Heimili og skóli - 01.03.1975, Blaðsíða 46

stundafjölda hvers nemenda. Þessar reglur
gefa verulegt svigrúm fyrir mismunandi
námshraða, en eru sniðnar bæði með tilliti
til þess, að hver nemandi ætli sér ekki of
mikið og að fá þá nemendur, sem mennta-
skólanám hentar ekki, til að hætta náminu.
Nokkur ásókn hefur verið af hálfu nemenda
í að hlíta ekki þessum reglum, einkum að
stunda nám í fleiri einingum og sækja fleiri
kennslustundir en reglurnar gera ráð fyrir.
Afanganefnd telur, að sveigjanleiki áfanga-
kerfisins eigi að vera fólginn í reglum þess.
Ef í ljós kemur, að þessar reglur takmarki
um of svigrúm nemenda til að ráða námi
sínu, ber því að hliðra til með því að breyta
reglunum.
SKÓLASÓKNARREGLUR
Skólasóknarreglur áfangakerfis voru
samdar í þeim tilgangi að tryggja góða
mætingu nemenda í kennslustundir og virð-
ast hafa gefið góða raun að því leyti. —
Áfanganefnd gerði upphaflega ráð fyrir, að
algengasta skólasóknareinkunn yrði B, og
voru einingar fyrir skólasókn miðaðar við
það. Á haustönn 1973 dreifðust skóla-
sóknareinkunnir þannig: 66% A, 19% B,
11% C, 4% D. Svipuð hlutföll voru tvær
fyrstu annir áfangakerfisins. Kanna þyrfti,
hvort þetta háa hlutfall A-einkunna stafar
af mjög góðum mætingum, slælegri fjarvist-
arskráningu eða einhverjum öðrum ástæð-
um.
Reynsla undangenginna ára hefur sýnt,
að skólasóknarreglur eru afar viðkvæm-
ar fyrir öllum frávikum í framkvæmd
þeirra, og ber því að gæta ýtrustu varúðar
í breytingum á reglunum og við fram-
kvæmd reglnanna, og fylgjast vel með,
hvernig þær gefast.
STUNDATAFLA
1) Stundatafla skólans.
Fjöldi kennslustunda á viku ákvarðast af
hlutfallinu milli fjölda nemenda skólans og
fjölda kennslustofa. Kennsla fer nú fram
10 kennslustundir á dag mánudag til föstu-
dags og 6 kennslustundir á laugardegi. —-
Flestar kennslustundir eru allar venjulegar
kennslustofur skólans setnar. Fagstofur eru
af þessum sökum illa nýttar og notkun al-
mennra kennslutækja mun minni en ella.
Ur þessu er hugsanlegt að bæta með fimm
aðferðum: að fækka nemendum skólans, að
fækka kennslustundum hvers nemanda, að
fjölga kennslustofum, að lengja kennslu-
daginn, að fjölga nemendum í hverjum
námshóp. Tvær fyrstnefndu aðferðirmar
virðast einna helst koma til greina.
2) Stundatöflur kennara.
Á meðan stundatafla skólans breytist lít-
ið frá því, sem nú er, er óhjákvæmilegt að
stundatöflur allmargra kennara verði ósam-
felldar á köflum. Ekki er heldur unnt að
verða við óskum allra kennara um laugar-
dagsfrí og að ljúka kennslu frekar snemma
dags. Töflukröfur stundakennara ráða gerð
stundatöflunnar að nokkru leyti. Ekki er
hægt að búast við umtalsverðum endurbót-
um á kennaratöflum nema annað hvort
stundatafla skólans breytist verulega eða að
hlutdeild stundakennara í kennslunni
minnki verulega.
3) Stundatöflur nemenda.
Á meðan stundatafla skólans breytist lít-
ið frá því, sem nú er, er óhjákvæmilegt að
stundatöflur nemenda verði slitróttar. Mik-
ilvægt er, að fjöldi kennslustunda á dag sé
sem jafnastur hjá hverjum nemanda. Ef
40 - HEIMILI OG SKÓLI