Bændablaðið - 05.10.2023, Blaðsíða 42

42 Bændablaðið | Fimmtudagur 5. október 2023
LÍF&STARF
Fjórir viðburðir á Lífræna deginum
– Áhersla lögð á meiri fræðslu til neytenda um vottunarmerkið og lífrænan landbúnað
Lífræni dagurinn var haldinn
hátíðlegur í annað sinn laugar-
daginn 16. september.
Fjórir viðburðir voru haldnir víðs
vegar um landið og einn viðburður
á Kaffi Flóru í Grasagarðinum í
Reykjavík sem Lífrænt Ísland stóð
fyrir. Viðburðirnir gengu mjög vel
og fengu framleiðendur víðs vegar
um landið fjölda gesta til sín til að
sjá, smakka og kynnast hvað lífræn
ræktun snýst um.
Lífræna vottunarkerfið er
alþjóðlegt gæðastýringarkerfi sem
hefur verið til í yfir 50 ár. Markmiðið
með að halda Lífræna daginn er
að vekja athygli á þessari tegund
ræktunar á Íslandi og fræða fólk um
gildi vottunarinnar.
Meiri fræðsla
„Við hjá Lífrænu Íslandi höfum
verið að leggja áherslu á meiri
fræðslu til neytenda,“ segir Anna
María Björnsdóttir, verkefnastjóri
Lífræna dagsins. „Það liggur svo
gríðarlega margt að baki þegar vara
fær lífræna vottunarmerkið, hlutir
sem neytendur eru ekki upplýstir um
á matarumbúðum eða í verslunum en
skiptir marga neytendur máli.
Fyrir Lífræna daginn útbjuggum
við samfélagsmiðlaefni sem hefur
það markmið að fræða neytendur
um hvað það þýðir þegar vara er
með lífræna vottun. Einnig gerðum
við fallegt fræðsluplakat með
upplýsingum um hvað liggur að baki
því að vara sé með lífræna vottun.
Í lífrænni ræktun eru reglur um
dýravelferð strangari. Í lífrænum
landbúnaði hafa kýr og kindur meira
rými á húsi, fá lífrænt fóður og hafa
aðgang að útisvæði allt árið um kring,
þegar veður leyfir. Lífrænir bændur
vinna að því að fyrirbyggja veikindi
dýranna og huga að heilbrigði þeirra
m.a. með því að leyfa þeim að lifa
eins og þeim er eðlilegt í náttúrunni.
Í lífrænni ræktun eru ekki notuð
eiturefni. Í staðinn nota lífrænir
bændur náttúrulegar aðferðir til að
vernda plöntur gegn sjúkdómum og
ágengi sumra skordýra og vernda
þannig líffræðilegan fjölbreytileika.
Samkvæmt Evrópsku matvæla-
öryggisstofnuninni (EFSA eru
eiturefnaleifar í um helmingi af öllum
almennum matvörum í Evrópu en
einungis brot af því er að finna í
lífrænum vörum.“
Lífræn ræktun er
hringrásarkerfi í framkvæmd
Að sögn Önnu Maríu byggir lífræn
ræktun á hringrás næringarefna.
„Næringarefnum úr nærumhverfinu
er safnað saman svo sem matar-
afgöngum, búfjáráburði, garðúrgangi
og afskurði frá ræktun og þeim
komið inn í hringrásina aftur
sem lífrænn áburður, í gegnum
safnhaugagerð til dæmis.
Í lífrænum mat eru bara leyfð 53
E-efni í stað 396. Grunngildi lífrænnar
ræktunar er að búa til hreina matvöru
sem hefur náttúrulegan endingartíma
og lit. Þess vegna eru lífrænar vörur
almennt með færri aukaefni en aðrar
vörur. Í Evrópusambandinu eru 396
E-Efni leyfð í matvörum. Lífrænu
reglurnar útiloka 343 þessara efna og
leyfa einungis 53 E-efni sem öll eiga
sér náttúrulegan uppruna,“ útskýrir
Anna María.
Lífræni dagurinn
kominn til að vera
Hún segir að þetta sé aðeins brot af því
sem liggur að baki því að vara sé með
lífræna vottun og heldur áfram. „En
þetta eru upplýsingar sem neytendur
eiga rétt á að vita, að minnsta kosti.
til að geta tekið upplýstari ákvarðanir
um hvaða matvöru þeir velja.
