Bændablaðið - 04.04.2023, Blaðsíða 10

10 Bændablaðið | Þriðjudagur 4. apríl 2023
FRÉTTIR
Vetrarsól er umboðsaðili
Sláttuvélar
& sláttuorf
Snjóblásarar
Askalind 4 | Kópavogi | Sími 564 1864 | vetrarsol.is
Gulltryggð gæði
40 ár
á Íslandi
Sláttutraktorar
Fjármálaáætlun ríkisstjórnar Íslands:
Skilyrði sköpuð til 25%
vaxtar í íslenskri garðyrkju
Bjarni Benediktsson fjármála-
ráðherra kynnti fyrir skemmstu
fjármálaáætlun ríkisstjórnarinnar
til næstu fimm ára. Þar er gert
ráð fyrir að útgjöld ríkisins til
landbúnaðar verði svipuð frá
ári til árs, en markmið eru um
að skapa skilyrði til 25 prósenta
framleiðsluaukningar á grænmeti
– bæði í útiræktun og ylrækt.
Í yfirliti um útgjaldaramma fyrir
málefnasvið ríkisstjórnarinnar fyrir
árin 2024 til 2028, sést að gert er
ráð fyrir að útgjöld stjórnvalda til
landbúnaðarmála standi nokkurn
veginn í stað miðað við verðlag
þessa árs; verði 21.173 m.kr. árið
2024, 21.261 m.kr. árið 2025, 21.123
m.kr. árið 2026, 21.198 m.kr. árið
2027 og 21.173 m.kr. á árinu 2028.
Í kafla fjármálaáætlunarinnar
um landbúnað, í málaflokki um
stjórnun landbúnaðarmála, er áætlun
um vaxtarþróun í garðyrkjunni.
Þar er gert ráð fyrir að skilyrði
verði sköpuð til að framleiðsla á
útiræktuðu grænmeti og ylræktuðu
grænmeti muni aukast um 25 prósent
frá síðasta ári til ársins 2028. Í
útiræktun fari framleiðslan úr 1.170
tonnum í 1.460 tonn. Í ylræktinni
fari framleiðslan úr 3.485 tonnum
í 4.350 tonn. Strax á næsta ári á að
skapa skilyrði til tíu prósenta vaxtar
í þessum greinum á þessum tveimur
árum.
Þá er gert ráð fyrir að skilyrði
skapist til að auka hlutfall á lífrænt
vottuðu landbúnaðarlandi, þannig að
það verði komið í átta prósent árið
2028, úr minna en einu prósenti á
síðasta ári. Það markmið er í takti
við tillögur sem nýverið var skilað
til matvælaráðherra um eflingu
lífrænnar framleiðslu á Íslandi. Gert
er ráð fyrir að strax á næsta ári verði
hlutfallið komið í tvö prósent.
/smh
Í fjármálaáætlun ríkisstjórnarinnar til næstu fimm ára er gert ráð fyrir að skilyrði verði sköpuð til talsverðrar
framleiðsluaukningar í garðyrkju. Mynd /ghp
Upprunavísun á
vörur frá Kjarnafæði
Fyrirtækið Kjarnafæði reið á
vaðið með PDO upprunamerkingu
á vörum sínum úr íslensku
lambakjöti.
Eins og sagt var frá í síðasta
Bændablaði fékk íslenska lamba-
kjötið verndaða upprunatilvísun í
Evrópu (PDO) og er þar með komið
í hóp með þekktum evrópskum
landbúnaðarafurðum á borð við
parmaskinku og parmesan ost.
„Við erum að byrja að nota þetta
merki og munum auka notkun
þess jafnt og þétt í framhaldinu.
Við erum afar stolt af því að vinna
íslenskt lambakjöt í góðu samstarfi
við bændur og fögnum því að þessi
einstaka gæðavara fái viðurkenningu
sem slík. Upprunamerki geta hjálpað
til við að auka traust á vörum í
síharðnandi samkeppni,“ segir Ágúst
Torfi Hauksson, framkvæmdastjóri
Kjarnafæði Norðlenska.
Markmiðið með merkingunni er
að vernda vörur sem eru framleiddar
og unnar á tilteknu landsvæði, með
því að nota viðurkennda þekkingu
staðbundinna framleiðenda og
hráefni frá viðkomandi svæði.
„Það er alltaf styrkur í því að
upplýsa viðskiptavininn um uppruna
og eðli þeirrar vöru sem í boði er,“
segir Ágúst Torfi.
