Heimili og skóli - 01.03.1975, Blaðsíða 26

ar hagkvæmni sem þessu fylgir í rekstri.
Annað húsnæði, svo sem félagsheimili,
skrifstofur og aðrir vinnustaðir geta og
hentað vissum þáttum fullorðinnafræðslu.
Yið erum sammála því sem kemur fram
í frumvarpinu, að námsflokkar eða náms-
hópar (hér sameinað undir heitinu náms-
flokkar) séu hið eðlilega form fyrir full-
orðinnafræðslu innan sveitarfélaga, og und-
ir námsflokkastarfsemina megi einnig fella
starfsmenntun samkvæmt h-lið hér á undan.
Eðlilegan aðila til að fara með stjórnun
fullorðinnafræðslu í sveitarfélagi teljum
við vera viðkomandi skólanefnd að viðbætt-
um fulltrúum frá samtökum launþega
(verkalýðs- og starfsmannafélögum) og
áhugamannafélögum um fræðslumál af
ýmsu tagi. Gætu þessir aðilar kosið úr sín-
um hópi minni nefnd, er myndaði stjórn
fyrir námsflokkum staðarins.
Um fjármögnun bendum við á aðrar leið-
ir en frumvarpið, þ. e. að heimaaðilar
standi að fjármögnun í stað 75% styrks úr
ríkissjóði, en ríkið legði þó fram marghátt-
aðan stuðning, eins og á undan var rakið,
og smám saman segði sá stuðningur meira
til sín.
Fjármögnun heimamanna til fullorðinna-
fræðslu gæti komið frá ýmsum aðilum auk
óbeins stuðnings í húsnæði og rekstri. Þar
ætti að koma til fjárveiting úr sveitarsjóði
(og ekki óeðlilegt að með henni sé reiknað
við ákvörðun á tekjustofnun sveitarfélaga),
úr sjóðum launþegasamtaka, atvinnuleysis-
tryggingarsjóði, frá áhugafélögum, stofn-
unum og einstaklingum. Atvinnurekendur
stæðu undir kostnaði við starfsþjálfun, sem
beinlínis er tengd atvinnulífi og vinnustöð-
um, en gætu auk þess lagt fram fé að vild
til námsflokkafræðslunnar.
Ekki er óeðlilegt, að með slíkum fram-
lögum yrði myndaður einn sjóður, sem
stjórn námsflokka hefði umráð yfir og not-
aði til að greiða óhjákvæmilegan kostnað af
námsflokkastarfseminni. Það sem á vantaði
yi'ði að leggja með námsgjöldum á þátttak-
endur, en þá efnaminnstu og öryrkja þyrfti
að styrkja sérstaklega.
Sveitarfélög, er stæðu sameiginlega að
námsflokkum eða ættu þar þátttakendur,
yrðu að jafna metin með samkomulagi sín
á milli.
5. Lokaorð
Með þeirri skipan, sem hér hefur verið
reifuð, teljum við að renna megi í náinni
framtíð stoðum undir fullorðinnafræðslu
víða um land, þar sem áhugi og efniviður
er fyrir hendi, á raunsærri hátt og með
skynsamlegri þróun en gert er ráð fyrir í
fyrirliggjandi frumvarpi. Vissulega felst þó
margt gott í því, og ber það ljósan vott um,
að höfundar þess vilja hag fullorðinna-
fræðslu sem bestan. Við þá er ekki að sak-
ast, að ekki liggur fyrir enn samræmd lög-
gjöf um framhaldsskólastigið, en setningu
hennar teljum við brýnasta verkefni lög-
gjafans nú á sviði menntamála, og þurfi
hún að liggja fyrir áður en gengið verði
frá mjög víðtækri lagasetningu um fullorð-
innafræðslu.
Veikar hliðar frumvarpsins teljum við
einkum þær, að á litlu er að byggja hér-
lendis varðandi þennan fræðsluþátt, en
vaktar eru vonir um fjárveitingar til ýmissa
aðila frá ríkinu, en hætt er við að þær yrðu
naumt skornar í reynd og deildust á marga
staði með óvissum árangri. Hlutur áhugafé-
laga er líka ætlaður meiri en raunsætt er
að okkar mati. Takmörkuðum fjárveiting-
20 - HEIMILI OG SKÓLI