Lífrænt Ísland heldur úti vefnum
www.lifraentisland.is sem er ætlað
að vera ákveðin miðja fyrir lífræna
íslenska framleiðslu þar sem hægt
er að finna upplýsingar um allt sem
framleitt er á Íslandi undir lífræna
vottunarmerkinu.
Lífræni dagurinn er kominn til
að vera og erum við strax farin að
hlakka til Lífræna dagsins 2024,“
segir Anna María.
/smh
Vífill og Alejandra á Syðra-Holti í Svarfaðardal tóku á móti gestum úr sveitinni
á Lífræna daginn, stóðu fyrir kynningum og fyrirlestrum, voru með smakk og
seldu vörur. Þau buðu upp á blómkálssúpu með alls konar fersku og gerjuðu
grænmeti, allt saman úr þeirra eigin lífrænt vottuðu afurðum.
Myndir / Lífrænt Ísland
Akur Organics í Þistilfirði á Langanesi tóku á móti gestum til sín og buðu
þeim að taka upp gulrætur sjálfir sem börnunum þótti mjög gaman. Einnig
gáfu þau smakk og sýndu gestum hvað þau eru að vinna að með þeirra
öflugu og stóru gulrótarækt.
Jóhanna Vilhjálmsdóttir, Anna María Björnsdóttir og Stefán Jón Hafstein.
Stefán Jón, höfundur bókarinnar „Heimurinn eins og hann er“, hélt erindi á
viðburðinum á Kaffi Flóru. Hann fór vítt og breitt um vandann við matvælakerfi
heimsins og tók fram að lífræn ræktun væri að minnsta kosti eitt af svörunum
við þeim vandamálum sem matvælakerfi heimsins standa frammi fyrir eins og
ofnotkun á tilbúnum áburði og þeim umhverfisvandamálum sem það veldur.

Jóhanna Vilhjálmsdóttir, höfundur bókarinnar ,,Áhrif eiturefna á heilsu og
umhverfi“ hélt erindi um lífrænt mataræði og heilsu. Hún lagði sérstaka
áherslu á mikilvægi þessi að neyta matar án eiturefnaleifa. Mörg eiturefna sem
notuð eru í almennri ræktun eru hormónaraskandi efni og geta haft skaðleg
áhrif á heilsu sérstaklega barna og fóstra í móðurkviði. Þessi efni væru
bönnuð í lífrænni ræktun og því öruggara að neyta lífrænt vottaðra matvara.
Eydís Magnúsdóttir og Rúnar Máni
Gunnarsson, sauðfjárbændur í
lífrænum búskap, héldu erindi.
Liv og Alla frá Villi mey kynntu sínar
lífrænt vottuðu snyrti vörur.
Helgi Rafn Gunnarsson, fram kvæmda-
stjóri Bíóbú, og Margrét, dóttir hans,
kynntu og seldu lífrænar mjólkur-
vörur og kjöt frá Bíóbú.
B
irt m
eð
fyrirvara um
m
ynd
a- o
g
textab
reng
l.
Doublecoin - RSD1
Hönnuð fyrir erða vetrarfærð.
Grófmunstruð dekk sem veita
frábæra spyrnu snjó.
Doublecoin - RSD3
Munstur dekksins er hannað
til að veita gott grip við
ölbreyttar aðstæður.
nesdekk.is / 561 4200
Fiskislóð 41
101 Reykjavík
561 4110
Tímabókun
Skeifan 9
108 Reykjavík
590 2098
Tímabókun
Njarðarbraut 9
260 Reykjanesbæ
420 3333
Tímabókun
Njarðarnesi 1
603 Akureyri
460 4350
Tímabókun
Austurvegur 54
800 Selfossi
590 2095
Tímabókun
Lyngási 8
210 Garðabæ
565 8600
Tímabókun
Breiðhöfði 13
110 Reykjavík
590 2080
Tímabókun
Bókaðu tíma hjá sérfræðingum okkar
á nesdekk@nesdekk.is
ÚRVAL DEKKJA
FYRIR ATVINNUTÆKIÐ
Nesdekk er umboðsaðili á Íslandi