Heimili og skóli - 01.03.1975, Page 15

það ekki rétt. Menntun til að auka þroska
einstaklingsins á að gera hann að betri sam-
félagsborgara og ábyrgari. Skilningur hans
á gerð samfélagsins og mat á úrræðum þess
vex með þeirri menntun, sem t. d. gerir
honum kleift að afla sér fróðleiks á erlend-
um tungumálum, svo eitt dæmi sé nefnt. Já-
kvæð hagnýting tómstunda er mikilsverð
og ef menn venjast á að hagnýta sér mennt-
unartilboð bréfaskóla, námshringastarf, fyr-
irlestra og námskeið, þá eykur það mörg-
um víðsýni og sjálfstraust, svo að þeir geta
betur tekist á við vandamál síns umhverfis
og hljóta einnig fleiri ánægjustundir.
I janúar sl. efndi Norræna menningar-
málaskrifstofan og danska menntamála-
ráðuneytið til ráðstefnu um fullorðins-
fræðslu í Grená á Jótlandi. Þar var einkum
fjallað um hvað hægt væri að gera sameig-
inlega á Norðurlöndum til framdráttar full-
orðinsfræðslu. Umræður snerust m. a. um
það hvernig hægt væri að styrkja aðstöðu
þeirra, sem af einhverjum ástæðum hefðu
ekki notið þeirrar frummenntunar, sem
nægði þeim sem undirstaða undir hinar
ýmsu framhaldsgreinar, hvernig takast
mætti að kynna þeim fræðslutilboð, sem
einangraðir eru og uppburðarlitlir og hvern-
ig hagnýta mætti sameiginlega margt af því
fræðsluefni, sem gert er í þessum löndum
öllum. Gerðar voru tillögur um frekara
samstarf að þessum málum og bera von-
andi árangur.
Sú kennsluaðferð tíðkast nú víða erlend-
is, að nemendur fái námsefni frá bréfaskól-
um, en komi svo saman á stutt námskeið
með kennara, sem leiðbeinir þeim og geng-
ur úr skugga um að þeir skilji námsefnið.
Þessi aðferð ætti að henta vel hér í strjál-
býlinu. Námshóparnir þar sem hver styður
annan í sjálfsnámi hljóta líka að eiga fram-
tíð fyrir sér hér.
Frá námskeiði.
Meðal þess vanda, sem leysa þarf til þess
að fullorðinsfræðsla notist er það hvernig á
að bæta þeim vinnutap, sem fara úr laun-
uðu starfi til að stunda nám. Án þess að því
skilyrði sé fullnægt er hætt við að fullorð-
insfræðsla, sem er hliðstæða frummenntun-
ar og meiriháttar starfsmenntunar, komi
ekki að fullu gagni.
Engum er ljósara en þeim, sem stóðu að
samningi frumvarpsins um fullorðins-
fræðslu, að það er ekki gallalaust verk.
Þrátt fyrir það ætti að vera hægt að starfa
svo innan þess ramma, sem þar er fram
lagður, að bæði verði til hagsbóta þeim
sem menntunar æskja og hinum, sem lengi
og vel hafa starfað að fræðslu utan hins
lögbundna skólakerfis.
HEIMILI OG SIÍÓLI - 9