/ghp
Íslenskt heiðalamb frá Kjarnafæði
með PDO upprunavísun og
upprunamerkingu Icelandic lamb.
Mynd / Aðsend
Bændablaðið kemur næst
27. apríl
Strandveiðifélag Íslands:
„Stórútgerðin reynir að grafa
undan trúverðugleika strandveiða“
Kjartan Páll Sveinsson er
nýkjörinn formaður Strand-
veiðifélags Íslands. Hann hefur
miklar áhyggjur af framtíð
strandveiða.
„Alveg frá því að kerfinu var
komið á 2009 hefur stórútgerðin
fundið strandveiðum allt til foráttu og
reynt að grafa undan trúverðugleika
þeirra, en við verðum að halda áfram
að berjast fyrir okkar tilverurétti.
Kerfið er tilkomið af baráttu og
verður eingöngu viðhaldið með
baráttu. Ef við treystum á það
að við eigum eðlislægan rétt á
strandveiðum, þá verður þetta tekið
af okkur. En við höfum þó réttlæti
og almenningsálit með okkur í liði,
og slagkraftur 700 strandveiðimanna
er gríðarlegur, þannig að ég geng
inn í þetta hlutverk með bjartsýni,“
segir hann.
Vertíðin er fjórir mánuðir
Að sögn Kjartans eru að jafnaði á
bilinu 600-700 bátar á strandveiði
á hverri vertíð.
„Okkur er mjög þröngur stakkur
sniðinn. Vertíðin er fjórir mánuðir,
maí til ágúst, en svo erum við
stoppuð af þegar potturinn klárast.
Þannig þurftum við að hætta seinasta
sumar þegar þriðjungur var eftir af
vertíð. Svo megum við bara róa
mánudaga til fimmtudaga, fjórtán
tíma á dag, og landa 774 kílóum eftir
hverja veiðiferð.”
Fjögur sterk rök fyrir
strandveiðum
Kjartan telur til nokkur rök fyrir því
að styrkja strandveiðikerfið.
„Í fyrsta lagi eru veiðar með
handfærum umhverfisvænar, hvort
sem litið er til kolefnisspors, röskunar
á lífríki sjávar eða plastmengunar. Í
öðru lagi er afli strandveiða fyrsta
flokks vara sem er afar eftirsótt
um allan heim. Í þriðja lagi eru
strandveiðar mikilvægur liður í því
að styrkja brothættar byggðir og
glæða sjávarpláss lífi á ný. Kosturinn
við strandveiðar er að þær eru
grasrótarlausn á byggðavandanum
og þeim fylgir enginn kostnaður
fyrir skattgreiðendur, þar sem
strandveiðiflotinn leggur miklu
meira til ríkisins en hann tekur út.
Í fjórða lagi opna strandveiðar dyr
fyrir þá sem vilja stunda sjósókn
óháð duttlungum stórútgerðarinnar,
enda er kerfið sprottið af úrskurði
mannréttindanefndar Sameinuðu
þjóðanna um rétt til atvinnufrelsis
og rétt til að velja sér búsetu,“ segir
Kjartan Páll. /mhh
Aðalfundur Strandveiðifélags Íslands var haldinn 5. mars síðastliðinn á eins
árs afmælisdegi félagsins. Á fundinum var Kjartan Páll Sveinsson kjörinn
formaður félagsins. Mynd / Aðsend
Innflutningur á
kjúklingakjöti í
febrúar nam tæpum
130 tonnum. Tæp
fjórtán tonn komu frá
Úkraínu.
Í tölum Hag-
stofunnar kemur
fram að tæp 74 tonn hafi
komið frá Danmörku, rúm 20
tonn frá Litáen og 19,8 tonn frá
Póllandi. Þá komu 520 kíló frá
Hollandi og 255 kíló frá Spáni.
Meðalinnflutningsverð á kíló
reyndist 627 krónur. Uppgefið
verð er hæst fyrir kjúklingakjöt frá
Danmörku, 899 krónur, en lægst frá
Spáni, 432 krónur.
Það sem af er ári hafa verið flutt
inn tæp 390 tonn af alifuglakjöti.
Á meðan hefur verið framleitt
rúm 1.530 tonn hér á landi.
Innflutningurinn er því um 20% af
því kjöti sem í boði er á markaði.
/ghp
Kjúklingainnflutningur
í febrúar