistofu,
og fékkst við mörg áberandi mannvirki af ýmsum
toga. Hann kaus að hafa ekki marga í vinnu hjá
sér, og sá til þess að aðeins vel útfærð verk færu
út af stofunni. Þegar samstarfi þeirra Gunnlaugs
lauk, sem þó var ekki alltaf með mjög formföstum
hætti, vann hann ýmist einn eða með mági sínum
Ferdinand Alfreðssyni arkitekt, og frá 1973 ráku
þeir mágar teiknistofu saman á Ægisgötu í
Reykjavík. Þar hafði einnig á tímabili aðstöðu
Helga, arkitekt, dóttir Guðmundar og vann hún að
verkefnum með þeim. Eftir Guðmund Kr. liggja
mörg eftirtektarverð verk, sem hann vann ýmist
einn eða ásamt samstarfsmönnum sínum. Guð-
mundur Kr. vann mikið fyrir Rafmagnsveitur
Reykjavíkur og Rafmagnsveitur ríkisins, s.s.
svæðisstöðvar á Blönduósi og Hvolsvelli og í
Stykkishólmi og fyrir Landsvirkjun s.s Búrfellsvirkj-
un (1965), Sigölduvirkjun (1974) og Hrauneyja-
fossvirkjun (1978). Hann vann aðalbyggingu Há-
skólabíós með Gunnlaugi 1959 og lægri bygging-
arnar með Ferdinand (á árunum 1986-92) og með
Ferdinand einnig Suðurlandsbraut 18, hús
Olíufélags íslands á tímabilinu 1970-79. Eftir Guð-
mund Kr. liggur mikill fjöldi íbúðarhúsa, s.s. ein-
býlishús á Mávanesi 7 í Garðabæ (1967) og fjöl-
eignahúsin Sólheimar 25 og 27 í Reykjavík
(1957).
Óvæntur endir var bundinn á starfsferil Guð-
mundar Kr., þegar hann fékk hjartasjúkdóm fyrir
um það bil áratug. Honum fylgdu nokkur áföll, og
fór svo að Guðmundur Kr. treysti sér ekki aftur til
starfa. Auk Helgu, sem starfar hjá byggingarfull-
trúanum í Reykjavík, eignuðust Guðmundur Kr. og
kona hans, Sigrid Agnes, fjögur börn og eru þrjú
þeirra á lífi.
Fáir hafa meira lagt af mörkum fyrir Arkitekta-
félag íslands en Guðmundur Kr. Kristinsson. Það
var því löngu tímabært og eðlilegt þegar stjórn
félagsins ákvað það nú í haust að gera Guðmund
Kr. að fjórða heiðursfélaga sínum og fylla þar með
flokk, sem í eru arkitektarnir Sigurður Guðmunds-
son og Gunnlaugur Halldórsson og auk þeirra
Hörður Ágústsson, listmálari og fræðimaður. Boð-
að hafði verið til félagsfundar þar sem þessi
gjörningur var á dagskrá, en daginn fyrir fundinn
lézt Guðmundur Kr. Á aðalfundi A.í. þann 24. nóv-
ember s.l. var ákvörðun stjórnar um að gera Guð-
mund Kr. að heiðursfélaga Arkitektafélagsins borin
undir atkvæði og samþykkt samhljóða.
60