Bændablaðið - 05.10.2023, Side 45

45Bændablaðið | Fimmtudagur 5. október 2023
LANDBÚNAÐUR Í SKÁLDSKAP
Orðsins list kemur að þessu
sinni frá Sigurði Óskari
Pálssyni .
Sigurður (1930-2012)
var fæddur í Breiðuvík,
sunnan Borgarfjarðar
eystra, og ólst upp þar
og síðan í Geitavík á
norðurströnd fjarðarins.
Hann var kennari og
skólastjóri á Borgarfirði
eystra og einnig á Eiðum.
Bjó síðar á Egilsstöðum
og var þá forstöðumaður
Héraðsskjalasafns Aust-
firðinga en síðari árin
búsettur á Akureyri.
Lífsförunautur hans frá
1956 var Jónbjörg S.
Eyjólfsdóttir (1931–2012),
sem einnig var einkar hög
á orðsins list.
Sigurður var vel þekktur
fyrir ritstörf og gamanljóð,
en lá lengi á alvarlegri
ljóðum sínum sem birtust
loks á bók árið 2001,
hjá Félagi ljóðaunnenda
á Austurlandi, undir
nafninu Austan um land.
Bókin seldist upp og var
endurprentuð árið 2010
með viðbótum. Í kynningu
á bókarkápu segir að Sigurður
yrki ljóð um frið, um ástina
og aðra mannlega eiginleika
á sinn lágværa og persónulega
hátt. Fegurst ómi lofgjörðin til
átthaganna og óspilltrar náttúru
landsins og taki oft á sig svipmót
tærrar ljóðrænu. / sá
Minning
Góð voru haustin
með heiðríkum kvöldum
og löngum,
haldið var seint
af engjum,
gengið hægt um
hélaðan flóa
með hrífu og orf
og liðið að göngum.
Og góð voru haustin
er heyskap lauk
í hægum landþey
sem bar með sér angan
hins rauða lyngs
um leið og hann strauk
lófum um fölbrúnar mýrar;
síðustu baggarnir
látnir við Hámóaheyið
og hestunum sleppt
eftir vinnudag strangan.
Gangnadagsmorgunn
Septemberstorminn, sem strauk yfir
landið í nótt /
styrkri hendi og bældi fölnandi
stráin, /
lægði undir morgun og lognið varð
svalt og hljótt, /
litverp í dögun og þögul er
Heimabláin.
Úr dapi og svarðargröf fífudúnn
fokinn er, /
fallinn til jarðar um þýfi og
leirbornar keldur, /
stelkurinn floginn. Nú finn ég í
vitum mér /
fölvans keim og þarf ei að
spyrja hver /
sig hniprar til stökks og hverju
dómur er felldur.
Bæn gamals bónda
Mold – ó, mold með sætan sýruþef,
sofandi rót þú geymir langan vetur
og vekur þegar vorblær kyssir þig.
Æðaslög þín með iljum mínum hef
ég einatt fundið sterkara og betur
því lengra sem ég lífsins gekk á stig.
Þig hef ég arið, feðra minna mold,
af mætti veikum. Fyrirgefðu mér,
ég gat ei meira. Bljúgur bið ég þig:
Þegar að lokum fell ég einn á fold
og fært verður mitt hrör að barmi
þér /
– lyk þá faðmi mjúklega um mig.
Úr ljóðabókinni
Austan um land, útg. 2010.
Ástin og aðrir mannlegir eiginleikar
Sigurður Óskar Pálsson.
Mynd / Félag ljóðaunnenda á Austurlandi
Davíð og Stefán eru syngjandi veislustjórar
stefanhelgi@gmail.com eða s. 896-9410.
Jólahlaðborð og skemmtanir
um allt land