Læknaneminn - 01.04.2002, Blaðsíða 28

Rannsóknarráð
læknanema
Rannsóknarráð læknanema var stofnað veturinn 1999-
2000 af fimmta árs læknanema, Hans Tómasi Björns-
syni. Hann stundaði læknisfræðilegar grunnrann-
sóknir samhliða læknanáminu og tók fljótlega eftir því
að fleiri innan deildarinnar höfðu áhuga á rannsóknar-
tengdri vinnu. Upp úr því var siðan stofnaður leshóp-
ur læknanema sem starfræktur er enn í dag. Stöðugt
færist í vöxt að læknanemar vinni að rannsóknum
samhliða náminu og hefur töluverð viðhorfsbreyting
orðið í þessum efnum. Fyrir nokkrum árum síðan
fengu læknanemar sem unnu við rannsóknir gjarnan
spurningar á borð við: „Hvernig nennirðu þessu?“ eða
„Til hvers ertu eiginlega að þessu?“ Nú, nokkrum
árum seinna, koma þessir sömu læknanemar til okkar
áhugasamir um að komast í læknisfræðilega tengdar
rannsóknir. Þetta finnst okkur undirrituðum mjög
gleðilegt og eílir okkur í að halda áfram að kynna fyrir
lækanemum þau tækifæri sem þeim bjóðast. En hvað
gerir svo þetta Rannsóknarráð læknanema?
Megin tilgangur ráðsins er að efla áhuga lækna-
nema á læknisfræðilega tengdum rannsóknum af
ýmsu tagi, jafnt á sviði sameindalíffræði sem og far-
aldsfræði. Einnig að efla skilning á tengslum á milli
sameindalíffræði og klínískrar læknisfræði og mikil-
vægi þess að vera jafnvígur á báðar hliðar læknisfræð-
innar. Það er útbreiddur misskilningur að allar lækn-
isfræðilegar rannsóknir verði með pípettum á rann-
sóknarstofu. Töluvert er yfirleitt í boði af gagnavinnu
af ýmsu tagi, svo sem eins og að kanna algengi ákveð-
inna sjúlcdóma. Margir læknar liggja með verkefni í
skúffunum sem þeim hefur ekki gefist tími til að
vinna.
Rannsóknarráð starfrækir leshóp þar sem lækna-
nemar af flestum árum koma saman, einu sinni til
tvisvar í mánuði. Gjarnan er tekið fyrir ákveðið þema
og nemendurnir skipta svo með sér greinum og kynna
fyrir fundargestum. Yfirleitt reynum við að fá lækni,
sem er sérfræðingur á viðkomandi sviði, til að hjálpa
okkur að sjá hvernig þessi þekking getur nýst okkur
sem læknum í framtíðinni. Oft verða íjörugar og
gagnlegar umræður á þessum fundum. Vinsælt hefúr
verið að taka fyrir stærri efni á formi yfirlitsgreina.
Síðasta haust (2001) voru til að mynda teknar fyrir
greinar um ónæmiskerfið úr hinu virta vísindariti New
England Journal of Medicine. Sá fundur var undir
styrkri handleiðslu Björns Rúnars Lúðvíkssonar, sér-
fræðings í klínískri ónæmisfræði. Þá hefur Helga Ög-
mundsdóttir, prófessor, verið tíður gestur allt frá byrj-
un og kunnum við henni bestu þakkir fyrir.
Rannsóknarráðstefna lælcnanema var haldin í októ-
ber 2001, annað árið í röð, og tókst hún vonum fram-
ar. Þessar ráðstefnur eru kjörinn vettvangur fyrir
læknanema til að kynna rannsóknir sínar í afslöppuðu
umhverfi meðal sinna skólafélaga. Læknanemafyrir-
lestrarnir eru yfirleitt á bilinu sjö til níu talsins. Ráð-
stefna sem þessi er góð æfing í að koma niðurstöðum
á framfæri á skýran hátt og innan ákveðinna tíma-
marka, en það er nokkuð sem flestir þurfa að gera
töluvert af sem starfandi læknar. Læknanemar á
fyrstu árunum hafa þarna gott tækifæri til að kynnast
áhugaverðum verkefnum, en stundum eru eldri nemar
að hverfa úr rannsóknum til annarra starfa og þá vant-
ar gjarnan einhvern til að halda áfram með verkefnið.
Við fengum einnig gestafyrirlesara til að vera með
okkur, i því skyni að brjóta upp dagskrána og fengu
þeir frjálsar hendur með umræðuefni. Þeir kitluðu
hláturtaugar ráðstefnugestanna svo eftir var tekið en
þetta voru þeir Sigurður Guðmundsson, landlæknir,
Jónas Magnússon, prófessor, og Björn Rúnar Lúð-
víksson, læknir. Heiðursgestur kvöldsins var deildar-
forseti læknadeildar, ReynirTómas Geirsson, prófess-
or. Hann féllst á að leika nokkra djazz-standarda með-
an gestirnir gæddu sér á heitu hlaðborði og léttum
drykkjum. Einnig hafa þær Helga Ögmundsdóttir og
Guðrún Agnarsdóttir, forstjóri Krabbameinsfélags ís-
lands, gert okkur kleift að fá ráðstefnusal Krabba-
meinsfélagsins að Skógarhlíð endurgjaldslaust.
Við reynum að vera læknanemum innan handar
varöandi rannsóknarnemendaskipti, hvort sem það er
í sambandi við hið árlega fjórða árs verkefni eða við
öflun akademískrar sumarvinnu, jafnt hérlendis sem
og erlendis.
Fyrir hönd Rannsóknarráðs læknanema,
Hannes Jón Lárusson á 5.ári og
Jón Torfi Gylfason á 3.ári.
26